Lajme

Bejta: Gostivari do të shkëlqej si në dy mandatet e mia

Kandidati për kryetar të komunës së Gostivarit, Nevzat Bejta në fjalimin e sontëm në Konvetën promovuese të koalicionit VLEN në Gostivar ka thënë se me të ky qytet do të shkëlqej.

Në këtë aktivitet ku morën pjesë edhe kryetari i Çairit, Izet Mexhiti, zv/kryeministri i parë Bekim Sali, ministri i Shëndetësisë, Azir Aliu si dhe funksionarë tjerë të VLEN-it, u theksua nevoja urgjente për ndryshim në qeverisjen lokale të Gostivarit.

Kam projekte të mëdha për Gostivarin

“Unë së bashku me qeveritarët do të realizojmë projekte shumë të mëdha. I pari projekt që është shumë u pranueshëm dhe i kërkuar nga qytetarët është hapja e bulevardit prej rrugës së Dibrës, deri te Gjykata Themelore dhe do të ndërtohet ura e dytë me katër korsi. Pastërtia do të arrijë në nivel shumë të lartë, do të shkëlqej Gostivari ashtu siç ka shkëlqyer në dy mandatet e mia”, ka thënë Bejta.

Pastaj kërkesë e qytetarëve, apo venbanimeve më të mëdha, siç është Forina, Çegrani dhe Çajla, prej aty, siç shton, “do të hapet rruga prej daljes së fshatit Forinë dhe do del në hyrje të Gostivarit”.

“Me këtë do të shkarkohet komunikacioni gjatë verës kur na vijnë bashkëqytetarët tanë në familjet e tyre”, ka theksuar Bejta.

Konventa u zhvillua në një atmosferë mobilizuese, ku u theksua, madje angazhimi i VLEN për qeverisje të përgjegjshme dhe zhvillim lokal në Gostivar.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net