Nëse një vit më parë, Samir Mane hyri për herë të parë në listën e miliarderëve të Forbes, këtë vit, ai e ka shtuar me 500 milionë dollarë amerikanë pasurinë e tij, sipas të dhënave që publikoi revista globale.

Vitin e kaluar Forbes regjistroi 2.933 miliarderë dhe Mane ishte në vendin e 2.356.

Për vitin 2026, sipas Forbes, Samir Mane, 58 vjeç, ka thyer rekordin e tij duke arritur të rrisë pasurinë në 1.9 miliardë dollarë ose gati 162 miliardë lekë të rinj.

Samir Mane është themeluesi dhe presidenti i BALFIN Group, një konglomerat investimesh me seli në Tiranë, Shqipëri”, thotë Forbes.

Ndërsa shton: BALFIN zotëron qendra tregtare, rrjete dyqanesh elektronike dhe lodrash në Ballkanin Perëndimor, si dhe një bankë dhe projekte të pasurive të paluajtshme luksoze në Shqipëri.

Mane u largua nga regjimi komunist i Shqipërisë në vitin 1991 dhe u vendos në Austri si refugjat. Në vitin 1993, ai nisi të shiste pajisje elektroshtëpiake në Shqipëri.

Në vitin 1998 themeloi Neptun, një rrjet dyqanesh elektronike në Shqipëri, ndërsa në vitin 2005 u kthye në vend për të hapur qendrën e parë tregtare moderne në Shqipëri.

BALFIN zotëron gjithashtu pasuri të paluajtshme në Shtetet e Bashkuara, Kanada dhe Austri, si dhe parqe logjistike dhe një universitet privat në Shqipëri.

Një vajzë pesëmbëdhjetëvjeçare u përdhunua në një furgon në Tetovec, e cila i tregoi nënës së saj se çfarë kishte ndodhur, por ajo ishte në një lidhje me përdhunuesin dhe nuk e denoncoi në polici. Rasti u denoncua dje nga gjyshja e vajzës, dhe ngjarja ndodhi dy vjet më parë në vitin 2024.

“Më 28.05.2026, policë nga Departamenti i Punëve të Brendshme të Tetovës arrestuan dy persona të moshës 58 dhe 37 vjeç, të dy nga fshatrat e zonës së Tetovës. Më herët, po atë ditë në orën 16:45, një 62-vjeçare, gjithashtu nga një fshat i Tetovës, ka raportuar në Departamentin e Punëve të Brendshme të Tetovës një vepër penale ‘ngacmim seksual’ me elementë të përdhunimit të kryer ndaj mbesës së saj të mitur nga personi 58-vjeçar. Sipas raportit, incidenti ka ndodhur në dhjetor 2024, kur e mitura atëherë 15-vjeçare po kthehej nga Tetova me një furgon të drejtuar nga i akuzuari, gjatë së cilës ai ka përdorur forcë fizike për ta përdhunuar. Pas një periudhe të caktuar kohore, e mitura ia ka treguar incidentin nënës së saj 37-vjeçare, e cila ishte në një lidhje me personin 58-vjeçar, por ajo nuk e ka raportuar incidentin”, njoftoi Ministria e Brendshme.

Të dyshuarit po mbahen në paraburgim dhe kundër tyre do të ngrihen akuza.

Subjekti politik Lidhja Shqiptare, i udhëhequr nga Ziadin Sela, ka paralajmëruar mbajtjen e Kongresit të V-të të partisë më 31 maj në Tetovë.

Nën sloganin “Lidhja është gjallë”, partia ka njoftuar organizimin e një ngjarjeje të rëndësishme politike, e cila pritet të shënojë një fazë të re në funksionimin dhe konsolidimin e saj në skenën politike shqiptare në Maqedoninë e Veriut.

Sipas njoftimit zyrtar, kongresi do të mbahet në Qendra për Kulturë Tetovë, me fillim në ora 12:00. Në këtë aktivitet pritet të marrin pjesë delegatë, struktura partiake dhe mbështetës nga të gjitha degët e subjektit.

Nga partia theksojnë se kongresi vjen në një periudhë të rëndësishme politike, ku pritet të prezantohen orientimet e reja politike dhe organizative të subjektit të drejtuar nga Ziadin Sela.

Kongresi i ardhshëm shihet si një moment kyç për përcaktimin e drejtimit të mëtejmë politik të “Lidhjes Shqiptare” dhe forcimin e strukturave të saj partiake.