Lajme

Kush ishin dy të ftuarit e BDI-së në Kongresin Amerikan

Ish-ministri i Punëve të Jashtme, Bujar Osmani dhe ish-zëvendëskryeministri për Implementimin e Marrëveshjes së Ohrit, Festim Halili, ishin dy përfaqësuesit e Bashkimit Demokratik për Integrim (BDI) që morën pjesë në aktivitetet zyrtare të organizuara në Kongresin dhe Senatin Amerikan, në kuadër vizitës për Lutjet e mëngjesit të organizuara nga presidenti amerikan Donald Trump në Uashington.

Gjatë qëndrimit të tyre në Shtetet e Bashkuara, Halili dhe Osmani kongresist dhe senator të udhëhequr nga kongresisti Juan Vargas, ku u ndanë përvoja dhe njohuri mbi historinë institucionale amerikane, funksionimin e demokracisë dhe procesin e ndërtimit të shtetit.

Në fokus të diskutimeve ishte edhe zhvillimi i një arsimi cilësor dhe modern, si bazë për ndërtimin e shoqërive demokratike dhe gjithëpërfshirëse.

Vizita u pasua me pjesëmarrje në Forumin për Paqe dhe Siguri, ku u zhvilluan diskutime të drejtpërdrejta mbi sfidat globale dhe rajonale me kongresistët Pete Sessions, John Moolenaar dhe Joe Wilson, si dhe me Peter Beyer nga Bundestagu Gjerman dhe Fatmir Mediu nga Shqipëria. Në këto takime u theksua rëndësia e stabilitetit politik, sigurisë rajonale dhe bashkëpunimit euroatlantik.

Në kuadër të vizitës edhe takime të ndara dhe shumë të drejtpërdrejta në Uashington me figura të rëndësishme politike dhe akademike, përfshirë:

Tommy Gonzalez, anëtar i Kongresit Amerikan;

Philip Reeker, ish-Ndihmës Sekretar i Shtetit të SHBA-ve për Evropën;

Edward Joseph, profesor universitar dhe njohës i çështjeve të Ballkanit.

Nga këto takime dolën mesazhe të qarta politike, ku u theksua se:

Qeveria e Përzhinës duhet të mbetet si mekanizëm funksional dhe garantues i stabilitetit demokratik;

Gjykata Kushtetuese duhet të çlirohet nga çdo formë e kapjes politike, duke ndalur çdo tentativë për cenimin e Marrëveshjes Paqësore të Ohrit;

Parimi i shumicës së dyfishtë gjatë zgjedhjes së Qeverisë mbetet themeli dhe shpirti i demokracisë funksionale multietnike në vend.

Gjithashtu u ftuan dhe nga Ambasada e Kosovës në Uashington, ku u organizua një darkë miqësore dhe takime me personalitete të njohura të politikës amerikane, përfshirë Jim Slattery dhe Linda Slattery, si dhe me përfaqësues të komunitetit dhe miq të vjetër të çështjes shqiptare në SHBA.

Kjo vizitë vlerësohet si pjesë e përpjekjeve të vazhdueshme të BDI-së për të forcuar lidhjet me partnerët strategjikë ndërkombëtarë, si dhe për të promovuar temat kyçe që lidhen me demokracinë, barazinë etnike dhe stabilitetin afatgjatë në rajon.

Lajme

Lazim Destani feston ditëlindjen, urimi i të birit Blerim emocionon ndjekësit

“Urime ditëlindjen, babë i dashur!” – mesazhi i aktorit të njohur për të atin

Sot është një ditë e veçantë për familjen Destani. Biznesmeni dhe filantropi i njohur shqiptar, Lazim Destani, feston ditëlindjen, ndërsa në këtë ditë të veçantë nuk ka munguar urimi i të birit, aktorit me famë ndërkombëtare, Blerim Destani.

Me një mesazh të shkurtër, por plot dashuri e emocion, Blerimi ka zgjedhur rrjetet sociale për t’ia uruar ditëlindjen të atit.

“Urime ditëlindjen, babë i dashur!”, ka shkruar aktori, duke e shoqëruar urimin me një fotografi të ngrohtë përkrah të atit.

Një urim i thjeshtë në fjalë, por që përcjell shumë për marrëdhënien e veçantë mes babait dhe të birit.

Lazim Destani prej vitesh është një nga emrat e njohur të diasporës shqiptare, i vlerësuar për aktivitetin e tij në biznes, por edhe për kontributin në iniciativa humanitare, sociale dhe në mbështetje të komunitetit shqiptar.

Lajme

Vrasja në Ksamil, gjykata lë në burg Sokrat Vatën: Çfarë u vendos për të arrestuarit e tjerë

Gjykata e Sarandës ka caktuar masat e sigurisë për personat e arrestuar pas ngjarjes së rëndë në Ksamil, ku humbi jetën një turist portugez.

