Lajme

Shtetasi serb kapet në “Tabanoc” me 94 mijë euro

Inspektorët doganorë nga ekipet mobile të Sektorit të Kontrollit dhe Hetimeve në pikën kufitare Tabanoc, dje sekuestruan valuta të huaj që një shtetas serb kishte tentuar t’i nxirrte ilegalisht nga vendi.

“Për shkak të dyshimit në deklaratën e dhënë nga pasagjeri se nuk kishte asgjë për të deklaruar dhe se mbante me vete më pak se 1.000 euro, inspektorët doganorë kryen një kontroll të detajuar të automjetit dhe gjetën 44.000 euro në një çantë dore të zezë në sediljen e pasagjerit nën xhaketën e një burri, dhe 50.000 euro shtesë, ose gjithsej 94.000 euro, u gjetën në bagazhin e automjetit në një çantë lëkure të zezë, për të cilën personi nuk posedonte dokument që vërtetonte origjinën e parave dhe nuk i kishte deklaruar ato”.

“Personit iu kthyen 10.000 euro, shumë që, sipas Ligjit për Operacionet me Këmbim Devizor, jorezidentët mund ta nxjerrin nga vendi pa i deklaruar, ndërsa shuma e mbetur prej 84.000 eurosh iu konfiskua përkohësisht”, thonë nga MPB.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk