Sport

E bujshme! Lewis Hamilton tradhëton Mercedesin për Ferrarin

Lewis Hamilton do të largohet nga Mercedes dhe do t’i bashkohet Ferrarit për sezonin 2025 në Formula 1.

Kontrata aktuale e Hamiltonit me Mercedes do të skadonte në fund të vitit 2025, por ai do të largohet nga ekipi pas këtij sezoni dhe do të zëvendësojë Carlos Sainz në Ferrari.

Hamilton aktivizoi një klauzolë lirimi në kontratën e tij me Mercedes, dhe Ferrari konfirmoi të enjten në mbrëmje se shtatë herë kampioni i botës po i bashkohet atyre në një marrëveshje “shumëvjeçare”.

Punonjësit e Mercedes në Brackley u informuan për lajmin më herët të enjten pasdite përpara njoftimit zyrtar nga ekipi.

Charles Leclerc nënshkroi një kontratë të re me Ferrarin javën e kaluar dhe do të jetë shoku i skuadrës së Hamilton në Ferrari nga viti i ardhshëm.

Shtatë herë kampioni i botës është piloti më i suksesshëm në historinë e F1 me 103 fitore dhe 104 pole position. Michael Schumacher është i vetmi pilot tjetër me shtatë tituj botërorë.

Hamilton, i cili nuk ka fituar asnjë garë që nga dhjetori 2021, iu bashkua Mercedes në vitin 2013 nga McLaren dhe ka fituar gjashtë tituj botërorë me ekipin.

Ai ishte i lidhur me Ferrarin për këtë vit, por nënshkroi një kontratë të re dyvjeçare verën e kaluar, së bashku me shokun e skuadrës së Mercedesit, George Russell, për të qëndruar deri në fund të vitit 2025.

Sezoni i ri F1 2024 fillon me Çmimin e Madh të Bahreinit nga 29 shkurt deri më 2 mars.

Top Channel

Lajme

Pëson lëndim të rëndë, Shkëndija mbetet pa Drilon Islamin

Ndeshja përballë Shkëndijës së Haraçinës ka rezultuar fatale për mesfushorin e Shkëndijës së Tetovës, Drilon Islami, i cili pësoi një lëndim të rëndë pas një përplasjeje në fushë.

Nga skuadra tetovare sot përmes një komunikate kanë bërë të ditur se mesfushori i tyre ka thyer klavikulën e krahut të djathtë, ku kosovari u detyrua ta braktisë lojën dhe u transportua me ambulancë në spital në duelin e zhvilluar në Çair.

Shkëndija bënë të ditur se për momentin, ekipi mjekësor ende nuk ka vendosur nëse trajtimi do të kërkojë ndërhyrje kirurgjikale apo nëse rehabilitimi do të realizohet përmes terapisë.

Megjithatë, ajo që është e sigurt është se Islamin e pret një periudhë më e gjatë jashtë terreneve sportive, duke qenë një mungesë e rëndësishme për skuadrën tetovare./Sportmania/

Lajme

Mbrëmja e “Duelit Sportiv” përfundon me incident në mes të Liridon Lecit dhe Edonisa Aliut

Televizioni Dukagjini ka njoftuar ndërprerjen e menjëhershme të bashkëpunimit me panelistin Liridon Leci, pas një incidenti që ka ndodhur të dielën mbrëma, pas përfundimit të emisionit “Dueli Sportiv”.

Sipas reagimit të televizionit, incidenti ka ndodhur mes Lecit dhe mysafires së emisionit, ish-futbollistes Edonisa Aliu.

Drejtori i Informacionit në TV Dukagjini, Dibran Istrefi, ka bërë të ditur përmes një njoftimi në rrjetin social Facebook, se vendimi është marrë pas shqyrtimit të rrethanave të rastit.

Televizioni ka theksuar se situata të tilla janë të papranueshme, ndërsa ka bërë të ditur se me rastin po merren organet e rendit dhe të drejtësisë.

TV Dukagjini ka shprehur gatishmërinë për bashkëpunim të plotë me organet përkatëse, të cilat pritet të sqarojnë rrethanat e incidentit.

Lajme

“Ballistët” formojnë strukturën e re organizative!

Tifogrupi i Shkëndijës ka formuar sonte strukturën e re organizative, pas mbledhjes së mbajtur më 4 tetor. Kryesia e ngushtë do të përbëhet nga 6 anëtarë, ndërsa për kryetar është zgjedhur Shaban Zeneli.

Kryesia e re do të ketë përkrahjen edhe të një grupi punues, i cili do të funksionojë si strukturë më e gjerë në mbështetje të kryesisë dhe tifogrupit.

Organizimi i parë i këtij kapitulli të ri do të jetë të dielën, më 11 tetor, në udhëtimin për ndeshjen Shkëndija e Haraçinës – Shkëndija, që do të zhvillohet në stadiumin e Çairit.