Lajme

VLEN: Mbrëmë në Manastir, historia u bë kulturë, gjuha u bë bashkim

VLEN shpreh krenarinë dhe mirënjohjen e thellë për organizimin e manifestimit qendror të mbajtur dje në Manastir, me rastin e 117-vjetorit të Kongresit të Alfabetit të Gjuhës Shqipe. Në vendin ku në vitin 1908 u vendos një prej themeleve më të rëndësishme të identitetit tonë kombëtar, u rikujtua edhe një herë se gjuha shqipe është më shumë se mjet komunikimi, ajo është orientimi ynë historik dhe europian, ura që na bashkon në vetëdijen kombëtare.

Prania e Kryeministrit të Republikës së Kosovës, Albin Kurti, dhe përfaqësuesve institucionalë nga mbarë hapësira shqiptare, e bëri këtë ditë edhe më domethënëse, duke dëshmuar se gjuha shqipe mbetet elementi ynë më i fortë i unitetit dhe identitetit.

Në Pallatin e Kulturës në Manastir, atmosfera e ndezur nga muzika, interpretimet artistike dhe emocionet e publikut u shndërruan në një homazh të gjallë për delegatët e vitit 1908, të cilët me vizionin e tyre i dhanë formë kombit tonë modern. Ky koncert e mbylli siç duhet një ditë të shënuar, duke na rikthyer te rrënjët dhe te amaneti i rilindësve.

VLEN beson se detyra jonë sot është të vazhdojmë forcimin e kësaj trashëgimie përmes arsimit cilësor, kulturës dhe institucioneve të përgjegjshme. Vetëm kështu mund ta nderojmë vizionin e Kongresit të Manastirit dhe ta çojmë përpara amanetin e tyre për një gjuhë që bashkon shqiptarët kudo që ndodhen.

Lajme

Trump: Po flasim me NATO-n për Grenlandën

Presidenti amerikan Donald Trump tha se Grenlanda është jetike për sigurinë kombëtare të SHBA-së dhe konfirmoi se diskutimet me NATO-n janë duke vazhduar në lidhje me territorin.

“NATO ka pasur marrëdhënie me ne për çështjen e Grenlandës. Ne kemi shumë nevojë për Grenlandën për sigurinë kombëtare”, tha Trump.

“Nëse nuk e kemi, kemi një boshllëk të madh në sigurinë kombëtare – veçanërisht kur bëhet fjalë për atë që po bëjmë në lidhje me Kupolën e Artë dhe të gjitha gjërat e tjera”, shtoi ai.

Trump nuk dha detaje specifike rreth iniciativave ushtarake ose të sigurisë që ai përmendi, por theksoi se SHBA-të po angazhohen në mënyrë aktive me aleancën për këtë çështje.

“Po flasim me NATO-n”, tha ai.

Trump tha se po shqyrton përdorimin e tarifave si mjet kundër vendeve që kundërshtojnë interesat e SHBA-së në lidhje me Groenlandën.

“Mund ta bëj këtë edhe për Grenlandën”, deklaroi presidenti amerikan, duke kujtuar një shkëmbim me presidentin francez Emmanuel Macron, në të cilin ai përdori kërcënimin e një tarife gjithëpërfshirëse prej 25% për të nxitur çmime më të larta të barnave në Francë.

Javën e kaluar, Trump sugjeroi që SHBA-të duhet ta “blejnë” Grenlandën për të parandaluar që Rusia ose Kina të fitojnë kontrollin e territorit autonom të Danimarkës.

Si Danimarka ashtu edhe Grenlanda kanë hedhur poshtë çdo propozim për të shitur territorin, duke riafirmuar sovranitetin danez mbi ishullin. /AA/

Lajme

Policia e Maqedonisë së Veriut me njoftim të ri në lidhje me projektin “Qyteti i Sigurt”

Ministria e Punëve të Brendshme njofton qytetarët se në kuadër të projektit “Qyteti i sigurt”, në periudhën nga 20 deri 31 janar do të bëhet testimi, kalibrimi dhe verifikimi i pajisjeve (kamerave) të vendosura për mbikëqyrjen e qarkullimit. Testimet do të realizohen çdo ditë në periudhën nga ora 08:00 deri në orën 20:00.

“Gjatë zbatimit të këtyre aktiviteteve, automjeteve në vendet ku kryhet testimi nuk do t’u lejohet të kalojnë ndërsa procedura është në zhvillim e sipër. Në javën e parë të periudhës së planifikuar, aktivitetet do të kryhen ekskluzivisht në vendet me kamera të instaluara në zonën e qytetit të Shkupit”.

“U bëjmë thirrje qytetarëve dhe të gjithë pjesëmarrësve në trafik që të respektojnë kufizimet e përkohshme, si dhe të tregojnë mirëkuptim, durim dhe bashkëpunim me qëllim që të sigurohet zbatimi i qetë dhe i sigurt i aktiviteteve të planifikuara”, thonë nga MPB.

Lajme

Taravari me akuza të reja: Gjithmonë mbivotohesha në VLEN, tre me një!

Arben Taravari njëri nga ish liderët e VLEN-it, Arben Taravari në emisionin “Vetëm Intervistë” në Kanal 5 ka hedhur akuza të reja në drejtim të VLEN-it dhe liderëve të saj se për gjatë kohës kur ishte pjesë e këtij koalicioni në çdo temë në çdo debat që bëhej kur vinte pjesa e votimit pavarsisht arsyeshmërisë unë mbivotohesha në raport tre me një. Kjo qasje më la të kuptoj se ne dhe Alenaca për Shqiptarët ishte e pa dëshiruar në atë koalicion dhe dukej qartë që sdo të funskionoj, shkruan Top24