Lajme

LSDM: Mickoski tha se nuk do të ketë rritje çmimesh, ndërsa çmimet e karburanteve rriten përsëri

Hristijan Mickoski pohoi se “nuk ka rritje çmimesh” dhe se qeveria “kontrollon gjithçka”, çmimet e karburanteve në Maqedoni janë rritur përsëri. Një gënjeshtër tjetër, thonë nga LSDM.

Nga atje thonë se Evropa po shpall hapur një krizë ekonomike. Kompanitë ajrore po anulojnë fluturimet për shkak të vajgurit të shtrenjtë. Vetëm një kompani gjermane ka njoftuar anulimin e 20,000 fluturimeve.

“Çmimet e plehrave po rriten përsëri, fermerët janë pa mbështetje dhe subvencione. Gjithashtu, çmimet e produkteve bazë shtazore po rriten dita-ditës. Qytetarët kanë mbetur vetëm me frigoriferë bosh dhe xhepa bosh.

Mickoski dhe VMRO-DPMNE

-refuzojnë të heqin TVSH-në për ushqimet dhe të ulin TVSH-në për karburantet në 5%,
-refuzojnë të vendosin ndonjë masë për të mbrojtur standardin e jetesës së qytetarëve,
-refuzojnë të rrisin pagën minimale,
-vazhdojnë t’i vënë qytetarët në borxh, që nga fillimi i vitit ka pasur 700 milionë euro borxh të ri vetëm në tre muaj”, akuzojnë nga LSDM.

Nga atje thonë se ekonomia e vendit po shkon drejt rënies, investimet e huaja kanë rënë me 60%, po ndodhin shkurtime masive të punëtorëve nga industria.

“Shporta e konsumatorit është bërë më e shtrenjtë me rreth 4,000 denarë brenda një viti, dhe qeveria vazhdon të thotë se “buxheti është në gjendje të shkëlqyer”. Për dy muaj, LSDM ka kërkuar masa specifike për të mbrojtur standardin e jetesës së qytetarëve. Qeveria hesht”, shtojnë nga LSDM.

Lajme

Ahmeti: Populli nuk mund t’i dënoj çlirimtarët e vet!

Kryetari i BDI-së, Ali Ahmeti nga protesta për çlirimtarët në Shkup, deklaroi se populli nuk mund t’i dënoj çlirimtarët e vet.
Ahmeti tha se këto aktivitetet do të vazhdojnë në tërë Kosovën por edhe në tërë hapësirat ku jetojnë shqiptarët në Maqedoni.
“Sot në Sheshin Skënderbeu është vetëm fillimi dhe shqiptarët në Maqedoni, krahas shqiptarëtve të Kosovës do të demonstrojnë pakënaqësinë e tyre, revoltën e tyre se në emër të popullit shqiptarë nuk mund të dënohen çlirimtarët”, deklaroi Ahmeti, raporton SHENJA.
Ai tha se kjo çështje nuk është dashur të filloj fare me aktin e, siç e cilësoi ai, të turpshëm të Dik Martit.
“Për të njollosur tërë popullin shqiptar, dhe përderisa kemi ardhur këtu, sigurisht që duhet një aktivitet dhe punë e palodhur e institucioneve të Kosovës edhe të Shqipërisë në aktivitete të forta diplomatike për të sqaruar, shpjeguar tërë situatën para kancelarive të Evropës si financuese të kësaj Gjykata Speciale dhe shpalljen e tyre si të pafajshëm”, tha Ahmeti.

Lajme

Aliti: Kjo gjykatë është marrë me gjithçka përpos se me drejtësi

Rafiz Aliti, gjatë fjalimit të tij para protestuesve tha se gjykata e formuar me motive politike pa asnjë argument dënoi krerët e UÇK-së.
“Krerët e UÇK-së dhe njëkohësisht liderët janë mbajtur peng në Hagë për vite me radhë larg familjeve të tyre. Janë regrutuar dëshmitarë të rrejshëm nga BIA serbe dhe gjykatësi Jack Smith. Pikërisht dëshmitë e tyre të kafeneve luajtën rol në shqiptimin e dënimit”, tha Rafiz Aliti, komandant Mësuesi, raporton SHENJA.
Ai tha se nuk duhet të harruar kurrë se që çmimi që pagoi Kosova për lirinë është mbi 15 mijë të vrarë dhe mbi 1 milionë të zhvendosur nga shtëpitë e tyre.
Mësuesi tha se kriminelet serb nuk u përballën me drejtësinë dhe janë të lirë dhe lëvizin lirshëm nëpër botën.

Lajme

Sot në Shkup marsh protestues në mbështetje të ish-krerëve të UÇK-së

Sot, më 27 shtator, në Sheshin “Skënderbeu” në Shkup do të mbahet një marsh protestues në mbështetje të ish-krerëve të UÇK-së.

Ngjarja është thirrur për në ora 14:00, me qëllim të shprehjes së solidaritetit dhe qëndrimit qytetar përballë vendimeve të Gjykatës Speciale. Organizatorët bëjnë thirrje për një pjesëmarrje të qetë, dinjitoze dhe të bashkuar, për të dëshmuar se sakrifica, kujtesa dhe dinjiteti i luftës së Ushtrisë Çlirimtare të Kosovës nuk harrohen.

Në këtë marsh ftohen të marrin pjesë të gjithë qytetarët, familjet e dëshmorëve, veteranët, të rinjtë, studentët, intelektualët, shoqëria civile dhe gjithë personat që ndjejnë se kjo çështje i bashkon.