Sport

Rikthehet Champions-i, e gjithë vëmendja te Real Madrid – Milan

Në raundin e katërt të Champions League zhvillohet një sfidë mes dy skuadrave që kanë bërë historinë e këtij kompeticioni. Në tempullin “Santiago Bernabeu”, Reali i Madridi, “Mbret” i Evropës, do të presë Milanin, skudër italiane që e ka fituar më së shumti këtë trofe (7).
Interesant fakti që Reali dhe Milani janë në ekuilibër të plotë në përplasjet historike në këtë kompeticion: 6 fitore, 3 barazime dhe 6 humbje për secilën skuadër.

Në këtë edicion, Reali ka gjashtë pikë kundrejt tri të Milanit, i cili e kaloi ngërçin duke mposhtur 3-1 Bruges pas dy humbjeve të pësuara nga Liverpooli dhe Bayer Leverkuseni.

Ndeshje spektakolare, por njëkohësisht me koeficient të lartë vështirësie për kuqezinjtë, të cilët fituan me shumë vuajtje në Monza. Reali i Madridit vjen pas një fundjave pushim, pasi nuk ka luajtur në fundjavë.

Mbetet për t’u parë nëse “Los Blancos” do të arrijnë të rrëzojnë një tabu të vogël që është materializuar në këtë edicion të turneut.

E çuditshme por e vërtetë: kundër Shtutgartit, Lilles dhe Borussias së Dortmundit, në fakt, Mbappé dhe shokët e tij nuk shënuan kurrë në pjesën e parë.
Nga ana e tij, Milani do të përpiqet të marrë të paktën një barazim në kryeqytetin spanjoll.

Përveç lojtarëve më të reklamuar, si Mbappé dhe Vinicius Jr (tre gola për brazilianin në këtë event), Milani do të duhet t’i kushtojë vëmendje dikujt që nuk është një sulmues. Ky është Antonio Rudiger. Po, ish-lojtari i Romës shënoi kundër Stuttgartit dhe Borussias së Dortmundit, sërish në pjesën e dytë. Me fjalë të tjera, Reali është “Galaktik” në çdo repart.

Sport

Indrit Çullhaj shpallet Kampion i Ballkanit, ngre sërish flamurin kuqezi në majën e podiumit

Xhudisti shqiptar Indrit Çullhaj ka shkruar një tjetër kapitull të artë në sportin shqiptar, duke u shpallur Kampion i Ballkanit pas një paraqitjeje mbresëlënëse në Kampionatin Ballkanik.

Çullhaj dominoi garën nga fillimi deri në fund, duke mposhtur radhazi kundërshtarët nga Kosova, Rumania dhe Greqia, ndërsa në finalen e madhe triumfoi ndaj përfaqësuesit të Malit të Zi, duke fituar me meritë medaljen e artë në kategorinë e tij.

Pas këtij suksesi të jashtëzakonshëm, kampioni shqiptar shprehu mirënjohjen për familjen e tij, Federatën Shqiptare të Xhudos, trajnerët dhe të gjithë ata që e kanë mbështetur gjatë rrugëtimit drejt këtij triumfi.

Kjo medalje e artë shënon një tjetër arritje historike për Çullhajn, i cili bëri që flamuri kuqezi të ngrihej për herë të katërt falë medaljeve të fituara prej tij në Kampionatet Ballkanike, duke konfirmuar edhe një herë se është një nga xhudistët më të suksesshëm që ka përfaqësuar Shqipërinë në arenën ndërkombëtare.

Triumfi i Indrit Çullhajt përfaqëson jo vetëm një sukses personal, por edhe një krenari të madhe për sportin shqiptar, duke dëshmuar se puna, përkushtimi dhe sakrifica shpërblehen me rezultate në skenën ndërkombëtare.

Sport

Shqiptari që mahniti Bayernin, Arijon shkëlqen me dy gola e tri asistime

19-vjeçari spikati në fitoren 15:0 ndaj Rottach-Egern, ndërsa Kosova vazhdon përpjekjet për ta bindur ta veshë fanellën dardane, transmeton albinfo.ch.

Talenti shqiptar Arijon Ibrahimoviç ka dhuruar një paraqitje mbresëlënëse në ndeshjen miqësore të Bayern Munich, duke qenë një nga lojtarët më të dalluar në fitoren e thellë 15:0 ndaj Rottach-Egern.

19-vjeçari realizoi dy gola dhe dhuroi tri asistime, duke konfirmuar potencialin e tij të madh dhe duke lënë përshtypje të shkëlqyera edhe te trajneri Vincent Kompany.

Paraqitja e tij ka forcuar bindjen se Ibrahimoviç është një nga talentët më premtues shqiptarë në futbollin evropian dhe se e ardhmja e tij mund të jetë në nivelet më të larta të futbollit.

Ndërkohë, Federata e Futbollit e Kosovës vazhdon kontaktet me lojtarin dhe familjen e tij, me synimin që ai në të ardhmen të zgjedhë ta përfaqësojë Kosovën në arenën ndërkombëtare.

Me formën që po tregon te Bayerni, Arijon Ibrahimoviç shihet si një futbollist me potencial për t’u shndërruar në një nga yjet e së ardhmes së futbollit evropian./Albinfo.ch

Lajme

“Bomba” e merkatos: Mevlan Adili transferohet te Shkëndija e Haraçinës

Shkëndija e Haraçinës vazhdon të përforcohet për sezonin e ri, teksa ka zyrtarizuar transferimin e mbrojtësit me përvojë, Mevlan Adili.

Pas negociatave të zhvilluara ndërmjet palëve, drejtuesit e skuadrës debutuese në elitën e futbollit vendor arritën ta bindin futbollistin shkupjan që të veshë fanellën kuqezi.

Adili vjen nga kampionati i Kosovës, ku së fundmi ishte pjesë e Gjilanit. Gjatë karrierës së tij ai ka ndërtuar një eksperiencë të pasur, duke mbrojtur ngjyrat e disa klubeve të njohura, si Shkëndija e Tetovës, Bylisi, Vllaznia, Shkupi, Žalgirisi dhe UTA Arad.

Me afrimin e 31-vjeçarit, Shkëndija e Haraçinës synon të fitojë më shumë siguri në repartin defensiv dhe të përfitojë nga përvoja e tij në sezonin e parë në elitën e futbollit. /SHENJA/