Lajme

Mickoski: Nga dita e parë kam thënë, kjo qeveri nuk është e komoditetit por e rezultateve!

Kryeministri Hristijan Mickoski deklaroi se funksionet publike nuk duhet të shihen si privilegj apo e drejtë e fituar, por si përgjegjësi që duhet të arsyetohet çdo ditë, gjatë fjalimit të tij në seancën e 112-të të Kuvendit, ku po shqyrtohen shkarkimet dhe emërimet e reja në Qeveri.
Mickoski theksoi se ministrat e propozuar për shkarkim janë njerëz me integritet, të cilët, sipas tij, kanë dhënë kontribut në realizimin e programit qeveritar.
“Funksioni nuk ka qenë dhe kurrë nuk do të jetë qëllim në vetvete, por mjet për t’i shërbyer popullit. Sot nuk po ndahemi nga njerëz që nuk kanë punuar, përkundrazi, po ndahemi nga njerëz që në resorët e tyre kanë dhënë kontribut në realizimin e programit për të cilin qytetarët na besuan mandatin”, tha Mickoski.
Ai rikujtoi se që në fillim të mandatit kishte paralajmëruar se Qeveria do të bazohej në rezultate dhe jo në komoditet.
“Nga dita e parë kam thënë se kjo nuk do të jetë një qeveri e komoditetit, por një qeveri e rezultateve. Funksionet nuk do të konsiderohen si e drejtë e fituar, por si obligim që duhet të meritohet çdo ditë. Sot tregojmë se ky parim vlen njësoj për të gjithë”, u shpreh kryeministri.
Sipas tij, rikonsturmimi i Qeverisë nuk duhet të shihet si fundi i punës së dikujt, por si pjesë e përkushtimit për të ofruar rezultate konkrete, duke shtuar se qytetarët meritojnë të shohin dallimin mes politikës së arsyetimeve dhe politikës së rezultateve.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk