Lajme

Jo vetëm në Shkup, fëmijët e pavaksinuar nuk pranohen në çerdhe në të gjithë vendin, tha ministri Demiri

Ndalesa për mospranimin e fëmijëve të pavaksinuar në çerdhe nuk vlen vetëm në Shkup, ku është shpallur epidemia e kollës së keqe, por vlen për të gjithë territorin e shtetit.

Ministri i Shëndetësisë Ilir Demiri, sot tha se Inspektorati Shtetëror Sanitar prej sot bënë kontrolle të shtuara çdo kund.
“Jo vetëm në terrritorin e Shkupit ku është shpallur epidemi, por në nivelin e të gjithë shtetit do të ketë kontrolle të shtuara dhe do të kërkoj mënyra për të vaksinuar të gjithë ata që nuk janë vaksinuar. Ai ka firmosur një urdhër për kthimin e fëmijëve që janë pjesërisht ose jo të vaksinuar”, tha ministri Demiri.

Për shkak të epidemisë së kollës së keqe në Shkup dhe rritjes së interesimit për vaksinim, ministri Demiri thotë se kanë kërkuar që të rritet numri i pikave të vaksinimit duke punësuar mjekë të rinj të cilët do të kishin një praktikë me pagesë.
Ai theksoi janë në pritje të një përgjigje nga Komisioni Shtetëror për Parandalimin e Korrupsionit, i cili duhet të deklarojë nëse është e mundur të punësohen mjekë të rinj në periudhën parazgjedhore.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net