Një delegacion i Komisionit Shtetëror të Zgjedhjeve (KSHZ), i përbërë nga kryetari Bojan Mariçiq and anëtaret Ditmire Shehu dhe Svetllana Karapetrova, mori pjesë aktive në Konferencën e shtatë Rajonale “Paratë në politikë 2026”, e cila u mbajt në Kishinev, Republika e Moldavisë, në të cilën Mariçiq, në emër të institucionit, nënshkroi Memorandumin e mirëkuptimi midis autoriteteve zgjedhore të Republikës së Maqedonisë së Veriut, Republikës së Shqipërisë, Republikës së Moldavisë dhe Ukrainës.

Me nënshkrimin e memorandumit, shtetet nënshkruese, kandidate për anëtarësim në BE, vendosin një kornizë për bashkëpunim intensiv në fushën e mbrojtjes së integritetit zgjedhor dhe rezistencës demokratike. Nënshkrimi ndodhi menjëherë pas fjalës përmbyllëse të kryetarit Mariçiq, në sesionin përmbyllës së bashku me Angelika Karaman, kryetare e Komisionit Qendror të Zgjedhjeve të Republikës së Moldavisë, Ilirjan Celibashi, Komisioner Shtetëror i Zgjedhjeve i Shqipërisë dhe anëtarin e Komisionit Qendror të Zgjedhjeve të Ukrainës, Andriј Јevstihnieiev, me çka institucionet nënshkruese formalizuan zotimin e tyre të përbashkët për promovimin e zgjedhjeve të lira dhe të ndershme, harmonizimin e legjislacioneve kombëtare me vlerat e Bashkimit Evropian, luftën kundër korrupsionit zgjedhor, transparencën e financimit dhe ballafaqimin me kërcënimet hibride.

Kryetari Mariçiq mbajti fjalim edhe si folës kryesor në sesionin e parë plenar kushtuar “Mburojës europiane për demokracinë”, ku theksoi domosdoshmërinë e integrimit sistemik të trupave zgjedhorë në mekanizmat evropianë të mbrojtjes, duke nënvizuar se bashkëpunimi rajonal dhe shkëmbimi i përvojave janë vendimtare për ballafaqimin efikas me sfidat moderne, siç janë flukset e paligjshme financiare, keqpërdorimi i kriptovalutave në fushatat zgjedhore dhe ndikimi i manipulimeve digjitale.

“Në rrugën tonë drejt BE-së, udhëzimet e “Mburojës demokratike europiane” duhet t’i shndërrojmë në zgjidhje kombëtare. Integriteti zgjedhor në epokën digjitale nuk toleron izolim dhe përgjigje individuale”, tha Mariçiq, duke shtuar se autoritetet zgjedhore duhet të kenë bashkëpunim të ngushtë me qëllim që të njohin dhe parandalojnë në kohë format bashkëkohore të ndikimit digjital, të cilat gjithnjë e më shumë po e formësojnë hapësirën zgjedhore.

Në margjinat e konferencës, delegacioni i KSHZ-së zhvilloi një takim me udhëheqësinë e Komisionit Qendror të Zgjedhjeve të Republikës së Moldavisë dhe Agjencisë për Parandalimin e Korrupsionit të Malit të Zi. Në takim u bisedua për thellimin e bashkëpunimit ndërinstitucional dhe për hapa konkretë për zbatimin praktik të dispozitave të Memorandumit të nënshkruar.

Delegacionet diskutuan për rëndësinë e shkëmbimit intensiv të praktikave të mira në fushën e transparencës së financimit politik dhe zgjedhor, si dhe për mekanizmat për luftimin e korrupsionit zgjedhor. Bashkëbiseduesit u pajtuan se ky lloj i bashkëpunimit të drejtpërdrejtë është i domosdoshëm për zhvillimin e kapaciteteve profesionale të administratës zgjedhore dhe për harmonizimin e suksesshëm të sistemeve kombëtare me standardet dhe vlerat e Bashkimit Evropian.

Konferenca rajonale e sivjetshme “Paratë në politikë”, e titulluar: “Nga paratë virtuale te ndikimi real: Kufijtë e rinj të qëndrueshmërisë demokratike”, e organizuar nga Komisioni Qendror i Zgjedhjeve i Moldavisë në partneritet me International IDEA, Këshillin e Evropës dhe UNDP, mblodhi mbi 100 përfaqësues të organeve zgjedhore, institucioneve kundër korrupsionit, organizatave ndërkombëtare dhe të shoqërisë civile nga më shumë se 20 shtete, dhe përfaqësoi një platformë kyçe për krijimin e përgjigjeve strategjike ndaj kërcënimeve bashkëkohore ndaj demokracisë. Në 6 panele tematike patën prezantimet e tyre mbi 30 folës ndërkombëtarë, përfshirë përfaqësues të Komisionit Evropian, Komisionit të Venecias, si si dhe ekspertë kryesorë nga International IDEA, Këshilli i Evropës dhe UNDP, në të cilat pjesëmarrësit shkëmbyen praktika të mira për mbikëqyrjen e fushatave zgjedhore në epokën digjitale, me çka nënshkrimi i Memorandumit shënoi përkushtimin e përhershëm të autoriteteve zgjedhore drejt forcmit të institucioneve dhe standardeve evropiane.

