Connect with us

Lajme

Dëshmitari i Prokurorisë del në favor të Bajramit e Grubit

Dëshmitari i Prokurorisë në rastin “Lotaria”, Vllado Petkovski, është shpallur dëshmitar armiqësor pasi në dëshminë e tij dha përgjigje që favorizojnë të akuzuarit Përparim Bajrami dhe Artan Grubi.

Petkovski, drejtor sektori për lojërat e fatit në Lotarinë Shtetërore, tha se Bajrami kishte pasur qasje proaktive dhe kishte sjellë projekte të reja.

Për paraardhësen e tij, Katica Nikollovska, ai tha se nuk kishte bërë asgjë.

Sa i përket furnizimit me aparate VLT, Petkovski deklaroi se kishte marrë pjesë personalisht në procedurë dhe se ajo nuk kishte qenë kontestuese.

Kjo deklaratë bie ndesh me tezën e Prokurorisë se furnizimi ishte i panevojshëm dhe i kishte shkaktuar dëm buxhetit prej 9.7 milionë eurosh.

Petkovski tha gjithashtu se në Lotarinë Shtetërore ishte diskutuar mundësia që ajo vetë të organizonte lojëra elektronike të fatit.

Sipas tij, para furnizimit me VLT aparate ishin përgatitur dokumente, studim fizibiliteti, hulumtim tregu, si dhe ishin marrë mendime nga Ministria e Financave dhe Qeveria.

“Qëllimi ishte që i gjithë fitimi të mbetej te Lotaria Shtetërore dhe të mos ndahej me të tjerët”, deklaroi Petkovski para gjykatës.

Pas këtyre përgjigjeve, Prokuroria hoqi dorë nga dëshmitari, por kërkoi që ai të merrej në pyetje përmes pyetjeve të kryqëzuara, ndërsa avokati i Grubit, Goce Ristevski, tha se dëshmia e konfirmon tezën e mbrojtjes.

Seancat e radhës do të vazhdojnë me dëgjimin e gjashtë dëshmitarëve të tjerë, ndërsa tetë të akuzuarit përballen me akuzën për keqpërdorim të detyrës zyrtare, vepër për të cilën parashihet dënim prej një deri në pesë vjet burg.

Click to comment

Leave a Reply

Your email address will not be published. Required fields are marked *

Lajme

Ramizi nga Haraçina dhuron truallin në Gjermani për xhaminë

Ramiz Tahiri nga fshati Haraçinë i Shkupit ka dhënë shembull pozitiv duke dhuruar tokën e tij 3.200 katrorë, që e posedon në Gjermani, për ndërtimin e një xhamie, poashtu në shtetin gjetman.

Ai dhuratën, dedikuar vajzave të tij, e ka dhuaruar në aksionin e organizuar për grumbullimin e mjeteve për ndërtimin e një xhamie të re, shkruan portali Lideri.mk, duke shprehur dëshirë që kjo tokë të jetë “vakëf” për xhaminë.

Ramizi edhe vetë është teolog, shok i studimeve me hoxhën e njohur nga Shqipëria, Ahmed Kalaja, i cili e ka uruar për këtë gjest.

‘Ramizi shoku vllai im i studimeve dhuroi për hatrin e Zotit si wakuf për Xhamin atje kur bëmë thirrje në Gjermani; 3200 metër katror tokë.

Zoti ta kompesofte me tokë xheneti vlla; edhe mbarësi e bekime në familje e fëmij e ça të të doje e mira zemër!

Krenar me ty vlla!’, ka shkruar hoxhë Kalaja, duke shprehur krenarinë e tij me shokun e studimeve.

Continue Reading

Lajme

Bujar Osmani: Alta Banka është bankë e parave të zeza në Serbi

Nënkryetari i BDI-së, Bujar Osmani, ka akuzuar VLEN-in se po përpiqet të zhvendosë vëmendjen nga çështja e Alta Bankës, duke e cilësuar këtë të fundit si bankë të lidhur me paratë e zeza në Serbi dhe regjimin e mëparshëm.

Në emisionin “VERDICT” në TVM2, Osmani pretendoi se kishte pasur përpjekje përmes kësaj banke që Serbia të shtrinte ndikimin e saj ekonomik në Maqedoninë e Veriut, ndërsa tha se vendime politike e kishin mundësuar këtë proces.
Ai kritikoi VLEN-in për mënyrën se si është përfshirë në debat, duke thënë se përfaqësuesit e kësaj partie janë bërë zëdhënës të një procesi për të cilin, sipas tij, mund të mos kenë pasur as dijeni.
“Pse këta lejuan, këta të VLEN-it lejuan që ta fusin debatin këndej te shqiptarët duke u bërë zëdhënës të një procesi të cilët, ndoshta edhe kanë qenë të përzier, nuk mund ta them, po ma merr mendja se as që i kanë pyetur, as që e kanë ditur”, deklaroi Osmani.
I pyetur nga gazetari Artan Nuhiu nëse ka pasur përfitime nga ndonjë shqiptar përmes kompanisë “AS Senjak”, për të cilën VLEN pretendon se është në pronësi të krushkut të Ali Ahmetit dhe se ka blerë aksione në Stopanska Banka Manastir në vitin 2024, për t’ia shitur më pas Alta Bankës, Osmani i mohoi këto pretendime.
Ai i cilësoi këto informacione si lajme të rreme dhe pretendoi se janë përdorur për të larguar vëmendjen nga pakënaqësia e qytetarëve lidhur me çështjen e Alta Bankës.
“Edhe të gjitha këto informacione ishin lajme të rreme, të cilat ata kishin për qëllim t’i hedhin, për të krijuar një perde tymi, me qëllim që revolti i madh i njerëzve që u krijua pas asaj që ndodhi me Alta Bankën, të defokusohet”, u shpreh Osmani.

