Connect with us

Lajme

Ali Ahmeti: BDI forcon strukturat në Vrapçisht, unitet dhe organizim përballë sfidave politike

Ali Ahmeti ka përcjellë një mesazh pas mbajtjes së Kuvendit Zgjedhor të Degës së Bashkimit Demokratik për Integrim (BDI) në Vrapçisht, ku u konstituuan organet e reja drejtuese të degës.

Në mesazhin e tij, Ahmeti vlerëson se kuvendi është zhvilluar në një atmosferë të ngrohtë, vëllazërore dhe me unitet të plotë, duke e cilësuar si një hap të rëndësishëm në forcimin e organizimit të partisë në nivel lokal.

Ai uron kryetarin e degës, kryesinë, Këshillin Mbikëqyrës, Komitetin e Veteranëve dhe sekretariatet për besimin dhe përgjegjësinë e marrë, duke shprehur bindjen se me përkushtim dhe afërsi me qytetarët do të forcohet edhe më tej organizimi në Vrapçisht.

Ahmeti thekson se BDI mbetet një nga forcat më të organizuara politike të shqiptarëve në vend, duke shtuar se fuqia e saj buron nga uniteti dhe besimi i qytetarëve.

Ai nënvizon gjithashtu nevojën për organizim, mençuri dhe vendosmëri, duke theksuar se me vizion dhe përkushtim do të përballen politikat që cenojnë të drejtat e shqiptarëve.

“Urime Vrapçishtit dhe suksese të zgjedhurve në këtë rrugëtim të ri”, përfundon mesazhi.

https://www.facebook.com/share/p/1Pa8248c3Y/

Lajme

Tragjedi në autostradën e Kroacisë: Dy të vdekur, përmbyset autobusi serb

Dy persona kanë humbur jetën dhe disa të tjerë janë lënduar në një aksident të rëndë trafiku që ka ndodhur mëngjesin e sotëm në autostradën A3 në Kroaci, pasi një autobus me targa serbe ka dalë nga rruga dhe është përmbysur.

Sipas policisë së Zagrebit, aksidenti ka ndodhur rreth orës 07:25, në kilometrin e 61-të të autostradës, pranë kryqëzimit të Ivaniq Gradit, në drejtim të Zagrebit.

Sipas të dhënave fillestare, në autobus ndodheshin 33 pasagjerë dhe dy shoferë. Autobusi ka përplasur dhe thyer mbrojtësen anësore, përpara se të përfundonte i përmbysur jashtë rrugës.

Në vendngjarje kanë ndërhyrë ekipet e emergjencës, helikopterë dhe 15 zjarrfikës me shtatë automjete. Të lënduarit janë dërguar në spitalet e Zagrebit, ndërsa disa prej tyre kanë marrë ndihmën e parë në vendin e aksidentit.

Numri i saktë i të lënduarve dhe gjendja e tyre shëndetësore ende nuk janë bërë të ditur. Autoritetet po zhvillojnë hetimet për të zbardhur shkaqet e aksidentit.

Continue Reading

Lajme

Vuçiq humbi pushtetin, por jo retorikën për Kosovën! Këndon këngën nacionaliste: Nuk e heqin dot Kosovën nga shpirti im

Humbja politike dhe përballja me lëvizjen studentore nuk duket se e kanë larguar Aleksandar Vuçiçin nga retorika nacionaliste. Ish-presidenti serb u shfaq duke kënduar këngën “Vidovdan”, një prej simboleve të nacionalizmit serb, në një takim me mbështetësit e tij në veri të Serbisë, ku Kosova ishte sërish në qendër të mesazhit politik.

Gjatë një aktiviteti të zhvilluar mbrëmjen e së premtes në qytetin e Sremska Mitrovicës, në rajonin e Vojvodinës, Vuçiç iu bashkua mbështetësve të Partisë Përparimtare Serbe (SNS) në interpretimin e këngës, ndërsa ish-kryeministrja Ana Bërnabiç e përqafonte.

