Lajme

Nikolloski: BDI nuk ndërtoi asnjë kilometër autostradë, qeveria aktuale, 1.8 miliardë euro në Korridorin 8

Zëvendëskryeministri dhe ministri i Transportit, Aleksandar Nikolloski, deklaroi se Qeveria po investon mes 1.6 dhe 1.8 miliardë euro në ndërtimin e autostradave në kuadër të Korridorit 8.

Në një intervistë për “Top Tema”, Nikolloski akuzoi Bashkimin Demokratik për Integrim (BDI) se gjatë mandateve të tij nuk ka ndërtuar asnjë kilometër autostradë, duke theksuar se qeveria aktuale është e fokusuar në realizimin e projekteve infrastrukturore.

Ai bëri të ditur se një nga pikat kyçe të lidhjes me Shqipërinë mbetet pika kufitare e Qafë Thanë, ku aktualisht po zhvillohen punime për zgjerimin dhe modernizimin e infrastrukturës.

“Aktualisht po punojmë për zgjerimin dhe përmirësimin e pikës kufitare. Së bashku me Bankën Botërore, presim që faza e parë të përfundojë brenda rreth një muaji, pas së cilës do të pasojë tenderi për fazën e dytë,” deklaroi Nikolloski.

Projekti i Korridorit 8 konsiderohet një nga investimet më të rëndësishme infrastrukturore në vend, me synim përmirësimin e lidhjes rajonale dhe zhvillimin ekonomik.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.