Sport

Nafta pritet të shkoj në “hava”: Çfarë e pret Maqedoninë e Veriut?

Çmimet e naftës në Maqedoninë e Veriut pritet të pësojnë rritje të ndjeshme gjatë javës së ardhshme, si pasojë e tensionimit të situatës gjeopolitike dhe bllokimit të rrugëve kyçe detare, çka ka dërguar naftën e papërpunuar “Brent” në kuotën e 87 dollarëve për fuçi, përcjell INA.

Tregjet globale po reflektojnë frikën e një konflikti të zgjatur që prek Ngushticën e Hormuzit, duke rritur kostot e transportit dhe primet e sigurimit. Ky “shok” i ofertës pritet të godasë direkt tregun vendas të Maqedonisë së Veriut, i cili është tërësisht i varur nga importi.

Shifrat dhe parashikimet kryesore:

Gjendja aktuale: Çmimi i Eurodizelit është 71 denarë për litër, ndërsa benzina 95 oktan tregtohet me 74.5 denarë.

Efekti i naftës “Brent”: Një rritje prej 10 dollarësh për fuçi përkthehet në rreth 3.5 deri në 4 denarë shtesë për litër në çmimin bazë, pa llogaritur TVSH-në dhe margjinat e tregtimit.

Nëse nafta “Brent” stabilizohet në zonën 85–90 dollarë, çmimet në pompat vendase do të ndjekin një trend rritës të pashmangshëm në rregullimet e ardhshme të Komisionit Rregullator.

Rreziqet ekonomike dhe inflacioni

Dizeli mbetet pika më e ndjeshme e ekonomisë vendase. Si një “karburant inflacionist”, shtrenjtimi i tij pritet të rrisë zinxhirin e kostove në: transport dhe Logjistikë: rritje e menjëhershme e kostove të shpërndarjes; bujqësi dhe ndërtim; konsum: shtrenjtimi i produkteve ushqimore bazë për shkak të kostove logjistike.

Analiza e tregut

Përveç çmimit, autoritetet po monitorojnë edhe “rrezikun psikologjik”. Paniku i mundshëm për mungesë furnizimi mund të shkaktojë rritje artificiale të kërkesës, duke sfiduar sistemin e rezervave shtetërore. Megjithëse qeveria ka dhënë garanci për stabilitetin e rezervave, presioni politik po rritet për të ndërhyrë përmes ngrirjes së margjinave ose uljes së akcizave nëse trendi i rritjes vazhdon.

Vendimi i radhës i Komisionit Rregullator për Energjetikë, i cili do të shpallet të hënën, do të jetë treguesi i parë zyrtar se sa do të jetë kostoja reale e kësaj krize të re energjetike për qytetarët e Maqedonisë së Veriut.(INA)

Sport

Norvegjia dhe Anglia zbulojnë 11-shet titullare për duelin çerekfinal të Botërorit

Norvegjia dhe Anglia përballen sonte, të shtunën, duke nisur nga ora 23:00, në ndeshjen e vlefshme për çerekfinalen e Kampionatit Botëror 2026.

Para nisjes së këtij takimi, trajnerët Stale Solbakken dhe Thomas Tuchel kanë bërë publike formacionet zyrtare të skuadrave të tyre.

Te përfaqësuesja norvegjeze, lëvizja e vetme më e dukshme krahasuar me ndeshjen e fituar ndaj Brazilit është në krahun e majtë të sulmit, ku Andreas Schjelderup e nis nga fillimi në vend të Antonio Nusës.

Në repartin ofensiv të Norvegjisë, Erling Haaland mbetet figura kryesore, ndërsa në mbështetje të tij do të jenë edhe Martin Odegaard dhe Alexander Sorloth.

Nga ana tjetër, Anglia e ka vendosur Ezri Konsan në krahun e djathtë të mbrojtjes për shkak të mungesës së alternativave, ndërsa John Stones do ta nisë ndeshjen në qendër të mbrojtjes.

Po ashtu, nga minuta e parë për anglezët do të aktivizohen edhe Anthony Gordon dhe Noni Madueke, së bashku me emrat e zakonshëm si Jude Bellingham dhe Harry Kane.

