Prag Inter-Juventus/ Lumturohet Allegri, rikuperon një tjetër titullar

Tjetër lajm i mirë për Max Allegrin në prag të supersfidës të së dielës (20:45) kundër Interit.

Pas rikuperimeve të Federico Chiesas dhe mesfushorit Weston McKennie, bardhezinjtë do të kenë të gatshëm për duelin e rëndësishëm për titullin kampion, edhe Adrien Rabiot.

Mesfushori francez, i cili mungoi në dy ndeshjet e fundit për të problemeve në pulpë, është rikuperuar dhe sot u është bashkuar shokëve në stërvitje.

Një rikthim i rëndësishëm për teknikun Allegri, pasi Rabiot është një “shtyllë” e Juves në repartin e mesit të fushës.

Interi kryeson Serie A me 54 pikë, një më shumë se “Zonja e Vjetër”. Zikaltrit e Simone Inzaghit kanë luajtur një ndeshje më pak se rivalët kryesorë për fitimin e Serie A./ Super Sport

Top Channel

BEFASI NË TETOVË: Shkëndija mundet nga Bashkimi

Një surprizë e madhe është regjistruar në Tetovë, ku Bashkimi arriti të befasojë Shkëndijën, duke shkaktuar një nga rezultatet më të papritura në kampionat.

Bashkimi arriti ta mposht me rezultat prej 3-2 Shkëndijën në terrenin e saj.

Kjo humbje për Shkëndijën vjen si një goditje në garën për kreun, ndërsa Bashkimi dëshmon se mund të jetë faktor i rëndësishëm në fazën përfundimtare të sezonit.

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Sport

Shkëndija e Tetovës fiton gjysmëfinalen e parë ndaj Shkëndijës Haraçinës

Gjysmëfinalja e parë e Kupës së Maqedonisë së Veriut i ka takuar Shkëndijës së Tetovës që triumfoi me rezultat 3:2 ndaj Shkëndijës së Haraçinës. Fillimisht tetovarët avansuan me Trumçin, teksa skuadra nga Haraçina përmbysi përkohësisht me Nuhijën dhe Livarekën. Megjithatë, kuqezinjtë tetovar gjetën dy herë tjetër rrjetën me Kërstevskin dhe Meliqin për fitore dhe rezultat final 3:2.

Ndërkohë ndeshja tjeter gjysmëfinale ndërmjet Ohridit dhe Sileksit u mbyll me barazim 1:1. Ndeshjet e kthimit të gjysmëfinales së Kupës do të luhen me 6 maj. /SHENJA/