Lajme

Llurkovski: Zgjidhim problemet në Karposh

Kandidati i VMRO-DPMNE-së për Karposhin, Sotir Llukrovski, thekson që fokusi i tij në ofertën për banorët e komunës, është te problemet komunale të cilat ndër vite nuk janë zgjidhur.

Llukrovski thotë se ka plan për zgjidhjen e problemit me mungesën e parkingjeve, por edhe se do ta bëjë Karposhin më të pastër. Ka projekte për zgjidhjen e problemit me betonizimin, ndërsa thotë se do të punojë edhe për personat me nevojat të veçanta dhe do ta rrit sigurinë.

“Konstatuam se kryesisht problemet komunale i mundojnë banorët e Karposhit, si shumica e shkupjanëve. Në vend të parë është parkingu, problemi me parkimin, mbeturinat për fat të keq, betonizimi. Domethënë të gjitha ato ndërtesa që na u paraqitën në parqe. Më pas, siguria është gjithashtu një prej 6-7 temave, ndotja e ajrit, problemi me qentë endacakë të cilat para se gjithash janë një rrezik për fëmijët. Pra këto janë problemet që përsëriten në të gjitha 14 komunitetet urbane në Karposh”, tha Sotir Llukrovski, Kandidat i VMRO-së për Karposhin./ Alsat.mk

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!