Lajme

Kush janë “fast-food”-et apo shitësit e hamburgerave që fitojnë më së shumti në Maqedoni?

“Plaset – Doner and Burger” dhe “Sanduiçara – 7” nga Shkupi janë industritë më të mëdha dhe më të suksesshme të ushqimit të shpejtë në Maqedoninë e Veriut, sipas fitimit të arritur për vitin e kaluar.

Dy “shitësit” e hamburgerëve po bëhen rivalë në garë, pasi vitin e kaluar kanë pasur fitime identike, analizon portali Faktor.

“Plaset – Donner and Burger” kishte 67 punëtorë të regjistruar në vitin 2023, ndërsa “7” me 95.

“Plaset” posedon dy furra buke, një mishtore dhe një hotel, përveç dy pikave të shitjes në Bunjakovec, ka edhe një në qendër të Shkupit, një në Çair dhe disa në qendra tregtare në kryeqytet dhe në Tetovë. Ka rritje të të ardhurave prej 37 për qind dhe fitim prej 122 për qind. “7” ka vetëm katër pika në Qendër, Karposh, Aerodrom dhe Gazi Babë, si dhe një punëtori në Kisella Vodë.

Në vendin e tretë për nga fitimi është “Royal Philandre”, kompania që zotëron “Royal Burger” në Shkup.

Në Top-5 dyqanet më të njohura të sanduiçëve janë “Khan International” dhe “Tab Limited”, të cilët ende e shfaqën vitin 2023 me humbje. “Tab Limited”, e cila zotëron ekskluzivitetin për piceritë “King Burger”, “Usta Donerji” dhe “Sbarro”, ka të ardhurat më të larta nga të gjitha, dhe gjithashtu një numër të madh punonjësish – 178. Ka deri në 18 pikat e shitjes, nga të cilat më të njohurat janë në aeroportin e Shkupit, sheshi i Shkupit, qendrat tregtare të Shkupit dhe dy në Tetovë.

Khan International zotëron ekskluzivitetin e KFC. Të gjashtë pikat e shitjes që i posedon janë në Karposh, dy në Gazi Babë, Butel, Aerodrom dhe Tetovë dhe shumica e tyre janë në qendra tregtare. (INA)

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net