Lajme

Gjuha shqipe mbizotëroi në preskonferencën e Kurtit dhe Mickoskit

Gjuha shqipe nuk ka qenë kurrë gjuhë zyrtare në Maqedoni të Veriut. Atje nuk ka ligj për gjuhën shqipe, por ka ligj për përdorimin e gjuhëve që e flasin 20% e popullsisë. Kështu u shpreh kryeministri Albin Kurti në konferencën për media, pas mbledhjes së përbashkët ndërqeveritare me RMV-në, i pyetur se a po rrezikohet shqipja në Maqedoni të Veriut.

ALBIN KURTI, KRYEMINISTËR I KOSOVËS

“Ju e dini që në Kosovë, ndonse shqiptarë janë rreth 93%, 4% i kemi serb, edhe serbishtja është gjuhë zyrtare. Por në Maqedoninë e Veriut nuk mund të thuhet që na paska qenë shqipja gjuhë zyrtare e tash po u rrezikoka”.

Ndërsa kryeministri i RMV-së rikujtoi se gjykatësit kushtetues të cilët do të vendosim për ligjin e gjuhëve janë zgjedhur nga përbërja e kaluar BDI-LSDM.

HRISTIJAN MICKOSKI, KRYEMINISTËR I RMV-SË

“Ata gjykatës që aktualisht janë gjykatës kushtetuese janë zgjedhur nga shumica BDI dhe LSDM dhe unë sinqerisht nuk e di përse është kjo përshtypje se ne ndikojmë apo jemi të gjithëpushtetshëm se i kontrollojmë të gjitha partitë politike në Maqedoni”.

Kryeministrat përmendën edhe rrugët Shkup -Bllacë dhe Tetovë-Prizren.

ALBIN KURTI, KRYEMINISTËR I KOSOVËS

“Ne mirëpresim përfundimin e autostradës nga Bllaca për në Shkup më në fund 10 kilometrat e mbetur që do të lidhte autostradën e Maqedonisë së Veriut dhe atë Arbër Xhaferi dhe së bashku të angazhohemi për jetësimin e tunelit që lidh Prizrenin me Tetovën, angazhim tash më i marrë nga dy vende tjera”.

Ndërkaq, kryeministri Hristijan Mickoski pritjen e delegacionit të RMV-së e quajti të jashtëzakonshme dhe me të gjitha nderimet shtetërore.

HRISTIJAN MICKOSKI, KRYEMINISTËR I RMV-SË

“Me lejoni te shpreh falenderimet për pritjen jashtëzakonisht të mirë nga ana juaj me të gjitha nderimet që si Qeveri na i bëtë”.

Sa i përket thirrjeve për “shpëtim” të gjuhës shqipe, zëvendës kryeministri Izet Mexhiti, tha se në RMV nuk ka patur ligj për përdorimin e gjuhës shqipe, por ligj për gjuhën që e flasin mbi 20% e qytetarëve të Maqedonisë.

IZET MEXHITI, ZV/KRYEMINISTWR I RMV-SW

“E dyta, nuk rrezikohet nga Qeveria e Maqedonisë, por ka një iniciativë në Gjykatën Kushtetuese, ku 9 gjykjatës janë zgjedhur nga Qeveria LSDM-BDI. Pra, problemin e bëjnë gjykatësit që kanë mandat nga shumica e kaluar”.

Në mbledhjen e dy qeverive janë nënshkruar edhe tre marrëveshje, vendosja e një pike të vetme kufitare në Jazhinc- Glloboçic, Han i Elezit-Bllacë, si dhje nje marrëveshje për energjetikë dhe një për arsim.

Kjo mbledhje ndërqeveritare përkoi me shënimin e 15 vjetorit të vendosjes së raporteve diplomatike mes Kosovës dhe Maqedonisë së Veriut. Gjatë kësaj periudhe janë nënshkruar mbi 50 marrëveshje e memorandume.

Përndryshe Kurti bëri të njohur se vetëm nëntë muaj lëvizja e qytetarëve nga te dyja anët të RMV-së dhe Kosovës, ka kaluar shifren e 5 milion.

Lajme

EVN: Vjedhje e energjisë elektrike me vlerë mbi 22,000 euro u zbulua në Kodrën e Diellit

EVN-Maqedoni ka bërë të ditur se në koordinim me Policinë e Tetovës dhe ekipet e tyre në Qendrën e Energjisë së Konsumatorëve në Tetovë zbuluan përdorim të paautorizuar të energjisë elektrike në një kompleks biznesi në Kodrën e Diellit, shkruan Portalb.mk.

