Lajme

Erdogan: Turqia e fuqishme ushtarakisht mund të parandalojë b*utalitetin izraeIit ndaj paIestinezëve

Presidenti turk Rexhep Tajip Erdogan ka thënë se Turqia mund të parandalojë sulmet brutale të Izraelit ndaj palestinezëve, ndërsa Ankaraja po bëhet gjithnjë e më e fortë në industrinë e mbrojtjes, raporton trtworld.

Duke folur në qytetin e tij të lindjes në provincën verilindore të Rizes të dielën, Erdogan theksoi përparimet e Turqisë në industrinë e mbrojtjes dhe shprehu besimin në përparimin e mëtejshëm.

“Ashtu siç hymë në Karabak, ashtu siç hymë në Libi, ne mund t’u bëjmë të njëjtën gjë atyre. Nuk ka arsye për të mos e bërë këtë. Ne vetëm duhet të jemi të fortë që të mund të ndërmarrim këto hapa”, tha Erdogan.

Erdogan përsëriti gjithashtu se Turqia ka ndërprerë të gjitha marrëdhëniet e saj tregtare dhe diplomatike me Tel Avivin në përgjigje të mizorive të Izraelit në Gaza.

Lidhur me vizitën e presidentit të Autoritetit Kombëtar Palestinez, Mahmud Abbas në Turqi, Erdogan deklaroi se Ankaraja e kishte ftuar atë, por Abbas nuk mundi t’i përgjigjej pozitivisht ftesës.

“Ne do të kryejmë procesin e ardhshëm në përputhje me rrethanat”, shtoi Erdogan. /SHENJA/

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net