Lajme

Ngricat në trotuare dërgojnë 170 persona në spital brenda fundjavës

Temperaturat e ulëta që kanë përfshirë vendin kanë krijuar kushte të vështira në shumë rrugë dhe trotuare, ku akulli dhe ngricat paraqesin rrezik serioz për sigurinë e qytetarëve. Vetëm gjatë fundjavës 170 pacientë me fraktura dhe lëndime të ngjashme janë pranuar në spitalin e qytetit.

“Gjithsej u regjistruan 170 pacientë me lëndime nga karaktere të ndryshme. Te 40 pacientë janë diagnostikuar fraktura, tek 5 pacientë prej tyre nevojitej trajtim operativ, të tjerët më thyerje dhe lëndime të tjera, u trajtuan në mënyrë konservative…”, tha Risto Pejkov, Zëdhënës i spitalit 8 shtatori.

Në shumë rrugë të kryeqytetit hasen vende me akull ndërsa ngjashëm është edhe përpara një çerdhe.

Qytetarët shprehin shqetësim për mungesën e masave për pastrimin e rrugëve.

“Kishte qenë akull, më herët ishte akull mezi kalova, nuk ka shtet badihava, as kripë nuk hidhet as asgjë, vetëm se me vjedh asgjë tjetër”, tha një qytetar.

“T’ju them të drejtën unë nuk lëvizë shumë nëpër këto rrugë, por nuk ndjehem i sigurt, shoh më të moshuarit kanë rrëshqitur, si të ju them.. Nuk kam parë deri tani të kalojnë të hedhin kripë që akulli të shkrihet”, u shpreh një qytetar.

“Me marr masa më mirë është.Ka diku ka edhe problem, por unë për vete nuk kam problem asgjë, se i kam brenda të gjitha..
-Nuk del domethënë
-jo.”, theksoi një qytetar.

Nga ndërmarrja “Rrugë dhe Rrugica” thonë se po ndërmerren masat e nevojshme, por korsitë e qarkullimit, pastrohen sipas prioriteteve, duke përfshirë pikat kritike.

“Pikat kritike të zeza (mbikalime, nënkalime, ura, ngjitje, zbritje, nyje, kthesa të mprehta dhe rreth rrotullime), ku ekziston rrezik për sigurinë e pjesëmarrësve në komunikacion gjatë temperaturave të ulëta, akullit ose reshjeve minimale të borës, trajtohen me prioritet”, thonë nga N.P “Rrugë dhe Rrugica”.

Autoritetet bëjnë thirrje për kujdes dhe shmangie të daljeve pa nevojë.

Lajme

Gjendet pa shenja jete një grua në Mavrovë, ja detajet

Një grua 58-vjeçare është gjetur pa shenja jete në një shtëpi vikendi në Hanet e Mavrovës. Rasti është raportuar në Stacionin Policor të Mavrovës, ndërsa mjeku ka konstatuar vdekjen pa shenja dhune. “Me urdhër të prokurorit publik, trupi i pajetë është dërguar për obduksion”, njoftojnë autoritetet.

Lajme

Azir Aliu: Do t’i japim fund mitos në shëndetësi

Ministri i Shëndetësisë, Azir Aliu paralajmëroi se përmes rregullimit të listës së pritjes së pacientëve për ndërhyrje kirurgjike do të ndalohet praktika e mitos për këtë çështje.

Megjithatë, qytetarët thonë se realiteti në terren vazhdon të jetë ndryshe. Sipas tyre, pa ryshfet dhe pa ndërhyrje nga njohjet, procedurat shpesh vonohen, duke i detyruar pacientët të presin me muaj të tërë për ndërhyrje.

“Nëse nuk ke miq, nuk ke asgjë. Çfarë të ju them….shkurtë e qartë nëse ke para ke menjëherë operacion, nëse nuk ke para nuk të përfillin”, u shpreh një qytetarë.

“Po pritet, mundet një muaj, dy ose më shumë …. kam pasur operacion për hernia, kam miq dhe më kanë përfunduar punë menjëherë”, tha një tjetër qytetarë.

“Përafërsisht për gruan time kam pritur gjashtë muaj”, theksoi një qytetarë.

“Me aq sa di është shumë vështirë, pasi nuk kanë personel, por shëndetësinë e kemi katastrofë. Ishim fantastik, tani jemi zero”, tha një qytetare.

“Më mirë mos më pyesni, pasi që gjithçka është kaos. Nëse ju them se për dopler të arterieve karotide kam pritur nga tetori deri në muajin mars, dhe në fund përsëri nuk kam kryer punë”, deklaroi një qytetarë.

“Nuk e di saktësisht, por e di se pritet shumë”, u shpreh një qytetarë.

Problemi me listën e pritjes për terminë ende nuk është tejkaluar. Drejtoresha e Klinikës së specializuar për mjekësi geriatrike dhe paliative, thekson se situata më shqetësuese mbetet për pacientët me demencë.

“Problemi në repartin e Geriatirsë, veçanërisht problemi me pacientët e kategorisë me demencë nuk është tejkaluar. Problemi qëndron ende, pasi që kapacitetet janë të njëjta nuk janë zmadhuar…në ndërkohë e dini se ka pasur skandale në sektorin privat, dhe ne jemi gjendur në një presion më të lartë për akomodimin e pacientëve. Zgjidhje të menjëhershme për këtë problem nuk është e mundur”, theksoi drejtoresha e Klinikës së Geriatrisë, Lençe Nelloska.

Lajme

Trump “nuk ka gjasa të pranojë” propozimin e Iranit për t’i dhënë fund luftës

Presidenti i SHBA-së, Donald Trump, sinjalizoi se nuk ka gjasa të pranojë propozimin më të fundit të Iranit për t’i dhënë fund luftës, pasi Teherani propozoi një plan për rihapjen e Ngushticës së Hormuzit, duke lënë çështjet për programin e tij bërthamor për negociata të mëvonshme, raportoi CNN, duke cituar dy burime të njohura me çështjen, transmeton Anadolu.

Sipas raportit, Trump përcolli qëndrimet e tij gjatë një takimi të së hënës me zyrtarë të lartë të sigurisë kombëtare ku u diskutua Irani, me një burim që tha se presidenti amerikan nuk ka gjasa të pranojë planin që i është dërguar SHBA-së gjatë ditëve të fundit.
Hapi i radhës i Trumpit mbeti i paqartë, thuhet në raport, duke shtuar se zyrtarët amerikanë janë ende të shqetësuar për atë që e quajnë përçarje të brendshme brenda udhëheqjes së Iranit dhe nuk është e qartë se kush mban autoritetin përfundimtar mbi çdo marrëveshje të mundshme.

Megjithatë, publikisht, Trump ka shprehur dyshime për rifillimin e fushatës së bombardimeve të SHBA-së, e cila aktualisht është pezull pasi ai zgjati armëpushimin javën e kaluar.

Shtëpia e Bardhë nuk ka dhënë detaje mbi formën ose drejtimin e negociatave në vazhdim.

“Këto janë diskutime diplomatike të ndjeshme dhe SHBA-ja nuk do të negociojë përmes mediave. Siç ka thënë presidenti, Shtetet e Bashkuara kanë në dorë letrat dhe do të bëjnë vetëm një marrëveshje që vendos në radhë të parë popullin amerikan, duke mos lejuar kurrë Iranin të ketë një armë bërthamore”, i tha CNN-it ndihmës-zëdhënësja e Shtëpisë së Bardhë, Olivia Wales.