Lajme

LD-ja e Izet Mexhiti shkrin të gjitha organet e partisë: Hap drejt zyrtarizimit të VLEN-it

Lëvizja Demokratike ka njoftuar për një vendim që e cilëson historik, duke hapur rrugën për zyrtarizimin e VLEN si forcë e bashkuar politike, raporton Zyrtare.

Sipas komunikatës, sonte është mbajtur takim me strukturat partiake, me një pikë të vetme të rendit të ditës – zyrtarizimin e VLEN-it si subjekt i unifikuar politik.

Me propozim të kryetarit Izet Mexhiti, strukturat e Lëvizjes Demokratike, siç thuhet në njoftim, kanë manifestuar “pjekuri të lartë politike” dhe duke pranuar mesazhin e shumicës së shqiptarëve, njëzëri e kanë autorizuar Mexhitin që të vazhdojë të udhëheqë procesin e transformimit të partisë dhe shkrirjen e saj në VLEN.

LD shpreh bindjen se ky hap përfaqëson një mundësi historike për konsolidimin e mëtejshëm të VLEN-it dhe forcimin e rolit të saj si përfaqësuese e vullnetit të shumicës së shqiptarëve. Sipas tyre, vendimi synon të konsolidojë skenën politike shqiptare dhe të vendosë baza më të forta për pjesëmarrje dhe ndikim më të madh të shqiptarëve në jetën politike të vendit.

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.

Lajme

Kasami: Vendimi i Gjykatës Kushtetuese nuk do të ndryshojë asgjë

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha ka thënë se vendimi i Gjykatës Kushtetuese për emrat e rrugëve në Tetovë, nuk do të ndryshojë asgjë.

I pyetur se çfarë do të ndodhë me fatin e rrugës “Dervish Cara”, Sheshin “Iliria” dhe cili do të jetë epilogu, Kasami shprehet i prerë:

“Vendimi i Gjykatës Kushtetuese nuk do të ndryshojë asgjë. Komuna do të vazhdojë të përdorë emërtimet e vitit 2007 e këndej, institucionet do të vazhdojnë të përdorin emërtimet si gjithmonë, ndërkohë Komuna e Tetovës do të vazhdojë me procesin e emërtimit të rrugëve. Ky proces do të përfundojë konform Ligjit dhe Kushtetutës dhe nga ai moment edhe këta rrugë dhe shumë rrugë tjera do të kenë emërtime shqiptare”, ka thënë mes tjerash Kasami.

Lajme

Kasami: BDI dhe Gjykata Kushtetuese të sinkronizuar dakorduan vendimin

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha duke komentuar protestën e nesërme tha se qytetarët nuk do t`i përgjigjen pozitivisht protestës së BDI-së, duke pranuar se integristët megjithatë kishin harxhuar kohën e tij, siç tha ai, “për të trajtuar një problem inekzistent”.

Ai tha se le të tregojnë se cila është përgjegjësia e Tetovës, cila është përgjegjësia e kësaj qeverie që ne siç tha, “të dalim e t`u përgjigjemi”.

“E vetmja përgjegjësi këtu është e Gjykatës Kushtetuese dhe e BDI-së që në mënyrë të sinkronizuar dakordojnë një vendim për abrogim të këtij vendimi në momentin kur jemi në fazën finale të emërtimit të rrugëve konform Kushtetutës dhe Ligjit. Dhe një herë duhet të pyes publikisht BDI-në ‘A është edhe një tentim i BDI-së, për të ndalur procesin e emërtimit të rrugëve në Tetovë?”, ka thënë Kasami.