Sipas tyre, gjatë inspektimit është zbuluar përdorim i paligjshëm i energjisë elektrike përmes një kutie lidhëse të kabllove, lidhje e drejtpërdrejt e paautorizuar me një kabllo me tension të ulët (4x16mm2).

“U përpilua një procesverbal për përdorim të paautorizuar. U parashtrua një ankesë për përdorim të paautorizuar të energjisë elektrike në Ministrinë e Brendshme sipas nenit 235-a të Kodit Penal. U përgatit një faturë për kompensim dëmi në shumën prej 1,361,599.00 denarësh apo rreth 22.000 euro”, thonë nga atje.

Gjithashtu edhe nga MPB për Portalb.mk e kanë konfirmuar aksionin policor në Kodrën e Diellit. Nga atje thonë se bashkë me punonjësit e EVN-Maqedoni kanë kryer inspektime mbi dyshimet për vjedhje të energjisë elektrike.

“Më datë 28.03.2026, në periudhën nga ora 15:00-18:00, është kryer kontroll në dy lokacione në Kodrën e Diellit, përkatësisht në një hotel në pronësi të L.Sh.(42) nga fshati Pirok dhe në një market në pronësi të B.M.(31) nga Tetova. Aksioni është realizuar në bashkëpunim me punonjësit e EVN-Maqedoni, të cilët kanë denoncuar veprën penale ‘vjedhje e energjisë elektrike’. Pas inspektimit, punonjësit e EVN-së kanë konstatuar se lokalet nuk posedonin njehsor elektrik, ndërkohë që në ato momente ishin të furnizuara me energji elektrike”, thonë nga MPB.

Pas dokumentimit të plotë të rastit, ndaj pronarëve të objekteve do të dorëzohen parashtresat përkatëse ligjore.

Lajme

Pas rebelimit ndaj VLEN-it, Arben Fetai ka kohë që mungon në punë dhe në seancat qeveritare

“Sa për ironi, zv kryeministri për Qeverisje të Mirë, Arben Fetai nuk paraqitet në punë. Nga Qeveria pa përgjigje konkrete, ata thonë se pyetjet tona duhet t’i adresojmë direkt te Arben Fetai.”

Si trup kolektiv, Qeveria funksionon pa pengesa dhe me kapacitet të plotë. Lidhur me pyetjet që kanë të bëjnë me angazhimin në punë, ju udhëzojmë që direkt t’i adresoni te Arben Fetai”, deklaruan nga Qeveria.

*Qeveria funksionon pa pengesa dhe me kapacitet të plotë
*Lidhur me angazhimun në punë, ju udhëzojmë që direkt t’i adresoni te Arben Fetai

Alsat kërkoi sqarim nga Arben Fetai nëse janë të vërteta këto pretendime, por nuk morëm përgjigje.

Rebelimi i Arben Fetait, vjen pas papajtueshmërive të tij me liderët e VLEN-it, ndërsa është një nga emrat më të përfolur që mund të përfshihet në rikonstruimin e Qeverisë në qershor. Përndryshe, Arben Fetai dhe Azir Aliu u ndanë nga Arben Taravari në maj të vitit 2025 kur ky i fundit braktisi Qeverinë dhe përfundoi në koalicion me BDI-në./Alsat.mk

Lajme

LSDM: Gruevski ka pasaportë hungareze dhe serbe

Nga partia opozitare maqedonase LSDM thonë se, sipas informacioneve të fundit që kanë siguruar, Nikolla Gruevski tashmë posedon pasaporta hungareze dhe serbe.

“Nëse i arratisuri nga drejtësia ka marrë pasaportë serbe dhe hungareze, atëherë është e qartë se pas kësaj qëndrojnë aleatët dhe mbrojtësit e tij politikë, Orban dhe Vuçiç – të cilët i konsiderojmë mentorë politikë të Mickoskit. Mosveprimi i qeverisë dhe refuzimi i vazhdueshëm për të dërguar një kërkesë të re për ekstradim tregon për një përpjekje të qëllimshme për t’i krijuar hapësirë dhe për ta mbrojtur Gruevskin”, thonë nga LSDM.

Ata shtojnë se, ndërkohë që vende të tjera si Polonia veprojnë shpejt në raste të ngjashme, sipas tyre, Mickoski po i jep kohë Gruevskit.

“Mickoski dhe VMRO-DPMNE nuk po ndërmarrin asnjë hap. Ata nuk duan që Gruevski të kthehet në Maqedoni dhe të përballet me drejtësinë. Kjo përbën një mbrojtje klasike të Nikola Gruevskit nga ana e Hristijan Mickoskit”, deklarojnë nga LSDM.