Lifestyle

Super energji në projektin e ri, Blerta Veseli publikon projektin ”Business”

Këngëtarja Blerta Veseli ka ardhur fuqishëm me projektin e saj më të ri muzikor, duke sjellë një atmosferë krejt tjetër në skenën shqiptare. Me stilin e saj unik, energjinë “gangsta” dhe paraqitjen plot karakter, Blerta po dëshmon se di si të tërheqë vëmendjen që në sekondat e para.

Kënga e re vjen me beat të fortë, ritëm modern dhe një vibe urban që e bën projektin të duket si një super produksion ndërkombëtar. Interpretimi i Blertës është i guximshëm, i sigurt dhe plot attitude, ndërsa klipi sjell skena dinamike, luks, stil rruge dhe një estetikë që përputhet perfekt me frymën e këngës.

Pas këtij produksioni qëndron emri i njohur NURTEEL, i cili edhe kësaj radhe ka sjellë një sound modern dhe mjaft të kapshëm për publikun. Në realizimin vizual është përkujdesur XL FILMS, duke i dhënë klipit pamje kinematografike dhe atmosferë të fuqishme urbane, ndërsa producent ekzekutiv i projektit është LABINOT NURAJ.

Blerta Veseli në këtë projekt shfaqet më e guximshme se kurrë, duke kombinuar muzikën ritmike me një paraqitje që reflekton vetëbesim, stil dhe identitet artistik. Fansat kanë reaguar menjëherë në rrjete sociale, duke e cilësuar projektin si një nga publikimet më “hard” dhe më të veçanta të momentit.

Në kohën kur tregu muzikor po mbushet me projekte të ngjashme, Blerta duket se ka zgjedhur të vijë ndryshe — me personalitet, energji dhe një frymë “street vibe” që e bën projektin të dallohet menjëherë.

Kënga tashmë është publikuar në YouTube dhe po merr reagime të shumta nga publiku e fansat e muzikës urbane.

Lifestyle

Kanye West mbërrin në Tiranë, publikohen pamjet

Kanye West ka mbërritur në Shqipëri, ku sonte pritet të zhvillojë koncertin e tij madhështor në periferi të Tiranës, në një stadium që pritet të presë dhjetëra mijëra fansa të reperit amerikan.

Pamjet e mbërritjes së artistit janë publikuar nga Euronews Albania, ku shihet Kanye West duke hyrë në një objekt, ndërsa është pritur me entuziazëm nga fansat e pranishëm.

Reperi pritet të performojë disa nga hitet më të mëdha të karrierës së tij, me koncertin i cili mbahet në një stadium të improvizuar në Kashar të Tiranës.

Autoritetet veçse kanë nisur përgatitjet për masat e sigurisë dhe kanë njoftuar kufizime të përkohshme të qarkullimit të automjeteve në zonat përreth.

Kryeministri i Shqipërisë, Edi Rama ka bërë të ditur se është gjithcka gati sa i përket organizimit të sotëm ku do të mbahet koncerti i Kany West.

Rama përmes një postimi në rrjetin social në Facebook tha se ky koncert do ta fusë Shqipërinë në një tjetër hartë globale, atë të komunitetit botëror të amatorëve të muzikës.

Megjithatë, koncerti i Kanye West në Tiranë nuk ka kaluar pa polemika. Organizimi i tij vjen në një kohë kur banorë kanë zhvilluar prej javësh protesta në kryeqytet kundër projektit për ndërtimin e një resorti luksoz në Zvërnec, duke kërkuar gjithashtu dorëheqjen e kryeministrit Edi Rama.

https://www.facebook.com/reel/2251566752269851/?t=0

Lifestyle

Zbulohet emri i djalit të princit Lekë dhe Blerta Celibashit

Lindi djali i Princ Lekës II dhe Princeshës Blerta, Oborri Mbretëror jep njoftimin zyrtar. Oborri Mbretëror Shqiptar ka njoftuar lindjen e djalit të Princ Lekës II dhe Blerta Celibashir, i cili është pagëzuar me emrin Aleksandër.

Sipas njoftimit zyrtar, Princi Aleksandër lindi paraditen e së premtes, më 10 korrik 2026, në orën 11:11, në Spitalin Universitar Obstetrik-Gjinekologjik “Mbretëresha Geraldinë” në Tiranë. Ai erdhi në jetë me peshë 3 kilogramë e 115 gramë.

Oborri Mbretëror bën të ditur se si nëna, Blerta, ashtu edhe foshnja gëzojnë shëndet të plotë.

Në njoftim, Princ Leka II dhe Blerta shprehin falënderimet e tyre për ekipin mjekësor të maternitetit “Mbretëresha Geraldinë”, duke vlerësuar kujdesin, profesionalizmin dhe përkushtimin e treguar gjatë lindjes së djalit të tyre./dritare.net

Lifestyle

“Po m’përcjell në lokacion…”, “Alarmi” u bën Halidit dhe Alkyt

Reperi Halid dhe këngëtarja e njohur me nofkën ‘Alky’, kanë lansuar këngën e tyre të re.

Ata në kanalin Youtube kanë hedhur këngën “Alarm”, që është në fakt si një alarm që vera ka nisur me një këngë verore, por, me një tekst që përshkruan shumë lidhje të sotme.

Projekti u finalizua edhe me klip nga Dardan, kurse, teksti u shkrua nga Halid x Alky x Vizion, me producim të Vizion Records.

Po ju, a e përcjellni partnerin në lokacion?