“ Kudo që shkoj, te ti kthehem sërish; askush s’mund të ma heqë Kosovën nga shpirti”, këndoi Vuçiç, duke përcjellë një mesazh që ka shoqëruar për dekada politikën nacionaliste në Serbi.

Takimi u zhvillua në një moment të vështirë politik për ish-presidentin, pas humbjes përballë lëvizjes studentore dhe përfundimit të dominimit të SNS-së në pushtet. Përpara mbështetësve, Vuçiç shpalli një kapitull të ri për partinë e tij, të cilën e prezantoi si një “opozitë shtetformuese”.

Megjithatë, vëmendjen e mori më shumë skena e këngës sesa mesazhet politike. Rikthimi te simbolika e Kosovës tregon se, edhe përballë një realiteti të ri politik në Serbi, Vuçiç vazhdon të përdorë të njëjtën gjuhë nacionaliste që ka qenë pjesë e pandashme e karrierës së tij.

Kënga “Vidovdan”, e krijuar në vitin 1989 dhe e interpretuar nga Gordana Lazareviç, lidhet me kujtesën historike serbe për Betejën e Kosovës të vitit 1389. Ajo u kthye në një simbol të nacionalizmit serb në të njëjtën periudhë kur Sllobodan Millosheviçi përdorte mitin e Kosovës për të mobilizuar mbështetjen politike.

Më 28 qershor 1989, në 600-vjetorin e Betejës së Kosovës, Millosheviçi mbajti fjalimin e njohur në Gazimestan, ku iu referua betejave dhe sakrificave historike të serbëve. Fjalimi, i mbajtur dy vite përpara shpërthimit të luftërave që shoqëruan shpërbërjen e Jugosllavisë, u interpretua gjerësisht si një prej momenteve që paralajmëruan përshkallëzimin e nacionalizmit në rajon.

Lidhja e Vuçiçit me atë periudhë nuk është vetëm përmes simbolikës. Ai e nisi karrierën politike në Partinë Radikale Serbe të Vojisllav Sheshelit dhe në vitin 1998, kur ishte 28 vjeç, mori postin e ministrit të Informacionit në qeverinë e Millosheviçit.

Gjatë kësaj periudhe, qeveria vendosi kufizime të ashpra ndaj mediave dhe ndëshkoi organet kritike të shtypit me gjoba të rënda.

Pavarësisht viteve që kanë kaluar, Kosova mbetet një nga temat kryesore të retorikës politike në Serbi. Edhe tani, pas humbjes së pushtetit, Vuçiç duket se nuk ka ndërmend të heqë dorë nga kjo kartë politike.

Por një tjetër pikëpyetje lidhet me qëndrimin që do të mbajë ndaj Kosovës forca e re politike e dalë nga lëvizja studentore, e cila sfidoi pushtetin e tij.

Sinjalet e deritanishme nuk tregojnë një ndryshim të madh në këtë drejtim. Edhe Lista Studentore, e cila u bë protagoniste e ndryshimit politik në Serbi, e konsideron Kosovën pjesë të Serbisë, kundërshton njohjen e pavarësisë së saj dhe kërkon rishikimin e marrëveshjeve të arritura në dialogun me Prishtinën.

Kështu, largimi i Vuçiçit nga pushteti nuk nënkupton domosdoshmërisht edhe një ndryshim të politikës serbe ndaj Kosovës.

Continue Reading

Lajme

Adnan Azizi “ia ul veshët” Dimitrievskit: Pyetet VLEN-i e jo ZNAM-i

Deputeti i VLEN-it, Adnan Azizi, ka reaguar ndaj deklaratave të Lëvizjes ZNAM lidhur me mundësinë e mbajtjes së provimit të jurisprudencës edhe në gjuhën shqipe, duke rikujtuar se të njëjtat qëndrime ishin shprehur edhe nga ana e ish ministrit të Drejtësisë, Fillkov, por dihet se si përfundoi puna e tij.

“Mos i merrni seriozisht ZNAM-in e Maksit. Ata thoshin se nuk mund të shkarkohet Fillkovi, por e dini si përfundoi kjo histori”, ka thënë Azizi.

