Lajme

Ivana e thirri me ‘video call’ Stojançen dhe u hodh nga ballkoni

Në Gjykatën Penale vazhdoi gjykimi për Stojançe Jovanovskin, burrin e të ndjerës Ivana Stojanoska e cila më 2 mars bashkë me vajzën e saj gjashtë vjeçare u hodhën nga ballkoni i banesës ku banonin. Para trupin gjykues dhe para prokurorit, dëshmoi dëshmitari Martin Sazdov, mik i Stojançes dhe Ivanës, e i cili ishte prezent në vendngjarje.

“Ditën kritike Stojançe rrahu Ivanën në vendin e saj të punës. Erdhi policia por Ivana nga frika nuk guxonte të fliste para policëve. Policët i thanë Ivanës nëse edhe një herë denoncon, do të paditesh. U nisëm për në gjykatë dhe Stojançe përsëri në veturë nisi ta godasë Ivanën derisa ajo humbi ndjenjat”, deklaroi Martin Sazdov – Dëshmitar.

Stojançe rrahu Ivanën në vendin e saj të punës
Policët i thanë Ivanës nëse denoncon edhe njëherë, do të paditesh
Stojançe rrahu Ivanën edhe në veturë derisa humbi ndjenjat

Sazdov tha se që nga viti 2021 kur janë njohur, vazhdimisht e ka mbrojtur Ivanën nga dhuna dhe fyerjet e Stojançes. Madje një natë vonë, në afërsi të Shtipit, Stojançe e kishte hedhur atë dhe vajzën e saj nga vetura vetëm sepse Ivana kishte gabuar rrugën me aplikacion.

“Morëm vajzën nga shkolla dhe Stojançe rrugës në veturë vazhdimisht shante Ivanën. I tha do të shkojmë në banesë dhe mblidhi plaçkat mos të të shoh më. Pasi shkuam, Ivana na tha ta lëmë pak vetëm për 5 minuta. E mbylli derën e ne zbritëm poshtë. Ajo e thirri Stojançen me video lidhje derisa qëndronte në ballkon. I thash Ivana mos bëj ndonjë çmenduri por ajo nuk dëgjoi dhe e mbylli telefonin. Papritmas dëgjuam një përplasje të fortë në tokë dhe vrapuam shpejt. Pash Ivanën të mbuluar me gjak”, tha Martin Sazdov – Dëshmitar.

Ivana mbylli derën e banesës
E thirri Stojançen me video thirrje dhe u hodh nga ballkoni

Në seancë dëshmoi edhe Ivana Bellçeva e cila rastësisht në rrugë kishte parë Ivanën dhe Stojançen duke u grindur dhe kishte thirre policinë. Seanca vazhdon nesër me dëshmitarë të tjerë. Do të dëshmojë fqinja e Stojançes dhe mësuesja e Katjas. /Alsat/

Lajme

Sulm ndaj punonjësve të EVN-së në Shkup: Arrestohet 47-vjeçari pasi rrëzoi punëtorin nga shkallët dhe goditi kolegun e tij

Një incident i rëndë është regjistruar të hënën në mëngjes në zonën e Shuto Orizarës në Shkup, ku dy punonjës të “EVN Maqedoni” janë sulmuar fizikisht gjährend në kryerje të detyrës zyrtare, ndërsa autoritetet policore kanë arrestuar menjëherë autorin e dyshuar të ngjarjes.

Sipas informacioneve zyrtare nga Sektori për Punë e Brendshme (SPB) Shkup, efektivët e policisë kanë privuar nga liria shtetasin D.G. (47) nga Shkupi, i cili dyshohet se ka ndërhyrë në mënyrë të dhunshme ndaj ekipeve të terrenit, duke rrëzuar me forcë shkallët në të cilat po punonte njëri nga punonjësit dhe më pas duke sulmuar fizikisht e me një send të fortë një punonjës tjetër të kompanisë që ndodhej në vendngjarje.

Pas dokumentimit të plotë të rregullit dhe rastit, Njësiti për Krime me Dhunë pranë SPB Shkup do të dorëzojë kallëzim penal përkatës kundër të dyshuarit, për shkak të ekzistimit të dyshimit të bazuar për veprën penale “Dhunë”, duke sjellë në vëmendje sfidat dhe rreziqet me të cilat përballen punonjësit e shërbimeve publike gjatë ushtrimit të detyrave të tyre të përditshme profesionale.(INA)

Lajme

Mediat turke: Roberto Carlos e ka pranuar Islamin

Legjenda braziliane e futbollit dhe ish-lojtari i Real Madridit e Fenerbahçes, Roberto Carlos, raportohet se ka përqafuar Islamin rreth katër javë më parë në Brazil.

Lajmi është bërë publik nga deputeti turk Ali Şahin, i cili tha se këtë informacion e ka marrë nga Sheikh Jihad Hammadeh, një figurë e njohur e komunitetit mysliman në Brazil dhe nënkryetar e këshilltar fetar i Shoqatës Kombëtare të Juristëve Islamikë (ANAJI).

Sipas Şahin, Roberto Carlos kishte qenë në kontakt me Sheikh Hammadeh për një periudhë kohore dhe rreth katër javë më parë e kishte vizituar atë. Gjatë takimit, ish-futbollisti thuhet se ka shqiptuar shehadetin, deklaratën e besimit islam, duke përqafuar Islamin.

Carlos, 53 vjeç, konsiderohet ndër mbrojtësit e majtë më të mëdhenj në historinë e futbollit. Ai kaloi pjesën më të madhe të karrierës te Real Madridi, ndërsa në vitin 2007 u transferua te gjiganti turk Fenerbahçe.

Megjithatë, Roberto Carlos nuk e ka konfirmuar publikisht deri tani këtë lajm, ndaj raportimi mbetet i pakonfirmuar nga vetë futbollisti.

Lajme

Ambasadorja amerikane në Dibër, shijon Liqenin dhe bukuritë e qytetit!

Ushtruesja e detyrës së ambasadores së Shteteve të Bashkuara të Amerikës në Shkup, Nicole Varnes, dje pasdite qëndroi në Dibër, ku u takua me kryetarin e komunës, Fisnik Mela.

“Vizita u zhvillua në një atmosferë miqësore, ndërsa Warnes pati mundësinë të njihej nga afër me bukuritë natyrore, potencialin turistik dhe mikpritjen e Dibrës”, njoftuan nga Komuna.

Vizita nisi me kafe pranë Liqenit të Dibrës dhe vazhdoi me një shëtitje me varkë, duke i mundësuar të ftuarës së lartë të shijonte peizazhin dhe bukuritë e veçanta natyrore të liqenit.

Gjatë vizitës u theksua rëndësia e bashkëpunimit dhe forcimit të marrëdhënieve të mira, si dhe promovimi i potencialeve turistike dhe natyrore të Komunës së Dibrës.

Ambasadorja u takua gjithashtu me përfaqësues të komunitetit të biznesit dibran në SHBA, të udhëhequr nga Ibrahim Kolyari, i cili ka kompani edhe në Dibër dhe njihet si filantrop.