Lajme

Bujqit paralajmërojnë rritje të çmimeve

Bujqit presin rritje të çmimeve të produkteve bujqësore, duke marrë parasysh se shumica e repromaterialeve furnizohen nga Lindja e Mesme. Nga Ministria e Bujqësisë, Pylltarisë dhe Ekonomisë së Ujërave thonë se po ndjekin situatën dhe do të reagojnë nëse nevojitet.

Kryetari i Federatës kombëtare të bujqve, Stevançe Jordanoski, para Asamblesë së sotme vjetore të Federatës, shfaqi shpresë se Ministria përkatëse do të marrë masa me kohë dhe do të aktivizojë të ashtuquajturin fond krize me qëllim zbutjen e pasojave nga kriza.

“Me ngjarjet aktuale në botë dhe luftën që askush nuk e dëshiron, ka pasur turbulenca të mëdha në tregjet e naftës, e edhe të gjitha repromaterialet dhe plehrat vijnë nga ai rajon. Presim rritje të mëdha të çmimeve edhe në shitjen me pakicë. Shteti, respektivisht Ministria e Bujqësisë, duhet të ndërmarrë masa me kohë, siç është aktivizimi i të ashtuquajturit fond krize për të përmbushur nevojat në furnizimin e repromaterialeve, respektivisht plehrave”, tha Jordanoski.

Ministri i Bujqësisë, Pylltarisë dhe Ekonomisë së Ujërave, Cvetan Tripunovski, thotë se situata po ndiqet çdo ditë dhe, nëse nevojitet, do të ndërhyjnë me hapa të përshtatshëm.

“Ajo që është me rëndësi në lidhje me çmimin e plehrave dhe derivateve të naftës është se si Ministri e ndjekim situatën çdo ditë. Do të shohim në çfarë drejtimi do të lëvizin. Nëse nevojitet, natyrisht si Ministri do të dalim me masa dhe propozime konkrete për sanimin e një situate të tillë”, tha Tripunovski.

Tripunovski nuk pret probleme gjatë blerjes së qengjit, për të cilin thertoret kanë ofruar çmim prej 260 denarësh për blerje në vend. Piku pritet javën tjetër para festave të Pashkëve.

Në Asamblenë e sotme vjetore të Federatës së fermerëve, bujqit përmendën çmimet e ulëta të blerjes, mungesën e fuqisë punëtore, infrastrukturën dhe ndikimet negative të ndryshimeve klimatike, si probleme me të cilat përballen.

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.

Lajme

Kasami: Vendimi i Gjykatës Kushtetuese nuk do të ndryshojë asgjë

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha ka thënë se vendimi i Gjykatës Kushtetuese për emrat e rrugëve në Tetovë, nuk do të ndryshojë asgjë.

I pyetur se çfarë do të ndodhë me fatin e rrugës “Dervish Cara”, Sheshin “Iliria” dhe cili do të jetë epilogu, Kasami shprehet i prerë:

“Vendimi i Gjykatës Kushtetuese nuk do të ndryshojë asgjë. Komuna do të vazhdojë të përdorë emërtimet e vitit 2007 e këndej, institucionet do të vazhdojnë të përdorin emërtimet si gjithmonë, ndërkohë Komuna e Tetovës do të vazhdojë me procesin e emërtimit të rrugëve. Ky proces do të përfundojë konform Ligjit dhe Kushtetutës dhe nga ai moment edhe këta rrugë dhe shumë rrugë tjera do të kenë emërtime shqiptare”, ka thënë mes tjerash Kasami.

Lajme

Kasami: BDI dhe Gjykata Kushtetuese të sinkronizuar dakorduan vendimin

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha duke komentuar protestën e nesërme tha se qytetarët nuk do t`i përgjigjen pozitivisht protestës së BDI-së, duke pranuar se integristët megjithatë kishin harxhuar kohën e tij, siç tha ai, “për të trajtuar një problem inekzistent”.

Ai tha se le të tregojnë se cila është përgjegjësia e Tetovës, cila është përgjegjësia e kësaj qeverie që ne siç tha, “të dalim e t`u përgjigjemi”.

“E vetmja përgjegjësi këtu është e Gjykatës Kushtetuese dhe e BDI-së që në mënyrë të sinkronizuar dakordojnë një vendim për abrogim të këtij vendimi në momentin kur jemi në fazën finale të emërtimit të rrugëve konform Kushtetutës dhe Ligjit. Dhe një herë duhet të pyes publikisht BDI-në ‘A është edhe një tentim i BDI-së, për të ndalur procesin e emërtimit të rrugëve në Tetovë?”, ka thënë Kasami.