Për autorin e dyshuar të vrasjes, Sokrat Vatën është caktuar masa e sigurisë “arrest në burg”.
Po ashtu me masën e arrestit me burg janë lënë edhe dy shtetasit turq, Ezgi Parlak dhe Nuh Mahmutoglu.

Për Ildi Cekanin dhe Ardit Kasemin është caktuar arresti në burg për një afat 45-ditor.
Ndërkohë, për Luciano Seferin, Moisi Matushajn, Romeo Shehun dhe Kristo Koshon është vendosur masa “detyrim për t’u paraqitur në policinë gjyqësore”.

Lajme

VANDALIZËM NË MALIN SHARR: Dëmtohen shtyllat që orientonin alpinistët

Shtyllat e shenjëzimit dimëror për orientim të vizitorëve në Malin Sharr janë dëmtuar. Këta shtylla janë vendosur në shtegun nga Kodra e Diellit deri tek Maja e Titos. Sipas kryetarit të Komunës së Bogovinës Feti Abazi, mbi 45 nga 112 shtyllat e vendosura janë dëmtuar, shkatërruar ose larguar. “Ky është një dëm i madh për një projekt të realizuar me mbështetjen e Ambasadave të Austrisë, Republikës Çeke dhe Sllovakisë, me pjesëmarrjen e vullnetarëve dhe bizneseve lokale nga Komuna e Bogovinës dhe Tetovës. Turizmi malor është një potencial i jashtëzakonshëm për zhvillimin e Komunës së Bogovinës. Prandaj, çdo akt vandalizmi dëmton jo vetëm një investim, por edhe përpjekjet tona për ta zhvilluar dhe promovuar Malin Sharr si destinacion turistik”, shkruan në reagimin e tij kryetari i Komunës së Bogovinës Feti Abazi.

Ka reaguar edhe Ambasada e Austrisë. Nga Ambasada theksojnë se dëmi nuk është vetëm financiar, pasi shkatërrimi i shënjimeve mund të rrezikojë drejtpërdrejt sigurinë e alpinistëve, veçanërisht gjatë kushteve të vështira dimërore me borë, mjegull, erëra të forta dhe dukshmëri të reduktuar. Ambasada pret që institucionet kompetente të zbardhin të gjitha rrethanat dhe të ndërmarrin masat e nevojshme ligjore ndaj personave përgjegjës. “Shënjimi i shtigjeve malore nuk është vetëm një shtyllë apo një shenjë. Në kushte me borë, mjegull dhe stuhi, ai mund të bëjë dallimin ndërmjet kthimit të sigurt dhe humbjes në mal”, thuhet në reagim.

Shënjimi i kësaj traseje, e gjatë rreth 11 kilometra, u vendos nga nëntori i vitit 2025 deri në fund të korrikut 2026, me pjesëmarrjen e më shumë se 25 vullnetarëve, të cilët investuan një angazhim të konsiderueshëm dhe orë pune në transportin dhe vendosjen e pajisjeve. Nga Parku Kombëtar “Mali Sharr” thonë se në kushtet e dimrit, shenjëzimi veror mbulohet nga bora, ndërsa në pjesë të caktuara shtegu dimëror devijon qëllimisht nga ai veror për shkak të rrezikut nga ortekët dhe rreziqeve të tjera. “Shtyllat janë të prodhuara për kushte të vështira malore dhe janë të shënuara me shenja shumë të dukshme me ngjyrë të kuqe dhe të verdhë, në mënyrë që të jenë të dallueshme edhe në borë, mjegull, gjatë natës dhe në kushte me dukshmëri të reduktuar. Kjo nuk është vetëm dëm material. Çdo shtyllë e hequr ose e shkatërruar nënkupton edhe humbjen e një pike orientimi, e cila në kushte të vështira dimërore mund të jetë vendimtare për sigurinë e alpinistëve”, thonë nga Parku Kombëtar “Mali Sharr”. Rasti është raportuar në Stacionin Policor. Më 19 gusht 2026, një ekip profesional i policisë, në prani të përfaqësuesve të Parkut Kombëtar Mali Sharr, ka kryer inspektim në terren dhe ka dokumentuar lokacionet ku është konstatuar dëmtimi dhe largimi i pajisjeve.

Shoqatat malore theksojnë se ky nuk është vetëm dëm material. “Pas pajisjeve të shkatërruara qëndron diçka shumë më e rëndësishme, pra mundi i njerëzve që punuan që Mali Sharr të jetë më i sigurt dhe më mirë i përgatitur për alpinistët dhe vizitorë”, thuhet mes tjerash në reagimin e shoqatave malore. (koha.mk)