Policia po heton një incident të rëndë me armë zjarri që ndodhi në Saraj të Shkupit.

Sipas informacioneve që ka siguruar Tetovasot, më 18.10.2026, rreth orës 09:30, një person hapi zjarr në drejtim të M.I., i cili ndodhej në automjetin e tij Volkswagen Touran.

Nga xhamat e thyer të automjetit, M.I. pësoi lëndime në dorë, ndërsa në vendngjarje policia gjeti katër gëzhoja pistolete.

Tetovasot raporton se po punohet intensivisht për identifikimin dhe arrestimin e autorit.

Çmimi i benzinave pas mesnate do të lirohet për 2,5 denarë për litër, përcjell TV21. Sipas vendimit të fundit të Komisionit Rregullator të Energjetikës, çmimi i naftës dhe vajit ekstra të lehtë do të shtrenjtohet për 2 denarë për litër.

Çmimet sipas vendimit të fundit të KRRE-së:

Nafta – 99,0 den/l

Benzina BS-98 – 100,5 den/l

Benzina BS-95 – 98,5 den/l

Vaji ekstra i lehtë – 110,5 den/l

“Provimi i jurisprudencës në gjuhën shqipe është një arritje e madhe, po thyhet një barrierë”, ka deklaruar Mevlan Ademi, njëri nga iniciatorët e protestave studentore për mundësimin e provimit të jurisprudencës në gjuhën shqipe.

Deklarata e Ademit vjen pas njoftimit të ministrit të Drejtësisë, Jeton Shasivari, se është prezantuar zgjidhja ligjore që do të mundësojë mbajtjen e provimit edhe në gjuhën shqipe.

Shasivari deklaroi se po numëron ditët deri në heqjen e barrierës gjuhësore 35-vjeçare. Ndërkaq, për studentët shqiptarë të drejtësisë, kjo çështje ishte prej vitesh objekt kërkesash dhe protestash.