Lajme

Ademi: Ka pasur 13 iniciativa për shfuqizimin e gjuhës shqipe

Sekretari i Përgjithshëm i BDI-së, Arbër Ademi tha se në Gjykatën Kushtetuese ka pasur 13 iniciativa për kontestimin e ligjit të gjuhës shqipe.

Në bazë të iniciativave, siç thotë Ademi në “Click Plus” ligji ka pasur sulm që të shfuqizohet në tërësi.

“Një prej kontestuesit e gjuhës shqipe është edhe VMRO-ja. Ka 13 iniciativa përfshirë edhe iniciativën e OBRM-PDUKM-së. Sipas referatit që kemi marrë parashihen 18 pozita të abrogohen, në nëntë nene. Ligji për gjuhët në bazë të iniciativave të dorëzuara ka pasur sulm që të shfuqizohet në tërësi.

Mbi dy baza është sulmuar Ligji për gjuhët. Është kontestuar tërësisht sepse presidenti i atëhershëm nuk e ka firmosur dhe kërkojnë tërësisht të shfuqizohet. Ndërsa baza e dytë e kontestimit ishte nen pas neni, pra të gjitha nenet janë kontestuar. Vetëm një nen nuk është kontestuar ai është neni 1 paragrafi 1 ku thotë se gjuha zyrtare në Maqedoni është gjuha maqedonase dhe shkrimi i saj qirilik”, tha Ademi.

Lidhur me Ligjin për përfaqësim të drejtë dhe adekuat nuk përmban kuota etnike.

“Ligjin e kemi analizuar në BDI. Ky ligj është i Tanja Karakamishevës. Ky ligj nuk përmban kuota etnike, mekanizëm i cili e përcjell përfaqësimin e drejtë siç ishte balancuesi nuk ka”, tha Arbër Ademi nga BDI.

Lajme

Ahmeti: Populli nuk mund t’i dënoj çlirimtarët e vet!

Kryetari i BDI-së, Ali Ahmeti nga protesta për çlirimtarët në Shkup, deklaroi se populli nuk mund t’i dënoj çlirimtarët e vet.
Ahmeti tha se këto aktivitetet do të vazhdojnë në tërë Kosovën por edhe në tërë hapësirat ku jetojnë shqiptarët në Maqedoni.
“Sot në Sheshin Skënderbeu është vetëm fillimi dhe shqiptarët në Maqedoni, krahas shqiptarëtve të Kosovës do të demonstrojnë pakënaqësinë e tyre, revoltën e tyre se në emër të popullit shqiptarë nuk mund të dënohen çlirimtarët”, deklaroi Ahmeti, raporton SHENJA.
Ai tha se kjo çështje nuk është dashur të filloj fare me aktin e, siç e cilësoi ai, të turpshëm të Dik Martit.
“Për të njollosur tërë popullin shqiptar, dhe përderisa kemi ardhur këtu, sigurisht që duhet një aktivitet dhe punë e palodhur e institucioneve të Kosovës edhe të Shqipërisë në aktivitete të forta diplomatike për të sqaruar, shpjeguar tërë situatën para kancelarive të Evropës si financuese të kësaj Gjykata Speciale dhe shpalljen e tyre si të pafajshëm”, tha Ahmeti.

Lajme

Aliti: Kjo gjykatë është marrë me gjithçka përpos se me drejtësi

Rafiz Aliti, gjatë fjalimit të tij para protestuesve tha se gjykata e formuar me motive politike pa asnjë argument dënoi krerët e UÇK-së.
“Krerët e UÇK-së dhe njëkohësisht liderët janë mbajtur peng në Hagë për vite me radhë larg familjeve të tyre. Janë regrutuar dëshmitarë të rrejshëm nga BIA serbe dhe gjykatësi Jack Smith. Pikërisht dëshmitë e tyre të kafeneve luajtën rol në shqiptimin e dënimit”, tha Rafiz Aliti, komandant Mësuesi, raporton SHENJA.
Ai tha se nuk duhet të harruar kurrë se që çmimi që pagoi Kosova për lirinë është mbi 15 mijë të vrarë dhe mbi 1 milionë të zhvendosur nga shtëpitë e tyre.
Mësuesi tha se kriminelet serb nuk u përballën me drejtësinë dhe janë të lirë dhe lëvizin lirshëm nëpër botën.

Lajme

Sot në Shkup marsh protestues në mbështetje të ish-krerëve të UÇK-së

Sot, më 27 shtator, në Sheshin “Skënderbeu” në Shkup do të mbahet një marsh protestues në mbështetje të ish-krerëve të UÇK-së.

Ngjarja është thirrur për në ora 14:00, me qëllim të shprehjes së solidaritetit dhe qëndrimit qytetar përballë vendimeve të Gjykatës Speciale. Organizatorët bëjnë thirrje për një pjesëmarrje të qetë, dinjitoze dhe të bashkuar, për të dëshmuar se sakrifica, kujtesa dhe dinjiteti i luftës së Ushtrisë Çlirimtare të Kosovës nuk harrohen.

Në këtë marsh ftohen të marrin pjesë të gjithë qytetarët, familjet e dëshmorëve, veteranët, të rinjtë, studentët, intelektualët, shoqëria civile dhe gjithë personat që ndjejnë se kjo çështje i bashkon.