Kryeministri izraelit Benjamin Netanyahu ka deklaruar se është “në gjendje të shkëlqyer fizike”, pasi raporti i tij vjetor mjekësor zbuloi se i ishte hequr një tumor malinj.

Në një postim në rrjetin social “X” të premten, Netanyahu ka bërë të ditur se gjatë kontrollit rutinë mjekësor, pas një operacioni të suksesshëm për zmadhimin e prostatës, mjekët zbuluan një tumor malinj në fazë të hershme.

Ai shtoi se trajtimi “e ka eliminuar plotësisht problemin dhe nuk ka mbetur asnjë gjurmë”.

Netanyahu bëri të ditur se kishte kërkuar shtyrjen e publikimit të raportit të tij shëndetësor, në mënyrë që të mos bëhej publik në kulmin e luftës mes SHBA-së dhe Izraelit me Iranin, për të shmangur, sipas tij, përhapjen e “propagandës edhe më të rreme kundër Izraelit” nga Teherani.

Udhëheqësi 76-vjeçar ka thënë se operacionin për zmadhimin e prostatës e kishte kryer në vitin 2024 dhe që prej atëherë ka qenë nën monitorim të rregullt mjekësor.

“Pata një problem të vogël mjekësor me prostatën që u trajtua plotësisht. Falë Zotit, tashmë është pas meje”, u shpreh ai.

Në postimin e tij, Netanyahu theksoi gjithashtu se kishte zgjedhur të ndërmerrte trajtimin menjëherë.

“Kur më jepet në kohë informacioni për një rrezik të mundshëm, dua ta trajtoj menjëherë”, tregoi ai.

Koalicioni VLEN ka reaguar për Korridorin 8, duke theksuar se projekti është strategjik dhe nuk i përket asnjë subjekti politik.
VLEN mirëpret qëndrimet e fundit të BDI-së, duke i cilësuar si përafrim me qëndrimet e tyre të mëhershme. Sipas tyre, Korridori 8 duhet të realizohet në mënyrë profesionale, transparente dhe në shërbim të qytetarëve dhe integrimit evropian.

“VLEN e mirëpret “zbulimin” e fundit të Bashkimi Demokratik për Integrim lidhur me Korridorin 8, i cili, edhe pse me vonesë, konfirmon atë që NE e kemi thënë dhe dëshmuar vazhdimisht: ky projekt nuk ndalet dhe nuk është pronë e askujt. Pas një periudhe të gjatë deklaratash kontradiktore dhe përpjekjesh për të krijuar mjegull politike, është inkurajuese të shohim se opozita më në fund po reflekton dhe po i afrohet qëndrimeve që VLEN i ka mbrojtur me konsekuencë dhe përgjegjësi institucionale”.
“VLEN rikujton se përkushtimi ynë për realizimin e Korridorit 8 ka qenë i qartë që nga dita e parë: Një projekt strategjik që lidh vendin me rajonin dhe me Bashkimi Evropian, dhe që duhet të ndërtohet mbi baza profesionale, transparente dhe të qëndrueshme”, thonë mes tjerash nga VLEN.

Bashkimi Demokratik për Integrim ka përshëndetur zhvillimet e fundit lidhur me projektin e Korridorit 8, duke vlerësuar se ato konfirmojnë vazhdimësinë e një projekti strategjik që, sipas partisë, nuk mund të ndalet pavarësisht përpjekjeve politike për ta zvarritur apo ridimensionuar. Në një reagim publik, BDI thekson se zhvillimet e fundit tregojnë se projekti vazhdon të ecë sipas konceptit të projektuar në periudhën kur kjo parti ishte pjesë e Qeverisë, duke hedhur poshtë, siç thuhet, përpjekjet për të dobësuar lidhjen e korridorit me Shqipërinë.

Nga BDI vlerësojnë se shtyrja e vizitës së delegacionit të UNESCO nuk e vë në dyshim realizimin e projektit, por përkundrazi dëshmon seriozitetin me të cilin po trajtohet ai. Sipas partisë, kjo konfirmon nevojën që realizimi të bëhet mbi bazën e projektimit fillestar dhe në përputhje me standardet ndërkombëtare. Në reagim përmendet edhe ndryshimi i toneve nga ana e institucioneve qeveritare, duke theksuar se vetë ministri i Transportit tashmë nuk e vë më në diskutim ndërtimin e korridorit, por vetëm përzgjedhjen e trasesë më të përshtatshme. Sipas BDI-së, kjo paraqet tërheqje nga qëndrimet e mëhershme dhe pranim se projekti është i pashmangshëm.

BDI rikujton se Korridori 8 ka rëndësi strategjike për vendin dhe rajonin, duke lidhur lindjen me perëndimin, duke forcuar integrimin ekonomik dhe duke rritur lëvizjen e lirë të qytetarëve. Në reagim përmendet edhe mbështetja e Bashkimit Evropian dhe angazhimet nga Deklarata e Tiranës si dëshmi se ky projekt mbetet prioritet rajonal dhe evropian. Sipas partisë, korridori nuk ka vetëm dimension ekonomik, por edhe rëndësi të veçantë për sigurinë dhe stabilitetin rajonal, si dhe për zhvillimin afatgjatë të qëndrueshëm. BDI shpreh përkushtimin që projekti të realizohet i plotë dhe në funksion të interesit publik, duke theksuar se çdo përpjekje për ta penguar apo vonuar është e kotë, pasi, sipas tyre, Korridori 8 tashmë është “një realitet në ndërtim dhe një domosdoshmëri për të ardhmen evropiane të vendit”.