Lajme

Shkupjani ther për vdekje babain e alkoolizuar, e pa duke ja sulmuar fizikisht nënën

Një 31-vjeçar nga Shkupi është arrestuar nën dyshimin se ka vrarë babanë e tij me thikë, pasi ky i fundit, sipas policisë, kishte sulmuar fizikisht bashkëshorten në shtëpinë familjare.

Sipas Ministrisë së Punëve të Brendshme, transmeton SHENJA, ngjarja ka ndodhur mbrëmjen e 12 korrikut, rreth orës 22:35, në territorin e Stacionit Policor “Bit Pazar”. Viktima, E.L. (52), i cili sipas denoncimit ishte nën ndikimin e alkoolit, fillimisht ka sulmuar fizikisht bashkëshorten e tij 54-vjeçare, nënën e të dyshuarit.

Pas kësaj, djali i tij, B.Xh. (31), dyshohet se e ka goditur me thikë, duke i shkaktuar plagë vdekjeprurëse.

Policia e ka arrestuar 31-vjeçarin rreth orës 23:00, ndërsa gruaja 54-vjeçare është dërguar në Spitalin “Shën Naumi i Ohrit” për të marrë ndihmë mjekësore.

Me urdhër të prokurorit publik, trupi i viktimës është dërguar për obduksion, ndërsa pas dokumentimit të plotë të rastit do të ngrihet kallëzim përkatës ndaj të dyshuarit.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk