Lajme

Albin Kurti: Bashkimi i VLEN është arritja më e madhe politike

Kryeministri në detyrë i Kosovës, Albin Kurti, gjatë fjalimit në kongresin e VLEN, tha se bashkimi i partive në këtë koalicion është një hap i rëndësishëm politik dhe shoqëror.

Ai theksoi se në politikë shpesh ka ndarje dhe përçarje, prandaj bashkimi i disa subjekteve në një forcë të vetme është një zhvillim pozitiv.

Kurti foli edhe për Ditën e Evropës, duke thënë se Unioni Europian është ndërtuar mbi vlerat e paqes, demokracisë dhe antifashizmit.

Ai përmendi edhe bashkëpunimin mes Kosovës dhe Maqedonisë së Veriut. duke thënë se sistemi “one stop shop” ka lehtësuar kalimin e qytetarëve në kufi. Kurti njoftoi gjithashtu se së shpejti do të fillojnë punimet për rrugën Bllacë–Shkup dhe se janë ndarë mjete për projektin Prizren–Tetovë. /SHENJA/

Lajme

Nikolloski: Shteti ka rezerva të kerozinës për tre muaj

Ministri i Transportit, Aleksandar Nikolloski, informoi se vendi nuk ka probleme me furnizimin me kerozin dhe se aktualisht ka rezerva për 90 ditë. Nikolloski njoftoi gjithashtu hapjen e pesë destinacioneve të reja nga dy aeroportet, të cilat do të fillojnë të funksionojnë nga muaji i ardhshëm, transmeton Portalb.mk.

“Përveç faktit që furnizohen aeroporti i Shkupit dhe i Ohrit, me kerozinin tonë furnizohet plotësisht edhe aeroporti i Prishtinës dhe pjesërisht aeroporti i Nishit. Kemi rezerva për 90 ditë, edhe pse ligji parashikon 60 ditë. Në kushte kur po paralajmërohen anulime fluturimesh, ne gjatë muajit qershor planifikojmë pesë destinacione të reja nga aeroporti i Shkupit dhe i Ohrit. ‘Austrian Airlines’ do të fillojë për herë të parë të fluturojë nga Vjena drejt Ohrit. ‘Wizz Air’ do të fluturojë nga Ohri në Krakov dhe në Wrocław, dhe kemi dy destinacione të shkëlqyera turistike nga aeroporti i Shkupit: njëra është Palermo – Sicili, tjetra Alghero – Sardenjë”, tha Nikolloski.

Kujtojmë se, çmimi i karburantit për avionë (kerozina) është rritur me 122 përqind që nga fillimi i luftës me Iranin, sipas kompanisë konsulente Energex me seli në Londër. Së pari, probleme me furnizimin u raportuan në aeroportet aziatike, mdërkohë që ka vonesa të mëdha edhe në furnizimin me karburant në aeroportet në Itali.

Lajme

Kjo është përbërja e re që do të udhëheqë VLEN-in

Koalicioni VLEN ka zyrtarizuar strukturat e tij drejtuese gjatë punimeve të Kongresit të parë të mbajtur në Shkup, duke shënuar kalimin nga një aleancë partish në një subjekt të unifikuar politik.

Sipas vendimeve të miratuara nga delegatët, Izet Mexhiti dhe Bilall Kasami janë zgjedhur bashkëkryetarë të lëvizjes, ndërsa pozicioni i sekretarit të përgjithshëm i është besuar Bekim Salit, përcjell INA.

Për të kompletuar hierarkinë drejtuese, Kongresi emëroi Mimoza Musën dhe Bekim Qokun në postet e nënkryetarëve, duke përcaktuar kështu ekipin që do të udhëheqë organizimin dhe strategjinë e mëtejshme të subjektit në skenën politike të Maqedonisë së Veriut.

Ky proces i rëndësishëm i strukturimit të brendshëm pason diskutimet mbi platformën politike dhe synon të forcojë përfaqësimin e kësaj force brenda koalicionit qeverisës dhe përballë elektoratit.(INA)

Lajme

Shkodran Alili i bashkohet koalicionit VLEN

Avokati dhe humanisti Shkodran Alili, i njohur si kandidat i pavarur për Komunën e Kërçovës, tashmë i është bashkuar koalicionit VLEN.

Ky zhvillim paraqet një lëvizje të rëndësishme në skenën politike lokale, pasi Alili kishte ndërtuar profilin e tij politik jashtë partive tradicionale. Përfshirja e tij në VLEN pritet të ndikojë në forcimin e koalicionit në Kërçovë.(INA)