Lajme

Stoilkoviq u takua me përfaqësues të OJQ-ve: Duhet të angazhohemi sepse pozicionimi më i mirë në raportin e KE-së janë prioriteti im

Zëvendëskryetari i Qeverisë së Republikës së Maqedonisë së Veriut dhe ministër për Marrëdhënie ndërmjet bashkësive, Ivan Stoilkoviq sot ka realizuar një takim pune me përfaqësues të organizatave joqeveritare nga të gjitha bashkësitë etnike.

Takimi i organizuar me iniciativë të zëvendëskryeministrit dhe ministrit Stoilkoviq me qëllim të informimit të përfaqësuesve të bashkësive jo shumicë të vendit për planet e ardhshme të Ministrisë për Marrëdhënie ndërmjet bashkësive, gjegjësisht për gjithçka që duhet të realizohet gjatë vitit të ardhshëm 2025, morën pjesë Jana Mihailova nga ZPH Integra Nau, Marija Nikolova nga Pitu Guli dhe Gjorgji Gjorgjiev nga Mandra pjesëtar të bashkësisë etnike vllahe; pastaj Nadir Rexhepi nga Insok; Zoran Dimov nga Qendra Informative e Biznesit Rom dhe Nadire Selman nga Shoqata e Grave Rome – Esma nga bashkësia etnike Rome; Vasilka Kitanoviq nga Qendra Kulturore Serbe, Primislav Stanoeviq dhe Momçilo Veliq nga KUD “Sveti Sava prvi” dhe Gordana Joviq-Stojkovska dhe Zoran Zhugiq nga komuniteti serb në Maqedoni të Veriut si pjesë e bashkësisë serbe; Izeta Babaçiq nga Divanhava nga komuniteti boshnjak dhe Melek Adem nga Zor Dernek dhe Shenol Tahir nga Hid-bah-shen si pjesë e bashkësisë etnike turke.

Në fokus të bisedës ndër të tjera ishin edhe çështjet dhe sfidat me të cilat ballafaqohen bashkësitë më të vogla etnike në vend, ndërsa takimi u mbajt në një atmosferë konstruktive ku u shkëmbyen mendime dhe qëndrime për projektet e mundshme për të cilat duhet punuar si dhe fakti se bashkëpunimi është jashtëzakonisht i rëndësishëm për përmirësimin e pozitës së tyre dhe përhapjen e frymës shumë etnike si dhe forcimin e bashkëpunimit me sektorin civil, përmirësimin e dukshmërisë dhe transparencës së shoqatave dhe forcimin e marrëdhënieve të partneritetit me autoritetet kompetente në Republikën e Maqedonisë së Veriut, vetëqeverisjet lokale dhe organizatat joqeveritare.

Zëvendëskryeministri dhe ministri Stoilkoviq i ka informuar përfaqësuesit e OJQ-ve me planet e ardhshme të ministrisë për Marrëdhënie ndërmjet bashkësive, gjegjësisht me faktin se sipas buxhetit për vitin e ardhshëm, të gjitha bashkësitë etnike pritet të marrin mjete të barabarta për të festuar ditët e tyre kombëtare, me fokus – shënimin e përparimit në raportin e KE-së në fushën e respektimit të të drejtave të bashkësive më të vogla.

“Unë pres projekte të qëndrueshme sepse improvizimet nuk do të tolerohen. Do të formohet një komision i cili në bashkëpunim me KE-në dhe OSBE-në si mbështetës do ta kontrollojë këtë proces dhe për këtë arsye ministria për Marrëdhënie ndërmjet Bashkësive është në dispozicionin tuaj përmes asistencës profesionale me qëllimin e vetëm për të përfituar projektet e qëndrueshme që do të nënkuptojnë përparim dhe pozicion të mirë në raportin e KE-së”, ka theksuar zëvendëskryeministri dhe ministri Stoilkoviq në Qeverinë e RMV-së.

Në fund të këtij takimi, të pranishmit u pajtuan se bashkëpunimi i ndërsjellë është jashtëzakonisht i rëndësishëm dhe se për të pasur rezultate, përveç iniciativës, duhet edhe angazhim maksimal.

Lajme

Kush është Valdrin Uka, drejtori i ri ekzekutiv i Shkëndijës

Më shumë se shtatë vite pjesë e klubit, Uka është një nga kuadrot e rritura dhe të përgatitura brenda strukturave të Shkëndijës, ndërsa ndryshimet e fundit pasqyrojnë planin e klubit për të ndërtuar një menaxhment të qëndrueshëm me njerëz nga brenda.

Ndryshimet e fundit në strukturën e KF Shkëndija nuk janë të rastësishme. Përtej emërimeve të reja në pozita drejtuese, ato pasqyrojnë një filozofi të qartë të klubit për të përgatitur kuadro nga brenda dhe për t’u besuar atyre përgjegjësi gjithnjë e më të mëdha.

Në qendër të këtij riorganizimi është Valdrin Uka, i cili është emëruar Drejtor Ekzekutiv i Shkëndijës. Uka është pjesë e klubit prej më shumë se shtatë vitesh dhe gjatë kësaj periudhe ka qenë pranë strukturave drejtuese, duke ndjekur nga afër funksionimin dhe zhvillimin e klubit. Vitet e kaluara në menaxhmentin e Shkëndijës e kanë shërbyer si një proces i gjatë përgatitjeje dhe kalitjeje për përgjegjësinë e re.

Në të njëjtën linjë janë edhe ndryshimet në Departamentin Sportiv. Erhan Selimi, deri tani Drejtor i Shkollës së Futbollit, avancon në pozitën e Drejtorit Sportiv, ndërsa Festim Ademi, pas rolit të Team Menaxherit, emërohet Drejtor Teknik i Departamentit Sportiv.

Të tre emërimet kanë një të përbashkët: bëhet fjalë për njerëz që tashmë njohin nga afër klubin, strukturën dhe mënyrën e funksionimit të tij. Kjo tregon se Shkëndija prej kohësh ka punuar në krijimin dhe përgatitjen e kuadrove të veta për pozita udhëheqëse.

Me vizionin dhe mbështetjen e drejtuesve dhe sponsorit të klubit, ndryshimet janë pjesë e një plani për një organizim më të balancuar dhe më profesional, duke ndjekur modelin e klubeve moderne ku investimi nuk bëhet vetëm te skuadra, por edhe te njerëzit që e drejtojnë dhe e zhvillojnë organizatën.

Në këtë drejtim, Shkëndija po tregon se kuadrot nuk kërkohen vetëm jashtë klubit, por ndërtohen, zhvillohen dhe përgatiten edhe brenda tij.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.