Lajme

“Bajrami nuk është arratisur, ai jeton në një shtet tjetër,” ka deklaruar avokati i ish-drejtorit të Lotarisë

Avokati Antonio Apostolski do ta përfaqësojë ish-drejtorin e Lotarisë Shtetërore, Përparim Bajramin, në çështjen ku ai, së bashku me ish-zëvendëskryeministrin Artan Grubi dhe disa persona të tjerë, është i dyshuar për përvetësimin e rreth tetë milionë eurove nga Lotaria.

Këtë informacion e ka konfirmuar avokati Apostolski, i cili deklaroi se Bajrami nuk është i arratisur nga shteti, por prej disa muajsh jeton jashtë vendit.

Edhe kryeministri Hristijan Mickoski, duke folur për këtë çështje gjatë pjesëmarrjes në emisionin “Click Plus,” tha se drejtori i Lotarisë Shtetërore nuk ka qenë në vend për një kohë të gjatë.

-Informacionet e mia janë se ish-drejtori i Lotarisë Shtetërore nuk ka qenë në vend për një kohë të gjatë. Ndërsa ish-zëvendëskryeministri, gjatë ditës së djeshme, së bashku me një biznesmen, me një automjet me targa diplomatike ka lënë Maqedoninë dhe është drejtuar për te fqiu ynë verior, Kosova, deklaroi Mickoski.

Ministria e Punëve të Brendshme ka shpallur një fletë-arrest ndërkombëtar për Grubin dhe Bajramin, pasi Gjykata Penale Themelore në Shkup ka caktuar masën e paraburgimit prej 30 ditësh për ta.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net