Formacionet zyrtare:

https://x.com/eurofootcom/status/2076028357599252767

Norvegjia: Nyland; Ryerson, Ajer, Heggem, Ëolfe; Odegaard, Berge, Berg; Sorloth, Haaland, Schjelderup.

Anglia: Pickford; O’Reilly, Guehi, Stones, Konsa; Rice, Anderson; Gordon, Bellingham, Madueke; Kane.

Sport

Sonte Gjoni Palokaj ndeshet me çeçenin Machaev

Ka probleme për çeçenin, shkaku i peshës.

Mago Machaev nuk ka arritur ta bëjë peshën. Në momentin zyrtar të matjes, ai ishte 1.2 kg mbi limit. Ndërsa, Gjoni Palokaj e ka bërë peshën sipas rregullave.

Pas matjes, Machaevit iu dhanë edhe 2 orë kohë shtesë për t’i hequr 1.2 kg, por nuk ia doli. Ai arriti të humbte vetëm 100 gramë, kështu që mbeti 1.1 kg mbi peshën e lejuar.

Ndërkohë, organizata e pyeti Gjonin dhe trajnerin e tij, David Palokaj, nëse dëshironin që ndeshja të zhvillohej. Trajneri David Palokaj pranoi dhe tha: “Po.”

Për shkak se nuk e bëri peshën sipas rregullave, Oktagon ia hoqi Machaevit rripin e kampionit.

Kjo do të thotë se, edhe nëse Machaev fiton ndeshjen, ai nuk mund ta rikthejë rripin e kampionit. Ndërsa, nëse Gjoni fiton, ai do të shpallet kampion dhe do ta marrë rripin.

Sport

Botërori 2026: Norvegjia dhe Anglia përballen për një biletë në gjysmëfinale

Botërori 2026 hyn në fazën vendimtare, teksa sonte në mbrëmje në stadiumin “Hard Rock” në Miami do të zhvillohet një nga përballjet më të shumëpritura të çerekfinaleve. Norvegjia dhe Anglia do të luftojnë për një biletë në gjysmëfinale, në një sfidë ku vëmendja do të jetë e përqendruar te dy sulmuesit më në formë të momentit, Erling Haaland dhe Harry Kane.

Fituesi i këtij takimi do të përballet në gjysmëfinale me skuadrën që do të dalë triumfuese nga çifti Argjentinë–Zvicër.

Norvegjia vjen me moral të lartë pas suksesit historik ndaj Brazilit në fazën e 1/8-ave. Trajneri Ståle Solbakken pritet t’i besojë të njëjtit formacion që eliminoi pesë herë kampionët e botës.

Nyland do të jetë në portë, ndërsa mbrojtja do të përbëhet nga Pedersen, Ajer, Heggem dhe Wolfe. Në mesfushë do të luajnë Berge, Berg dhe kapiteni Martin Ødegaard, i cili do të ketë detyrën të organizojë lojën. Në repartin ofensiv, Haaland do të udhëheqë sulmin, i mbështetur nga Sørloth dhe talenti Antonio Nusa.

Edhe Anglia synon të vazhdojë rrugëtimin drejt titullit botëror. Trajneri Thomas Tuchel pritet të bëjë vetëm dy ndryshime në formacion, njëri prej tyre i detyruar pas pezullimit të Quansah.

Jordan Pickford do të mbrojë portën, ndërsa në mbrojtje do të rreshtohen Spence, Guehi, Konsa dhe O’Reilly. Në mesfushë do të luajnë Declan Rice dhe Elliot Anderson, me Jude Bellingham në rolin e organizatorit pas sulmuesit Harry Kane. Në krahët e sulmit pritet të aktivizohen Madueke dhe Gordon.

Përballja pritet të jetë një nga më të fortat e këtij Botërori, me dy skuadra që synojnë gjysmëfinalen dhe me një duel të veçantë mes Haaland dhe Kane, dy prej golashënuesve më të spikatur të futbollit botëror.