Continue Reading

Lajme

Ali Ahmeti kërkon zgjedhje të parakoshme: E vetmja zgjidhje për vendin janë zgjedhjet

Kryetari i Bashkimit Demokratik për Integrim (BDI), Ali Ahmeti, ka deklaruar për TV21 se zgjidhja e vetme për situatën në vend është mbajtja e zgjedhjeve të parakohshme parlamentare, përcjell Zyrtare.net

Ahmeti tha se edhe kryeministri Hristijan Mickoski ka paralajmëruar ditë të vështira për vendin, duke vlerësuar se zgjedhjet e parakohshme janë mënyra e vetme për të qenë më afër zhvillimeve që mund të ofrojnë zgjidhje për qytetarët.

“Zgjidhja e vetme për vendin është shkuarja në zgjedhje të parakohshme. Vetë kryeministri Mickoski tha se na presin ditë të vështira. Kështu që, për të qenë sa më afër zhvillimeve që ofrojnë zgjidhje për qytetarët, e vetmja zgjidhje janë zgjedhjet e parakohshme”, deklaroi Ahmeti për TV21./Zyrtare.net

Continue Reading

TË FUNDIT

Lajme4 hours ago

Ramizi nga Haraçina dhuron truallin në Gjermani për xhaminë

Ramiz Tahiri nga fshati Haraçinë i Shkupit ka dhënë shembull pozitiv duke dhuruar tokën e tij 3.200 katrorë, që e...

Lajme4 hours ago

Bujar Osmani: Alta Banka është bankë e parave të zeza në Serbi

Nënkryetari i BDI-së, Bujar Osmani, ka akuzuar VLEN-in se po përpiqet të zhvendosë vëmendjen nga çështja e Alta Bankës, duke...

Lajme4 hours ago

Ali Ahmeti kërkon zgjedhje të parakoshme: E vetmja zgjidhje për vendin janë zgjedhjet

Kryetari i Bashkimit Demokratik për Integrim (BDI), Ali Ahmeti, ka deklaruar për TV21 se zgjidhja e vetme për situatën në...

Lajme7 hours ago

Lirohen çmimet e derivateve të naftës

Çmimet me pakicë të derivateve të naftës në Maqedoninë e Veriut do të ulen mesatarisht për 2,43 për qind, sipas...

Lajme7 hours ago

Kondova paguan, por mbetet në terr! Banorët kërkojnë llogari nga Komuna e Gjorçe Petrovit

Banorët e fshatit Kondovë i janë drejtuar zyrtarisht Komunës së Gjorçe Petrovit dhe kryetarit Aleksandar Stojkoski, me kërkesë për vendosjen...

Lajme7 hours ago

Tetova bëhet gati për festat e fundvitit, ja cilat hapësira do të zbukurohen!

Komuna e Tetovës ka planifikuar një sërë aktivitetesh për zbukurimin e qytetit në prag të festave të fundvitit, me synimin...

Lajme1 day ago

Prej nesër rriten temperaturat, deri të enjten arrijnë në 23 gradë

DPHM paralajmëron se vijon periudhë e motit të ndryshueshëm me vranësira me reshje të kohëpaskohshme të shiut me intensitet të...

Lajme1 day ago

Bilall Kasami viziton Xhaminë e Zagrebit: Ajo është bërë shtëpi edhe për shqiptarët e Kroacisë

Kryetari i Komunës së Tetovës, Bilall Kasami, gjatë vizitës së tij në Kroaci ka qëndruar edhe në Xhaminë e Zagrebit,...

Lajme1 day ago

Përshefca në zi, qytetarë të shumtë i japin lamtumirën e fundit Agron Memedit

Sot, të gjitha rrugët çonin drejt Përshefcës së Tetovës, ku u zhvillua ceremonia mortore e ish-futbollistit Agron Memedi, i cili...

Lajme1 day ago

Faruk Nevzati: Shqiptarët shumicë në 13 komuna të Rajonit të Shkupit

Analisti Faruk Nevzati ka publikuar një analizë historike dhe demografike për pozitën e shqiptarëve në Rajonin e Shkupit, duke vënë...

Trending