Kryebashkiaku i Nju Jorkut, Zohran Mamdani, deklaroi se administrata e tij po shqyrton mundësinë e arrestimit të kryeministrit izraelit Benjamin Netanyahu, nëse ai udhëton në qytet për të marrë pjesë në Asamblenë e Përgjithshme të Kombeve të Bashkuara, e planifikuar për në muajin shtator.

 

 

Në një deklaratë publike, Mamdani tha se beson se Netanyahu duhet të përballet me drejtësinë ndërkombëtare. “Unë besoj se kryeministri Netanyahu duhet të gjykohet në Hagë”, u shpreh ai, duke iu referuar procedurave ndërkombëtare kundër liderit izraelit. Kryebashkiaku shtoi gjithashtu se Netanyahu është “një kriminel lufte i akuzuar nga Gjykata Ndërkombëtare Penale”.

Deklarata e Mamdanit vjen në një kohë kur pritet që shumë liderë botërorë të marrin pjesë në punimet e Asamblesë së Përgjithshme të OKB-së në Nju Jork, ndërsa çështja e urdhërarrestit të lëshuar nga Gjykata Ndërkombëtare Penale ndaj Netanyahut vazhdon të jetë objekt debatesh në arenën ndërkombëtare.

Analisti Ramadan Ramadani vlerëson se rikonstruimi i Qeverisë në gjysmën e mandatit të saj është proces i inicuar dhe konceptuar kryesisht nga VLEN-i, duke theksuar se ky subjekt në pushtet ishte protagonisti kryesor i ndryshimeve.

Sipas tij, nga tetë ministritë e përfshira në rikonstruim, në më shumë se gjysmën e saj, rol vendimtar kanë pasur kuadrot e VLEN-it, ndërsa nga tre emrat e rinj që iu bashkuan kabinetit qeveritar, dy janë përfaqësues të këtij subjekti politik.

Ramadani thekson se, pavarësisht analizave politike se kush fitoi apo humbi më shumë nga ky proces, “shifrat tregojnë qartë se bëhet fjalë për një rikonstruim të udhëhequr nga VLEN në kuadër të qeverisë së përbashkët me VMRO-DPMNE dhe ZNAM”.

Ai shton se kjo mund të shpjegojë edhe reagimet e kryeministrit gjatë seancës së votimit të ministrave të rinj, duke argumentuar se në praktikë ai drejtoi një rikonstruim të iniciuar dhe realizuar nga partneri shqiptar i koalicionit.

Në fund, Ramadani thekson se rezultatet e VLEN-it do të maten me punën dhe performancën në vijim, por për këtë proces, sipas tij, vlen thënia: “VLEN-in shaje, ama mundin mos ja ha.”

Nënkryetari i Komunës së Tetovës, Albi Qamili, ka bërë një përmbledhje të punimeve infrastrukturore që janë realizuar dhe atyre që po vazhdojnë në territorin e komunës.

Sipas tij, është përfunduar rruga në fshatin Xhepçisht, ndërsa është siguruar edhe uji për pije për banorët e Reçicës së Vogël.

Qamili njofton se po vazhdojnë punimet për ndërtimin e kanalizimit dhe asfaltimin e rrugëve 169 dhe 170 në Reçicë të Vogël, ndërsa në fazën përfundimtare ndodhen edhe punimet në rrugën Poroj – Xhepçisht.

“Fundjavë të mbarë nga Tetova: E përfunduar rruga në fshatin Xhepçisht, uji për pije në Reçicë të Vogël, kanalizim dhe asfaltim në rrugët 169 dhe 170 në Reçicë të Vogël, si dhe në përfundim rruga Poroj – Xhepçisht. Punë përditë. Për Tetovën tonë!”, ka shkruar Qamili në rrjetet sociale.