Lajme

JD Vance e pranon: Lufta me Iranin në një fazë të re, nisim presionin ekonomik

Zv.presidenti amerikan, JD Vance tha në një intervistë së fundmi, se konflikti mes SHBA dhe Iranit, ka hyrë tashmë në një ‘fazë të re’, duke shtuar se presioni ekonomik është arma më efektive ndaj Iranit. Po ashtu, nr. dy i Shtëpisë së Bardhë theksoi se Uashingtoni dhe Teherani po ushtrojnë këtë presion, reciprok ndaj njëri-tjetrit. Gjatë intervistës, Vance u kujdes po ashtu të nënvijëzojë se aplikimi i presionit ekonomik ndaj Iranit është një ‘kërcim delikat’ sepse Irani po ashtu mund të kërcënojë me të njëjtin mjet Amerikën.

Por realiteti I javëve të fundit ka treguar se është shumë larg Amerikës. Sa I takon çmimit të naftës, që në javët e fundit është rritur në vazhdimësi për shkak të lëvizjeve të Iranit mbi ngushticën e Hormuzit, Vance e pranon se çmimi ka shkuar vërtet shumë lart.

Trump vazhdimisht e ka paralajmëruar Iranin se do të përballet me operacionin më të rëndë ekonomik që bota ka përjetuar ndonjëherë. Paralajmërimet përfshijnë sipas Trump, institucionet financiare, sipërmarrjet private dhe shtetërore, aeroportet apo godinat qeveritare dhe pasojat do të jenë shumë të rënda: izolim dhe më pas mposhtje e Iranit, thotë presidenti amerikan. Ministri I jashtëm Iranian tha këtë javë se Teherani zyrtar do të përdorë të gjitha mjetet dhe kapacitetet e saj, për të mbrojtur interesin kombëtar dhe të drejtat legjitime të popullit Iranian.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.