Kryetari i Bashkisë së Tiranës, Erion Veliaj, i cili ndodhet në paraburgim, është bërë baba për herë të dytë. Bëhet e ditur se bashkëshortja e tij Ajola Xoxa, ka sjell sot në jetë djalin e tyre të dytë.

Ndërkohë SPAK i ka dhënë leje Veliajt që të takojë fëmijën e porsalindur në maternitet, shkruajnë mediat në Tiranë.

Erion Veliaj ndodhet në paraburgim që prej shkurtit 2025. Kryebashkiaku i Tiranës është dërguar për gjykim nga SPAK me një sërë akuzash penale, duke përfshirë shpërdorim detyre, korrupsion pasiv në disa raste, pastrim parash dhe fshehje pasurie.

Dosja hetimore përfshin gjithashtu bashkëshorten e tij dhe një sërë biznesmenësh e subjektesh të tjera.

Kujtojmë që çifti janë edhe prindër të një djali tjetër, i cili ka ardhur në jetë në vitin 2018.

Shoferi që dyshohet se shkaktoi aksidentin me fatalitet mbrëmë pas mesnate, ku humbi jetën polici Rexhep Gashi, ka përfunduar në ndalim policor.

Policia e Kosovës ka dhënë detaje lidhur me vdekjen e policit në Pikën Kufitare të Vërmicës, i cili dyshohet se është goditur nga i dyshuari.

Sipas konfirmimit të Policisë, rasti ka ndodhur rreth orës 02:40, kur është raportuar se polici është goditur nga një veturë që drejtohej nga një i dyshuar, shtetas i Shqipërisë.

“Në vendin e ngjarjes kanë dalë të gjitha njësitet relevante policore, ndërsa vdekja e viktimës është konstatuar nga mjeku kujdestar.Me vendim të prokurorit të shtetit, trupi i pajetë është dërguar në Institutin e Mjekësisë Ligjore për obduksion, ndërsa i dyshuari është dërguar në mbajtje”, thotë PK.

Trafiku në autostradën Kumanovë-Veles është pezulluar që nga ora 6 e mëngjesit të sotëm, njoftoi Lidhja Auto Moto e Maqedonisë (LMM).

Ndërprerja është për shkak të një aksidenti trafiku që ndodhi në kryqëzimin në Aeroportin Ndërkombëtar të Shkupit, më saktësisht në daljen nga Shkupi që të çon në ndërtesën e terminalit.

LAMM thotë se trafiku po devijohet përmes kryqëzimit në rafinerinë Okta.

Aeroporti Ndërkombëtar i Shkupit konfirmon se ka një devijim trafiku dhe i njofton shoferët të përdorin daljen që të çon në hyrjen e vjetër të aeroportit, përkatësisht në ndërtesën e vjetër të aeroportit.

“Ju informojmë se për shkak të një aksidenti trafiku në hyrjen kryesore të ndërtesës së terminalit të Aeroportit Ndërkombëtar të Shkupit, nga drejtimi i Shkupit drejt aeroportit, të gjitha automjetet po devijohen në përputhje me rrethanat”, thuhet në njoftimin nga TAV Maqedoni.

Sipas raportimeve në disa media, bëhet fjalë për një automjet që është përmbysur dhe se ka disa të lënduar.

Ministria e Punëve të Brendshme (MPB) ende nuk ka publikuar asnjë informacion në lidhje me aksidentin rrugor.