Lajme

Kuvendi i Kosovës del me njoftim pas dështimit të zgjedhjes së presidentit

Kuvendi i Kosovës ka dalë me njoftim për seancat e njëpasnjëshme ditën e djeshme. Në njoftim, është bërë një kronologji e seancave për zgjedhjen e presidentit, dështimi i të cilave e çoi vendin në zgjedhje. Aty, u përmbledhën deklarimet e kryetares së Kuvednit të Ksovës Albulena Haxhiu dhe të kryeministrit të Kosovës Albin Kurti.

Në hapje të seancës, kryetarja e Kuvendit rikujtoi edhe njëherë kushtet kushtetuese dhe procedurale për zgjedhjen e presidentit, duke iu referuar Kushtetutës së Republikës së Kosovës, Rregullores së Kuvendit, aktgjykimeve të Gjykatës Kushtetuese, përfshirë Aktgjykimin në rastin KO29/11, si dhe opinioneve të Komisionit të Venecias dhe dokumenteve të tjera relevante që lidhen me pjesëmarrjen e deputetëve në këtë proces.

Ajo përsëriti disa herë thirrjen drejtuar deputetëve që nuk ishin të pranishëm në sallë, veçanërisht atyre nga grupet parlamentare opozitare, që të kthehen dhe të marrin pjesë në votim, duke theksuar se mungesa e tyre nuk ishte e justifikuar me leje nga kryetarja e Kuvendit.

Në këto rrethana, kryetarja ndërpreu seancën tre herë gjatë ditës. Në vazhdimin e fundit, rreth orës 23:00, ajo përsëriti sërish thirrjen për pjesëmarrje, duke kërkuar që deputetët të lënë anash mospajtimet politike dhe të marrin pjesë në proces.

Gjatë seancës, ministri i Financave, Hekuran Murati, foli për pasojat ekonomike të mundshme të shkuarjes në zgjedhje të reja, duke përmendur kostot e organizimit dhe humbjet shtesë që, sipas tij, do t’i shkaktoheshin vendit.

Ndërkaq, kryeministri Albin Kurti rikujtoi ofertat e dhëna ndaj partive opozitare për të mundësuar zgjedhjen e presidentit, duke theksuar se vendi tashmë ka një zgjidhje të mundshme, por sipas tij mungon bashkëpunimi i opozitës për ta konkretizuar atë. Ai përmendi gjithashtu edhe kandidimin e Feride Rushitit, duke e falënderuar për gatishmërinë e saj si përfaqësuese e shoqërisë civile.

Kurti akuzoi subjektet opozitare se nuk po tregojnë përgjegjësi politike, ndërsa theksoi se vendimmarrja për të ardhmen i takon qytetarëve të Kosovës.

Në prag të skadimit të afatit kushtetues për zgjedhjen e presidentit, kryetarja e Kuvendit deklaroi se kjo seancë shënon përfundimin e procesit aktual dhe të kësaj legjislature, duke shtuar se, sipas Aktgjykimit të Gjykatës Kushtetuese, Kuvendi konsiderohet i shpërndarë dhe zgjedhjet e reja do të shpallen brenda afateve kushtetuese.

Lajme

Ahmeti: Populli nuk mund t’i dënoj çlirimtarët e vet!

Kryetari i BDI-së, Ali Ahmeti nga protesta për çlirimtarët në Shkup, deklaroi se populli nuk mund t’i dënoj çlirimtarët e vet.
Ahmeti tha se këto aktivitetet do të vazhdojnë në tërë Kosovën por edhe në tërë hapësirat ku jetojnë shqiptarët në Maqedoni.
“Sot në Sheshin Skënderbeu është vetëm fillimi dhe shqiptarët në Maqedoni, krahas shqiptarëtve të Kosovës do të demonstrojnë pakënaqësinë e tyre, revoltën e tyre se në emër të popullit shqiptarë nuk mund të dënohen çlirimtarët”, deklaroi Ahmeti, raporton SHENJA.
Ai tha se kjo çështje nuk është dashur të filloj fare me aktin e, siç e cilësoi ai, të turpshëm të Dik Martit.
“Për të njollosur tërë popullin shqiptar, dhe përderisa kemi ardhur këtu, sigurisht që duhet një aktivitet dhe punë e palodhur e institucioneve të Kosovës edhe të Shqipërisë në aktivitete të forta diplomatike për të sqaruar, shpjeguar tërë situatën para kancelarive të Evropës si financuese të kësaj Gjykata Speciale dhe shpalljen e tyre si të pafajshëm”, tha Ahmeti.

Lajme

Aliti: Kjo gjykatë është marrë me gjithçka përpos se me drejtësi

Rafiz Aliti, gjatë fjalimit të tij para protestuesve tha se gjykata e formuar me motive politike pa asnjë argument dënoi krerët e UÇK-së.
“Krerët e UÇK-së dhe njëkohësisht liderët janë mbajtur peng në Hagë për vite me radhë larg familjeve të tyre. Janë regrutuar dëshmitarë të rrejshëm nga BIA serbe dhe gjykatësi Jack Smith. Pikërisht dëshmitë e tyre të kafeneve luajtën rol në shqiptimin e dënimit”, tha Rafiz Aliti, komandant Mësuesi, raporton SHENJA.
Ai tha se nuk duhet të harruar kurrë se që çmimi që pagoi Kosova për lirinë është mbi 15 mijë të vrarë dhe mbi 1 milionë të zhvendosur nga shtëpitë e tyre.
Mësuesi tha se kriminelet serb nuk u përballën me drejtësinë dhe janë të lirë dhe lëvizin lirshëm nëpër botën.

Lajme

Sot në Shkup marsh protestues në mbështetje të ish-krerëve të UÇK-së

Sot, më 27 shtator, në Sheshin “Skënderbeu” në Shkup do të mbahet një marsh protestues në mbështetje të ish-krerëve të UÇK-së.

Ngjarja është thirrur për në ora 14:00, me qëllim të shprehjes së solidaritetit dhe qëndrimit qytetar përballë vendimeve të Gjykatës Speciale. Organizatorët bëjnë thirrje për një pjesëmarrje të qetë, dinjitoze dhe të bashkuar, për të dëshmuar se sakrifica, kujtesa dhe dinjiteti i luftës së Ushtrisë Çlirimtare të Kosovës nuk harrohen.

Në këtë marsh ftohen të marrin pjesë të gjithë qytetarët, familjet e dëshmorëve, veteranët, të rinjtë, studentët, intelektualët, shoqëria civile dhe gjithë personat që ndjejnë se kjo çështje i bashkon.