Lajme

Vjen bora e parë në Maqedoni

Përgatitni çadrat dhe veshjet e ngrohta. Nga fundi i ditës së sotme, vendi ynë do të ndikohet nga një seri valësh ajrore të lagështa, të cilat do të sjellin një ndryshim të ndjeshëm të motit, pikërisht në ditët para Krishtlindjeve katolike.
Sipas paralajmërimeve të meteorologëve, moti i paqëndrueshëm do të vazhdojë gjatë dy ditëve të ardhshme (24.12 dhe 25.12.2025).

Shi deri në 25 litra dhe shtresë bore
Reshjet nuk do të jenë të parëndësishme. Në disa zona priten sasi më të mëdha reshjesh, që do të kalojnë 25 litra për metër katror brenda 24 orëve.
Në malet: reshjet do të jenë në formë bore. Adhuruesit e sporteve dimërore mund të presin krijimin e një shtrese bore prej 5 deri në 10 centimetra.

Në zonat më të larta të banuara: për shkak të depërtimit të ajrit më të ftohtë nga veriu, shiu do të kalojë në borë edhe në disa vendbanime më të larta, gjë që mund t’i vështirësojë kushtet e qarkullimit.
Parashikimi për Shkupin
As kryeqyteti nuk do të mbetet pa reshje. Në Shkup, reshjet do të fillojnë nga fundi i ditës së sotme. Të mërkurën dhe të enjten pritet mot me vranësira dhe reshje shiu, të cilat herë pas here do të jenë me intensitet më të lartë.
Kur kthehet dielli?

Meteorologët paralajmërojnë qetësim të atmosferës dhe stabilizim të motit vetëm nga e premtja. Deri atëherë, rekomandohet vozitje e kujdesshme për shkak të rrugëve të lagështa.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net