Lajme

VLEN dhe AKI bashkë për fitoren e Bërvenicës

Kandidati i VLEN për kryetar të Bërvenicës, Haqim Ramadani që kaloi në raundin e parë zgjedhor bashkë me kundërkandidatin e tijEnver Pajaziti nga AKI janë bashkuar në një qëllim të përbashkët – të sigurojnë fitoren në komunën e Bërvenicës në raundin e dytë të zgjedhjeve lokale, përcjell INA.

Pajaziti nuk arriti të kaloj në balotazh, por kryetari aktual i komunës nga radhët e VMRO-DPMNE-së, Jovica Ilievski, i cili garon për mandat të ri. Por mobilizimi i koalicioneve shqiptare ka bërë që më 2 nëntor të rikthehet kjo komunë.

Ramadani së bashku me Pajazitin dhe aktivistë të të dyja koalicioneve kanë udhëtuar bashkërisht në Gjermani, Austri dhe Zvicër, ku po takohen me mërgimtarët nga Bërvenica për të mobilizuar diasporën që të marrë pjesë në votimet e 2 nëntorit.

“U dakorduam se vetëm të bashkuar mund të dalim fitimtar dhe se më 2 nëntor do ta kthejmë dinjitetin dhe krenarinë e banorëve të Komunës së Bërvenicës – kudo që ndodhemi!Çdo votë ka rëndësi! Vetëm nëse bëhemi bashkë, fitorja është e garantuar!”, ka shkruar Ramadani.

Raundi i dytë i zgjedhjeve në Bërvenicë do të mbahet më 2 nëntor, ku kandidati i VLEN-it, Haqim Ramadani, do të përballet me kryetarin aktual të komunës, Jovica Ilievski nga VMRO-DPMNE.

Komuna e Bërvenicës ndodhet në pjesën veriperëndimore të Maqedonisë së Veriut, në rajonin e Pollogut, afër qytetit të Tetovës. Ajo përfshin disa fshatra dhe njihet si një zonë bujqësore dhe emigracioni, ku një pjesë e madhe e banorëve jetojnë e punojnë jashtë vendit, kryesisht në Evropën Perëndimore. Sipas regjistrimit të vitit 2021, komuna ka 13.645 banorë, nga të cilët rreth 54% janë shqiptarë dhe 42% maqedonas.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!