Lajme

Besa mbledh Kuvendin Qendror, do të shqyrtoj punën e funksionarëve të saj

Lëvizja Besa, në Kuvendin qendror të partisë do të diskutojë për llogaridhënien e funksionarëve të saj por edhe ndryshimet eventuale brenda partisë së Bilall Kasamit. Ky i fundit sot nuk dha aspak detaje të tjera, përveç atyre që tashmë janë diskutuar në media.

“Atë që pata për ta thënë mbrëmë në emision e thash. Në mbrëmje do kemi vendim të kryesisë dhe do flasim për veprimet tona, dhe për llogaridhënien e funksionarëve tanë në Qeveri”, tha Bilall Kasami, Kryetar i Lëvizjes “BESA”.

Kryesia pritet ta vendosë theksin te ministri Fatmir Limani i cili erdhi në këtë pozitë si ministër i VLEN-it nga radhët e Besës por prej kohësh flitet për veprimtari të ndarë politike. Kasami më herët ka refuzuar vazhdimisht të flasë për këtë përplasje por një natë më parë tha se Limani duhet të paraqitet në mbledhjen e partisë për të sqaruar se ku ka ngecur puna në dikasterin që ai drejton. Ndërkohë, sonte nuk përjashtohet mundësia që në këtë takim partiak, ai të shkarkohet nga funksionet partiake.

Paralelisht, Kasami kishte thënë se shkarkimi do të pasojë për të gjithë funksionarët nga radhët e partisë së tij, që nuk kanë treguar rezultate në punë siç ishte rasti me shkarkimin e mëhershëm të Sedat Rushanit, nga Byroja për Metrologji. Rushani përgënjeshtroi shpejt Kasamin. Ai tha se ai ishte shkarkuar për shkak se kishte refuzuar të bënte pazare dhe korrupsion.

“Apo arsyeja e vërtetë është se nuk kam pranuar pazare, korrupsion dhe nënshtrim, dhe kjo nuk i ka pëlqyer lidershipit? Nëse nuk e di ose bën sikur nuk e di, le ta pyesë Adnan Azizin, shefin e tij, i cili e di shumë mirë se si janë marrë vendimet dhe kush ka shtyrë për këtë shkarkim”, deklaroi Rushani. /Alsat.mk

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net