Lajme

Kryediplomati turk homologut iranian: Shkelja e hapësirës ajrore të Turqisë është e papranueshme

Ministri i Jashtëm i Turqisë, Hakan Fidan gjatë një bisede telefonike me homologun e tij iranian të martën tha se shkelja e hapësirës ajrore të Turqisë është “e papranueshme”, raporton Anadolu.

Sipas të dhënave nga burimet diplomatike, kryediplomati turk Fidan zhvilloi një telefonatë me ministrin e Jashtëm iranian, Abbas Araghchi.

Gjatë telefonatës, Fidan theksoi se “shkelja e hapësirës ajrore turke është e papranueshme” dhe nënvizoi se Turqia “do të vazhdojë të marrë të gjitha masat e nevojshme kundër kësaj”.

Ai gjithashtu theksoi se të gjitha palët duhet të përmbahen nga veprimet që mund të dëmtojnë sigurinë rajonale ose të paraqesin rreziqe për civilët.

Araghchi, nga ana e tij, deklaroi se raketat e drejtuara drejt hapësirës ajrore turke “nuk e kanë origjinën nga Irani” dhe konfirmoi se do të kryhet një hetim i plotë i incidentit.

Ministria e Mbrojtjes Kombëtare e Turqisë tha të hënën se një raketë balistike që u lëshua nga Irani në hapësirën ajrore turke u neutralizua nga asetet ajrore dhe të mbrojtjes raketore të NATO-s të vendosura në Mesdheun Lindor.

Ajo shtoi se disa mbetje nga raketa ranë në tokë të zbrazët në provincën juglindore Gaziantep të vendit, duke shtuar se nuk pati viktima ose të lënduar.

Zhvillimi erdhi mes sulmeve të vazhdueshme SHBA-Izrael ndaj Iranit, të nisura më 28 shkurt, të cilat thuhet se kanë vrarë rreth 1.300 njerëz, përfshirë Udhëheqësin Suprem Ajatollah Ali Khamenei.

Irani është hakmarrë me sulme me dronë dhe raketa që shënjestrojnë Izraelin, Jordaninë, Irakun dhe disa vende të Gjirit që strehojnë asete ushtarake amerikane.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net