Sport

Aulon Kurtishi, një talent që premton të ardhme në futboll

Sukseset e Aulon Kurtishit nuk kanë të ndalur. Futbollisti 16-vjeçar i Akademisë së Futbollit Shkëndija nga Tetova po dëshmon dita.ditës se është një nga talentet më premtues të futbollit të ri shqiptar në Maqedoninë e Veriut.

Pas shpalljes kampion me gjeneratën U16 të Shkëndijës në Superligën e Maqedonisë, Auloni festoi edhe një sukses tjetër të madh kur ai u kurorëzua kampion në turneun ndërkombëtar “Future of Football U17\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\” të zhvilluar në Tiranë dhe të organizuar nga Mati Sport, ku morën pjesë akademi dhe klube të njohura nga rajoni.

Në finalen e turneut U17 Shkëndija triumfoi ndaj ekipit të Vorës nga Shqipëria me rezultat 2:0, duke ngritur lart trofeun e kampionit. Ky sukses ishte një tjetër dëshmi e punës, përkushtimit dhe talentit që karakterizon Aulon Kurtishin.

Hapat e parë në futboll Auloni i hodhi në klubin “Skënderbeu”, nën drejtimin e trajnerit Bashkim Bakiu. Falë talentit dhe angazhimit të tij, ai vazhdoi zhvillimin te Shkëndija e Tetovës, ku u shndërrua në një nga lojtarët më të rëndësishëm të ekipit.

Auloni luan kryesisht në pozitën e sulmuesit të krahut të djathtë, por me sukses aktivizohet edhe si qendërsulmues. Paraqitjet e tij të shkëlqyera, golat e shumtë dhe loja dinamike kanë tërhequr vëmendjen e trajnerëve, ndërsa ai vazhdon të tregojë potencial të jashtëzakonshëm në çdo ndeshje.

Megjithatë, ëndrra e Aulonit nuk përfundon me këto trofe. Ai synon të arrijë majat e futbollit evropian dhe një ditë të veshë fanellën e skuadrave më të mëdha në botë.

Aktualisht, Auloni vazhdon të punojë me profesionalizëm dhe përkushtim maksimal, duke pasur mbështetjen e madhe të familjes, trajnerëve dhe të gjithë atyre që besojnë në talentin e tij.

Shumë e përshkruajnë me fjalët: “Një talent që rrallë e njeh futbolli”.
Në linkun më poshtë mund të shifni qartë se për çfar futbollisti flitet ⬇️

Urime kampionit Aulon Kurtishi dhe shumë suksese në rrugëtimin e tij drejt futbollit profesionist!

Sport

Nuk ka fitues në Atlanta, Çekia dhe Afrika e Jugut ndajnë pikët në një barazim që nuk i shërben askujt

Republika Çeke dhe Afrika e Jugut kanë ndarë pikët në ndeshjen e dytë të Grupit A, në një barazim 1-1.

Takimi i luajtur në Atlanta nisi mjaft mirë për çekët që kaluan në avantazh në minutën e 6’ të takimit me anë të Sadilek, pas një aksioni mjaft të bukur.

Barazimi erdhi 7 minuta nga fundi, kur Mokoena ktheu në gol një 11-metërsh.

Kështu, Çekuia dhe Afrika e Jugut marrin pikën e parë, ndërsa tashmë do i duhet fitore në ndeshjet e fundit për t’u kualifikuar.

Rezultati:

Republika Çeke 1-1 Afrikë e Jugut

Sadilek 6′ / Mokoena (P) 83′

Sport

Angli – Kroaci, publikohen 11-shet startuese: Kane udhëheq anglezët, Dalić mbështetet te Modrić

Gjithçka është bërë gati për duelin mes Anglisë dhe Kroacisë, teksa të dyja kombëtaret nisin rrugëtimin e tyre në Kupën e Botës 2026 me këtë përballje të parë.

Thomas Tuchel ka zgjedhur që sulmin e Anglisë ta udhëheqë kapiteni Harry Kane, ndërsa në mbështetje të tij do të jenë Jude Bellingham, Noni Madueke dhe Anthony Gordon.

Në repartin qendror të mesfushës nga minuta e parë aktivizohen Declan Rice dhe Elliot Anderson, ndërsa prapa, linja mbrojtëse ka si pikë referimi John Stones.

Nga ana tjetër, Kroacia e drejtuar nga Zlatko Dalić vijon t’i besojë eksperiencës së Luka Modrić.

Mesfushori 40-vjeçar do ta prijë ekipin në këtë debutim botëror, me Perišić, Baturina dhe Pašalić që do ta ndihmojnë në fazën sulmuese.

Parashikohet një përballje shumë interesante mes dy përfaqësueseve, të cilat synojnë ta nisin me triumf aventurën e tyre në Botërorin e Amerikës së Veriut.

Anglia: Pickford – James, Stones, Konsa, O’Reilly – Anderson, Rice – Madueke, Bellingham, Gordon – Kane.

Kroacia: Livaković – Šutalo, Vušković, Gvardiol – Stanišić, Modrić, P. Sučić, Perišić – Mario Pašalić, Baturina – Musa.

Lajme

Messi shkruan histori me het-trik, Argjentina nis mbrojtjen e titullit me fitore të thellë

Argjentina e ka nisur me fitore fushatën në Kupën e Botës, duke mposhtur Algjeria me rezultat 3-0 në ndeshjen e Grupit J të zhvilluar në Kansas City.

Heroi i takimit ishte kapiteni Lionel Messi, i cili realizoi të tre golat në minutat 17, 60 dhe 76, duke udhëhequr kampionët në fuqi drejt një fillimi perfekt në turne.

Ndeshja nisi me ritëm të lartë, me dy gola të anuluar brenda tetë minutave të para. Fillimisht Messi shënoi në minutën e 4-t, por goli u anulua për pozicion jashtë loje, ndërsa pak më vonë Fares Chaïbi shënoi për Algjerinë, por goli i tij u anulua gjithashtu.

Në minutën e 17-të, Argjentina kaloi në avantazh. Rodrigo De Paul asistoi për Messin, i cili u fut në zonë dhe realizoi me një goditje të saktë nga rreth 17 metra.

Me këtë gol, të 14-tin e tij në historinë e Kupave të Botës, Messi iu bashkua emrave si Kylian Mbappé dhe Gerd Müller në listën e golashënuesve më të mirë historikë të turneut.

Në pjesën e dytë, Argjentina e vulosi fitoren. Në minutën e 60-të, pas një tentative të Alexis Mac Allister që u devijua nga portieri Luca Zidane, Messi ishte i pari në top dhe e dërgoi në rrjetë për 2-0.

Ky ishte goli i tij i 15-të në Kupën e Botës, duke e barazuar me Cristiano Ronaldon në listën historike të realizuesve.

Het-triku u kompletua në minutën e 76-të, pas një kombinimi me Nicolás González, kur Messi realizoi bukur nga kufiri i zonës për 3-0 final.

Në minutën e 79-të, trajneri Lionel Scaloni e zëvendësoi Messin, ndërsa i gjithë stadiumi e përcolli me duartrokitje.

Përveç fitores, Messi vendosi edhe rekorde historike: arriti 200 paraqitje me kombëtaren dhe u bë lojtari i parë që luan në gjashtë Kupa Bote të ndryshme.

Argjentina e nis kështu me dominim të plotë mbrojtjen e titullit botëror.