“Maqedonasit sidomos me këtë që ndodhi në zgjedhjet lokale parapërgatiten për ndarje. Nuk kanë plane serioze që të jetë shtet i përbashkët. Po të jemi shtet normal demokratik nuk kemi punë me VLENIN, por kemi punë me kryeministrin, i cili paradreke -pasdreke, në mbrëmje-në mëngjes, me darkë pa darke demonstron se është kryeministër i maqedonasve. Ai ka harruar se duhet të jetë edhe kryeministër i shqiptarëve dhe të përkujdeset edhe për mirëqenien e tyre, edhe për gjuhën e tyre, të drejtat dhe liritë e tyre dhe buxhetin e shtetit ta shpërndajë në mënyrë të drejtë e jo t’i sjellë në një hall të poshtërimit të madh.”, ka deklaruar Menduh Thaçi në emisionin “Dialog te LAJMI”.

Policia e Tetovës ka arrestuar një të mitur 16-vjeçar nga Tetova, i dyshuar për kryerjen e disa vjedhjeve në xhami gjatë dy javëve të fundit.

Nga Ministria e Punëve të Brendshme njoftojnë se arrestimi është bërë dje rreth orës 18:00 nga nëpunësit policorë të SPB Tetovë, për shkak të dyshimeve për veprën penale “vjedhje e rëndë”.

Sipas MPB-së, i mituri dyshohet se ka vjedhur në disa xhami në Tetovë, ndërsa rasti i fundit ka ndodhur në një xhami në rrugën “176”, ku me forcë ka thyer arkën metalike të donacioneve dhe ka marrë para.

I dyshuari është ndaluar në stacion policor, ndërsa për rastin është njoftuar edhe prokurori publik. Pas dokumentimit të plotë të rastit do të ngrihet kallëzim përkatës.

Bashkëkryetari i VLEN-it, Bilall Kasami, deklaroi se as VLEN dhe as Qeveria e Maqedonisë së Veriut nuk kanë kërkuar nga shteti shqiptar tërheqjen e ambasadorit të Shqipërisë në vend.

“Në asnjë moment nuk kemi pasur ndonjë kërkesë ndaj shtetit shqiptar për ta tërhequr ambasadorin”, tha Kasami, duke iu përgjigjur pyetjeve të gazetarëve lidhur me spekulimet për largimin e Meidanit.