Linku për video insertet:https://we.tl/t-G3rggtA4eX0nWxav

Kryeministri Hristijan Mickoski, sonte nga Strumica porositi se ideja që nisi para 36 vitesh me themelimin e VMRO-DPMNE-së jo vetëm që ka mbijetuar, por sot është më e fortë se kurrë.

Në fjalimin e tij me rastin e 36-vjetorit të partisë, Mickoski theksoi se ky tubim nuk është vetëm shënim i një jubileu, por konfirmim se ëndrra për Maqedoninë vazhdon të jetojë dhe të zhvillohet.

“Jemi mbledhur sonte për të treguar se ideja që filloi para 36 vitesh jo vetëm që mbijetoi, por sot është më e fortë se kurrë. Ajo ide, ajo ëndrra jonë, ka qenë dhe do të mbetet gjithmonë Maqedonia”, tha Mickoski.

Ai nënvizoi se Maqedonia ka rikthyer energjinë, shpresën dhe vizionin, duke shtuar se qytetarët po besojnë sërish te vetja dhe te e ardhmja e shtetit.

Sipas tij, forca e Maqedonisë qëndron te populli, i cili, siç tha ai, nuk hoqi dorë nga atdheu dhe qëndroi i fortë edhe në periudhat më të vështira. Mickoski vlerësoi se pikërisht kjo energji popullore është motori i ndryshimeve dhe përparimit.

Nga Strumica u dërgua mesazhi se shteti po ecën përpara dhe se procesi i zhvillimit duhet të vazhdojë me ritëm edhe më të shpejtë.

“Maqedonia po ngrihet në këmbë, hap pas hapi po ecim përpara dhe duhet të përshpejtojmë. Ky është obligimi ynë. Maqedonia që përshpejton”, theksoi kryeministri.

Në fjalimin e tij ai u ndal edhe te kritikat se rezultatet nuk po vijnë mjaftueshëm shpejt, duke theksuar se i kupton pritjet e qytetarëve, por edhe peshën e problemeve të trashëguara.

“Do të doja të kisha një shkop magjik për t’i zgjidhur problemet brenda natës, por nuk e kam. Mund të them se po bëjmë hapa përpara. Të vegjël, ndoshta jo aq të mëdhenj, por të sigurt”, tha Mickoski.

Ai shtoi se qeveria po punon në kushte me shumë sfida dhe probleme të trashëguara, por se çdo energji e investuar dhe çdo sakrificë për një të ardhme më të mirë të qytetarëve ia vlen.

Kryetari i BDI-së, Ali Ahmeti, ka marrë pjesë në Kuvendin Zgjedhor të degës së partisë në Karposh, ku ka vlerësuar organizimin dhe përkushtimin e anëtarësisë ndaj vlerave mbi të cilat, sipas tij, është ndërtuar rrugëtimi politik i Bashkimit Demokratik për Integrim.

Në fjalimin e tij, Ahmeti u ndal te historia dhe sfidat me të cilat janë përballur shqiptarët e Karposhit ndër vite, duke kujtuar periudhat kur ata ishin të ekspozuar ndaj padrejtësive, presioneve dhe përpjekjeve për margjinalizim.

“Karposhi mban në kujtesën e tij kohë jo të lehta, kur shqiptari përballej me padrejtësi, me frikë dhe me përpjekje të vazhdueshme për t’u margjinalizuar. Por asnjëherë nuk u dorëzua. Përkundrazi, nga ato sfida lindi vendosmëria për të qëndruar dhe për të mbrojtur dinjitetin”, tha Ahmeti.

Lideri i BDI-së theksoi se të arriturat e shqiptarëve nuk kanë ardhur rastësisht, por janë rezultat i sakrificës së gjeneratave të tëra.

“Asgjë nuk na është dhuruar. Çdo e drejtë, çdo avancim dhe çdo sukses mban vulën e sakrificës së brezave të tërë. Në këtë rrugëtim, BDI ka qenë organizimi politik që ka artikuluar, mbrojtur dhe avancuar kërkesat legjitime të shqiptarëve”, deklaroi ai.

Ahmeti bëri thirrje për ruajtjen e unitetit dhe vazhdimin e angazhimit politik me vizion e përgjegjësi, duke theksuar se Karposhi mbetet një dëshmi e qëndresës dhe e aftësisë së shqiptarëve për të ndërtuar të ardhmen e tyre me dinjitet.

Sipas tij, përgjegjësia e brezit të sotëm është të ruajë trashëgiminë politike dhe kombëtare, duke vazhduar rrugën përpara me besim dhe përkushtim.