Lajme

Gaza, në ditën e parë të Ramazanit dy foshnje tjera vdesin nga uria

Dy foshnja të tjera në inkubatorë vdiqën për shkak të kequshqyerjes dhe mungesës së pajisjeve mjekësore në Rripin e Gazës, ku Izraeli ka vazhduar sulmet prej muajsh dhe ka shkaktuar “katastrofë të madhe humanitare” duke penguar hyrjen e ndihmave, raporton Anadolu.

Në deklaratën e tij për Anadolu, pediatri i njësisë së kujdesit intensiv të spitalit “Kemal Advan”, Samir Lebid, i vendosur në Beit Lahiya në veri të Gazës dha informacione për situatën.

“Ditën e parë të Ramazanit, 2 foshnja vdiqën në spital për shkak të kequshqyerjes”, tha ai.

Duke theksuar se këto vdekje kanë ndodhur si pasojë e pengimit të Izraelit për hyrjen e ushqimeve dhe furnizimeve mjekësore në veri të Rripit të Gazës, Lebid tha se kequshqyerja ka ndodhur si pasojë e mungesës së burimeve ushqyese si qumështi, i cili është ushqim bazë për foshnjat, veçanërisht foshnjat e lindura para kohe.

Paralajmërimi se “mund të vdesin më shumë fëmijë”

Lebid paralajmëroi se nëse situata aktuale vazhdon, “do të ndodhë fatkeqësi mjekësore që do të rezultojë në vdekjen e më shumë fëmijëve për shkak të kequshqyerjes”.

Mjeku palestinez u bëri thirrje të gjitha institucioneve ndërkombëtare dhe Kryqit të Kuq që “të ndërmarrin veprime të menjëhershme për të shpërndarë ushqime dhe furnizime mjekësore për njerëzit në veri të Gazës”.

Me vdekjen e 2 foshnjave të tjera në ditën e parë të Ramazanit, numri i vdekjeve nga uria dhe kequshqyerja në Rripin e Gazës u rrit në 27.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.