Humbësit po manovrojnë ende për të hyrë në qeveri, duke shpërndarë përgjegjësinë te të tjerët dhe duke përdorur narrativën e “shqiptarit të viktimizuar” për të fshehur dështimet e tyre. Fuqia e dridhjes së humbjeve drastike në zgjedhjet e fundit i ka bërë që të flasin me veten. Shqiptarët përfaqësohen nga ata që vetë shqiptarët kanë zgjedhur. VLEN ka dëshmuar dhe po dëshmon profesionalizëm në udhëheqësinë e institucioneve shtetërore. Qeveria VLEN ka ndërtuar status për çdo qytetar të vendit, me vendime konkrete, jo premtime të kota. K

Kundërshtarëve, humbjet drastike në zgjedhje u kanë filluar të mjegullojnë orientimin politik. Janë “goditjet” e fundit që një parti në zhdukje mund t’i paraqesë vetëm para mediave. Dëshmia më e madhe e dështimit të tyre është ndarja e koalicionit pas humbjeve të zgjedhjeve, që tregon se bashkimi i tyre ishte për interesa personale, ndërsa VLEN u bashkua për të qenë në shërbim të popullit. Dhe populli foli në zgjedhjet e fundit.

Epoka e partisë opozitare në zhdukje, e cila bën përpjekje të dëshpëruara për të mbijetuar ka marrë fund, dhe ata janë të fundosur në panik. Sot kjo strukturë nuk është parti politike. Është një strukturë e rrënuar, që pas humbjeve të njëpasnjëshme endet si një trup pa shpirt, duke përsëritur të njëjtat fraza boshe. Të gjithë i shohin: janë të hutuar, të frikësuar dhe pa asnjë drejtim. Ajo që nuk mund ta pranojnë është e thjeshtë, shqiptarët nuk i besojnë më. Kjo është goditja më e rëndë që mund t’i ndodhë një partie që për vite ka ushqyer arrogancë.

Fuqia e humbjes i ka dridhur aq shumë sa sot flasin me veten, kundërshtojnë veten dhe shpikin narrativa që askush nuk i blen më. Kjo nuk është lidership, është panik. Realiteti është kokëfortë: shqiptarët përfaqësohen nga ata që vetë shqiptarët kanë zgjedhur. Dhe shqiptarët zgjodhën ndryshim. Zgjodhën VLEN. Zgjodhën profesionalizëm, transparencë, rezultate dhe shtetndërtim të vërtetë.
VLEN në çdo institucion ku ka marrë përgjegjësi ka dëshmuar seriozitet dhe standard krejt tjetër. Jo teatër para kamerave, jo lojëra të vjetra për interesa personale, por punë të qartë, të matshme, me fokus tek qytetari. Qeveria VLEN ka krijuar status më të barabartë për çdo qytetar. Jo me premtime të kota, por me vendime konkrete. Kjo është arsyeja pse kundërshtarët janë të shthurur. Humbjet drastike i kanë mjegulluar orientimin politik. Hedhin goditjet e fundit si çdo parti në zhdukje, duke thënë çdo gjë që u vjen në mendje për të fshehur realitetin: epoka e tyre ka mbaruar.

Dhe pastaj del një i ashtuquajtur politikan që hidhet nga partia në parti, nga koalicion në koalicion, duke shitur çdo parim për pushtet, i cili është shembulli më i qartë i një politikani të harxhuar që deri dje fliste duke quajtur të tjerët “vazalë”. Sot, pas humbjes së rëndë, endet duke kërkuar çdo derë për të hyrë në qeveri. Qeveria VLEN nuk ka nevojë për vazal që nuk kanë qëndrime politike, por vetëm interesa. Nuk ka mbetur as parim, as kauzë, as votë e pastër pas vetes. Vetëm ambicie personale dhe viktimizim.

Kush tradhton një herë, tradhton gjithmonë. Mundohet të arsyetojë pse braktisi koalicionin, por askush nuk e merr seriozisht. Shqiptarët e panë, e lexuan dhe e tejkaluan. Në skenën politike shqiptare ai nuk ka më as peshë, as rol, as të ardhme. Politikan i konsumuar, pa vizion dhe pa ndikim. Askush nuk pret asgjë prej tij sepse asgjë nuk ka për të dhënë.

Deklaratat e fundit të personit që përpiqet të maskojë dështimet e partisë së tij në zhdukje me retorikë të pafuqishme janë shembulli ideal i krizës së thellë në të cilën ndodhet partia opozitare që po shkatërrohet dhe po mbyt veten në përpjekje të kota. Ai përpiqet me çdo kusht t’u ikë përgjegjësive duke ia hedhur fajin aktorëve të tjerë, sikur qytetarët nuk i panë rezultatet në kutitë e votimit. Retorika e tij për “demokraci të rrezikuar” dhe për “shqiptarë të margjinalizuar” është thjesht strategji e vjetër viktimizimi, një përpjekje e dëshpëruar për të maskuar humbjen dhe për të ricikluar diskurse që nuk bindin më askënd. Kjo mënyrë e të folurit është prova më e qartë se partia opozitare nuk ka më as argument, as vizion, as legjitimitet politik.

Derisa këta opozitarë kërkojnë oksigjen politik, VLEN po ndërton shtet. Partia opozitare mund të flasë sa të dojë, të ripaketojë veten, të mashtrojë ndjekësit e fundit dhe të sajojë arsyetime qesharake për humbjet. Por nuk ndryshon faktin historik: shqiptarët zgjodhën fundin e kësaj partise opozitare. Shqiptarët zgjodhën fillimin e VLEN-it. Në këtë vend, epoka e arrogancës ka përfunduar. Epoka e përgjegjësisë ka nisur.

Mustafa Dauti
Zv. Drejtor në Drejtorinë e Doganave në RMV