Provimi i jurisprudencës, thekson ai, do të jepet në gjuhën shqipe i pëlqeu kjo ZNAM-it ose jo, “sepse për të drejtat e shqiptarëve pyetet VLEN-i e jo ZNAM-i”.

“Nuk ngjallet një parti e vdekur me deklarata shoviniste. Përkundrazi, do të fundoset edhe më shumë”, ka deklaruar Azizi.

Me këtë reagim, deputeti i VLEN-it përcjell mesazhin se qëndrimi i VLEN-it për realizimin e të drejtës së studentëve shqiptarë për ta dhënë provimin e jurisprudencës në gjuhën shqipe mbetet i pandryshuar, pavarësisht kundërshtimeve të njërit prej partnerëve të koalicionit.

Continue Reading

TË FUNDIT

Lajme2 hours ago

Tragjedi në autostradën e Kroacisë: Dy të vdekur, përmbyset autobusi serb

Dy persona kanë humbur jetën dhe disa të tjerë janë lënduar në një aksident të rëndë trafiku që ka ndodhur...

Lifestyle2 hours ago

Florela Çoçaj shkëlqen krah babait të saj Flori Çoçaj, me këngën e re “Bjer o shi”

Një bashkëpunim i veçantë familjar po vjen në skenën muzikore shqiptare. Florela Çoçaj ka bashkuar zërin dhe talentin e saj...

Lajme21 hours ago

Vuçiq humbi pushtetin, por jo retorikën për Kosovën! Këndon këngën nacionaliste: Nuk e heqin dot Kosovën nga shpirti im

Humbja politike dhe përballja me lëvizjen studentore nuk duket se e kanë larguar Aleksandar Vuçiçin nga retorika nacionaliste. Ish-presidenti serb...

Lajme21 hours ago

Adnan Azizi “ia ul veshët” Dimitrievskit: Pyetet VLEN-i e jo ZNAM-i

Deputeti i VLEN-it, Adnan Azizi, ka reaguar ndaj deklaratave të Lëvizjes ZNAM lidhur me mundësinë e mbajtjes së provimit të...

Lajme21 hours ago

ASH: Dimitrievski, “patriot me bateri kineze” – i janë harxhuar kartat politike!

Aleanca për Shqiptarët ka ironizuar ashpër kryetarin e Komunës së Kumanovës, Maksim Dimitrievski, duke e quajtur atë “patriot me bateri...

Lajme21 hours ago

Dimitrievski: Nëse provimi i jurisprudencës mbahet edhe në shqip, largohemi nga Qeveria

Lideri i partisë ZNAM, Maksim Dimitrievski ka paralajmëruar dalje nga Qeveria në rast se miratohet vendim që provimi i jurisprudencës...

Lajme21 hours ago

Kasami: Për një vit 10 milionë euro investime në Tetovë në infrastrukturë

Kryetari i Komunës së Tetovës, Bilall Kasami, ka publikuar bilancin njëvjeçar të projekteve infrastrukturore, duke theksuar realizimin e 43 projekteve...

Sport2 days ago

Kampioni Altin Zogaj rikthehet në ring, më 27 nëntor do ta shkung ringun në Gjermani

Pas një pauze prej 10 muajsh, boksieri shqiptar Altin Zogaj ka konfirmuar rikthimin e tij në ring, duke paralajmëruar një...

Lajme2 days ago

Arrestohen tre persona për vjedhjen e 129 milionë dollarëve përmes inteligjencës artificiale

Tre persona janë arrestuar në Evropë, pasi dyshohet se për rreth dy vite kanë përdorur inteligjencën artificiale për të mashtruar...

Lajme2 days ago

Fal kujt është fitorja në Bërvenicë? Flasin Sulejmani dhe Hasani

Driton Sulejmani nga koalicioni VLEN, në emisionin “Debat në Shenja”, lidhur me zhvillimet politike pas zgjedhjeve në Bërvenicë, tha se...

Trending