Lajme

Zgjedhjet në Tearcë nuk janë vetëm për një kryetar, por për drejtimin që duam si qytetarë

Shkruan: Zemri Idrizi
Bartës liste i AKI -së në Tearcë

Të dashur miq, besoj të gjithë pajtohemi se Tearca është më shumë se një komunë, është pasqyrë e vetëdijes sonë kombëtare!

Zgjedhjet në Tearcë nuk janë vetëm për një kryetar, por për drejtimin që duam si qytetarë!

Ky vend me histori, me arsimtarë, me njerëz punëtorë dhe me mërgimtarë që e mbajnë gjallë ekonominë, meriton udhëheqje me mendje e zemër kombëtare! Mjaft me ndarje krahinore e partiake – Tearca ka nevojë për bashkim, për njerëz që punojnë për të gjithë, jo për pak!

Tearca, kjo komunë me rrënjë të thella shqiptare, po hyn në një tjetër betejë zgjedhore. Por më shumë se një garë për pushtet lokal, këto zgjedhje janë një test për vetëdijen kombëtare të shqiptarëve të këtij rajoni!

Në një kohë kur partitë shqiptare garojnë për poste, Tearca duhet të mendojë për vlera. Në një periudhë kur politika është mbushur me premtime boshe, Tearca duhet të kërkojë njerëz që punojnë me ndershmëri dhe që e kanë drejtësinë në shpirt, jo vetëm në fjalë.

Kjo komunë ka qenë gjithmonë shembull i punës, i kulturës, i arsimimit dhe i krenarisë kombëtare!

Të respektuar shqiptarë, Tearca nuk ka nevojë për ndarje. Ka nevojë për bashkim, për frymë kombëtare, për njerëz që e shohin çdo fshat e lagje si pjesë të një trupi të vetëm!

Të votojmë për ata që mendojnë për të ardhmen e fëmijëve, për arsimin, për kulturën, për punësimin e të rinjve, e jo për ata që kujtohen për popullin vetëm gjatë fushatave! Një votë e mençur në Tearcë është një votë për dinjitetin e gjithë shqiptarëve!

Tearca duhet të jetë shembull i unitetit, jo i ndarjes. Tearca duhet të mbetet një komunë me rrënjë të thella shqiptare!

Të tregojmë se shqiptarët dinë të bashkohen kur është fjala për të ardhmen e tyre. Sepse ky vend i vogël në hartë, por i madh në shpirt, është dëshmi se kombi ynë jeton përmes njerëzve që punojnë për bashkim, jo për përçarje!

Le të jenë këto zgjedhje një mesazh i qartë: Tearca zgjedh dinjitetin, jo interesin. Zgjedh bashkimin, jo ndarjen. Zgjedh të ardhmen!

Sot, para çdo votuesi qëndron një pyetje e madhe: A do të vazhdojmë me ndarje, me interesa të vogla apo do të bashkohemi për të ardhmen e fëmijëve tanë?

Koha kërkon përgjegjësi. Koha kërkon unitet.

Ftoj çdo bashkëvendas, çdo të ri, çdo mërgimtar, çdo familje shqiptare
të dalë me besim e me ndërgjegje.
Të votojmë për bashkim, për drejtësi dhe për përparim! Sepse vota jonë nuk është thjesht një numër – është zëri ynë, është dinjiteti ynë, është e ardhmja jonë!

Gjithmonë bashkë!

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net