Lajme

Mickoski: Maqedonia i ka karburantet më të lira në rajon

Kryeministri i Maqedonisë së Veriut, Hristijan Mickoski, deklaroi se Qeveria mbetet e përkushtuar ndaj politikave që synojnë uljen e ndikimit të çmimeve të derivateve të naftës dhe përmirësimin e standardit të qytetarëve.

Duke komentuar zhvillimet e fundit ushtarake në Gjirin Persik mes Shteteve të Bashkuara dhe Iranit, si dhe mbylljen e përsëritur të Ngushticës së Hormuzit, Mickoski tha se këto ngjarje mund të ndikojnë në tregjet ndërkombëtare të energjisë dhe në çmimet e karburanteve.

Sipas tij, Qeveria i ka parashikuar këto skenarë dhe, në kuadër të masave për përballimin e krizës, ekzistojnë mundësitë që nga java e ardhshme të ketë sërish ulje të akcizave për benzinën pa plumb dhe dizelin.

“Gjendja e krizës zgjat deri më 20 korrik. Mendoj se tashmë janë plotësuar kushtet që nga e hëna të kemi sërish ulje të akcizave për benzinën pa plumb dhe për dizelin”, tha Mickoski.

Ai shtoi se fillimisht duhet të përfundojë procesi i mbylljes së tregjeve dhe të bëhet analiza e çmimeve për gjysmën e parë të periudhës 15-ditore.

Mickoski theksoi se politikat aktuale të Qeverisë kanë ndikuar që Maqedonia e Veriut të ketë, sipas tij, çmime më të ulëta të karburanteve krahasuar me disa vende të rajonit.

“Çmimi i karburanteve përcaktohet nga bursat ndërkombëtare. Nga i njëjti treg ku furnizohet Gjermania, furnizohemi edhe ne. Ne nuk kemi burim nafte në vend për t’i mbushur rezervuarët e automjeteve tona”, deklaroi kryeministri.

Ai gjithashtu krahasoi çmimet e karburanteve në Maqedoninë e Veriut me ato në vendet fqinje, duke theksuar se, sipas tij, në disa prej tyre çmimet janë dukshëm më të larta.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!