Lajme

Për 9 muaj, shteti ka mbledhur 58,7 milionë € nga pikat e pagesave në autostrada

Të ardhurat totale nga taksat e pikëpagesave për nëntë muajt e parë të vitit arritën 3.611.645.604 denarë (rreth 58,7 milionë euro), njoftojnë nga Ndërmarrja Publike për Rrugë Shtetërore (NPRRSH). Në shtator, qarkullimi në pikat e pagesës ishte 401.971.971 denarë, ndërsa gjatë muajve të verës, kur frekuenca e automjeteve është më e lartë, u regjistruan:

Gusht: 494.308.025 denarë
Korrik: 469.811.647 denarë
Qershor: 399.325.680 denarë
Pika e pagesës më fitimprurëse është ajo në Rramanli, ndërsa të ardhurat më të ulëta janë regjistruar në Kadrifakovë.

Sa i përket pagesës elektronike, në shtator, arkëtimi nga faturat e lëshuara përmes ETC arriti në 30.870.116 denarë, ndërsa përmes rimbushjes online në internet u arkëtuan 30.888.802 denarë. Pagesat përmes sistemit “Open Balkan” për këtë muaj arritën në 10.486.530 denarë.

Nga NPRRSH theksojnë se pagesa elektronike ka arritur tashmë 35% të totalit.

Në fazën përgatitore ndodhet projekti për plotësimin e pajisjeve M-TAG dhe Mkard, dhe siç bëjnë të ditur nga NPRRSH, së shpejti pritet që përmes personave juridikë të fillojë shitja me pakicë e pajisjeve M-TAG në të gjithë vendin.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk