Lajme

Dyshohet se u bë drejtoreshë në shkollë me dokument të falsifikuar

Policia e Maqedonisë së Veriut ka ngritën kallëzim penal ndaj 57 vjeçares nën dyshimet se ishte bë drejtoreshë me dokument të falsifikuar, transmeton Portalb.mk.

“Kallëzim penal kundër D.J.(57) nga Pehçeva për veprën “Falsifikim dokumenti”. E dyshuara ka paraqitur një certifikatë të falsifikuar të gjuhës angleze në konkursin publik”, raportoi Policia e Maqedonisë së Veriut.

Ajo përmes këtij dokumenti ishte bë drejtoreshë në një shkollë fillore të Pehçevës.

Policia këtë vit ka ngritën kallëzim penal edhe ndaj disa rasteve tjera, si në Strugë e në Kamenicën e Maqedonisë së Veriut, për falsifikim të certifikatës.

Ndryshe, Prokuroria Themelore në Shkup në muajin maj hodhi poshtë kallëzimet anonime penale kundër Bojan Hristovskit, Drejtor i Agjencisë së Sigurisë Kombëtare (ASK), për falsifikim dokumentesh. Hetimet tha Prokuroria, konfirmuan se certifikata TOEFL iBT e paraqitur prej tij ishte e vlefshme dhe e lëshuar pas një testimi në kushte shtëpiake në vitin 2022, në përputhje me rregullat ndërkombëtare. Nuk u gjetën prova që Hristovski të kishte përdorur dokumente të falsifikuara ose të pavlefshme në aplikimet e tij. Gjithashtu, certifikatat e arsimit të tij u vërtetuan si të rregullta nga institucionet përkatëse.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.