Lajme

Limani: Moti kohë kam përfunduar punë te VLEN-i, jam ministër i popullit!

Pak pasi kryeministri dje përmendi zgjedhje parlamentare “së shpejti”, ministri Fatmir Limani shpërndau një foto të një faqeje ku shkruhej “me Fatmir Limanin donit luftë, tani tregoni sa vleni!”!

Kjo u duk një mesazh i qartë i Limanit ndaj koalicionit VLEN, pjesë e së cilit ishte edhe ai vetë, deri para disa kohësh!

Po çfarë deshi të thotë Limani me atë ripostim?

-Ka qenë një ripostim i një portali në profilin tim, por që nuk do të thotë se nuk jemi pro zgjedhjeve të parakohshme sa më të shpejta të jenë ato aq më mirë do të jetë për vendin tonë, për zhvillimin ekonomik dhe në të njëjtën kohë për rifreskimin e radhëve si në kuadër të VLEN-it ashtu edhe në kuadër të çdo subjekti apo strukture politike.

-Ju a do të jeni si strukturë e VLEN-it në zgjedhjet e ardhshme?

-Moti kohë kam përfunduar punë te VLEN-i…

Po tani që nuk është më VLEN, si kuadër i cilës parti po qëndron Limani në Qeveri – si i VLEN-it apo si i VMRO-DPMNE-së? U përgjigj se është ministër i popullit, në pushtetin ndërmjet partnerëve të koalicionit të VLEN dhe VMRO. Kur u pyet për afrimin me BDI-në, Limani nuk e pohoi e a nuk e mohoi që në zgjedhjet e ardhshme do të jetë me integristët.

TV21 pyetje drejtoi pyetje edhe në VLEN për qëndrim rreth temës së zgjedhjeve të parakohshme. Përgjigja e tyre ishte një qëndrim i djeshëm, ku shkruhej se janë në fazën përfundimtare të bashkimit në një subjekt të vetëm politik, kjo sipas tyre, do të konfirmojë se janë forca e dytë politike në vend. Sipas tyre, qeveria ka shumicë stabile, me tendencë që të zgjerohet.

-Qeveria ka shumicë stabile dhe të konsiderueshme, me tendencë që të zgjerohet edhe më tej.

-Vlerësojmë se fokusi kryesor duhet të jetë realizimi i politikave që përmirësojnë standardin jetësor të qytetarëve dhe forcojnë funksionet shërbyese të pushtetit ekzekutiv.

Të shtunën, më 9 maj, partitë LD, BESA, Alternativa, njëri fraksion i ASH-së dhe përfaqësues të Vetëvendosjes dhe pritet që të mbajnë kongresin e parë të bashkimit të një partie të vetme politike.

Lajme

Ndërron jetë edhe një pacient me ethet e Nilit Perëndimor, gjithsej dhjetë viktima

Një pacient nga Shkupi (70 vjeç) është viktima e dhjetë me virusin e Nilit Perëndimor në Maqedoni.

Ai vdiq këtë fundjavë në Klinikën e Sëmundjeve Infektive ku mjekët luftuan për jetën e tij për më shumë se një muaj, njoftoi sot në një konferencë për shtyp drejtori i Klinikës së Sëmundjeve Infektive, Fadil Cana.
Deri më tani janë regjistruar gjithsej 70 raste të personave të infektuar me virusin.

Kanë vdekur gjithsej 10 pacientë, nëntë nga Shkupi dhe një nga Kumanova, kryesisht të moshuar me sëmundje të shumëfishta komorbiditete.

Lajme

Çmime të reja të derivateve të naftës, lirohet dizeli, shtrenjtohet bezina

Komisioni Rregullator për Energjetikë, Shërbime të Ujit dhe Shërbime për Menaxhimin e Mbetjeve Komunale ka marrë vendim për uljen e çmimeve me pakicë të derivateve të naftës mesatarisht për 1.06 për qind.

Sipas vendimit, nga 29 shtatori 2026 në ora 00:01, çmimet maksimale do të jenë:

EUROSUPER BS-95: 100 denarë/litër – rritje për 1 denar.
EUROSUPER BS-98: 102 denarë/litër – rritje për 1 denar.
EURODIZEL BS: 100 denarë/litër – ulje për 4.5 denarë.
Vaj ekstra i lehtë EL-1: 111.5 denarë/litër – ulje për 3 denarë.
Mazut M-1 NS: 49.882 denarë/kg – ulje për 0.196 denarë.

Në vendimin e ri është aplikuar edhe masa e Qeverisë për TVSH-në e reduktuar në 10 për qind për Eurodizelin, si dhe akciza e ulur për benzinat dhe naftën.

Sipas të dhënave të Komisionit Rregullator, çmimet referente të derivateve në tregun botëror kanë shënuar ndryshime të ndryshme gjatë periudhës së fundit. Te benzina është regjistruar një rritje e lehtë, ndërsa te dizeli, vaji ekstra i lehtë dhe mazuti janë shënuar ulje.

Lajme

Gashi në Riad: Thellim i bashkëpunimit parlamentar, ekonomik dhe bilateral

Kryetari i Kuvendit, Afrim Gashi, gjatë vizitës zyrtare në Mbretërinë e Arabisë Saudite, ka zhvilluar takim me kryetarin e Këshillit të Shurës, Abdullah bin Mohammed Al-Sheikh. Në takim është diskutuar për thellimin e bashkëpunimit parlamentar dhe bilateral, si dhe për mundësitë e rritjes së bashkëpunimit ekonomik dhe investimeve saudite në Maqedoninë e Veriut.

“ Në kuadër të vizitës zyrtare në Mbretërinë e Arabisë Saudite, zhvillova një takim me Kryetarin e Këshillit të Shurës, Abdullah bin Mohammed Al-Sheikh. Diskutuam për thellimin e bashkëpunimit parlamentar dhe bilateral, si dhe për mundësitë për rritjen e bashkëpunimit ekonomik dhe investimeve saudite në Maqedoninë e Veriut.

Theksova gjithashtu interesimin tonë për pjesëmarrje aktive në EXPO 2030 në Riad, si dhe rëndësinë e dialogut të rregullt politik dhe bashkëpunimit konkret ndërmjet dy vendeve. Jam i bindur se kjo vizitë do t’i japë një shtysë të mëtejshme marrëdhënieve ndërmjet Maqedonisë së Veriut dhe Arabisë Saudite”, deklaroi Gashi.