Lifestyle

E qara mund t’ju bëjë mirë për shëndetin

Njerëzit që qajnë perceptohen si të dobët. Ky paragjykim është shumë i gabuar, sepse e qara është një nga veprimet më të shëndetshme për organizmin.

Kur njeriu derdh lotë, me to çliron edhe ndjenjat më të shtypura brenda vetes. Për më tepër, e qara nuk asociohet vetëm me emocionet negative.

Njeriu mund të qajë edhe nga lumturia.

Ndonëse në vendin tonë, si dhe në vende të tjera të botës, e qara është një dobësi që i atribuohet vetëm gjinisë femërore, shkenca thotë se frenimi i emocioneve krijon probleme të thella psikologjike dhe të dobëson më shumë.

Studimet kanë zbuluar një sërë përfitimesh që i vijnë organizmit nëse njeriu nuk i mban lotët.

Përfitimet janë jo vetëm emocionale por edhe fizike.

E qara largon stresin

Njeriu përballet me mijëra momente stresuese çdo ditë.

Kjo ngarkesë emocionale duhet çliruar dhe lotët janë mënyra më e mirë për të hequr stresin dhe ndjenjat negative.

Lotët përmbajnë një substancë të njohur si adrenocorticotropinë, një hormon që lidhet me stresin.

Lotët përmbajnë edhe prolaktinë dhe encefalinë që janë substanca natyrale kundër dhimbjes.

Kjo është arsyeja përse ndiheni më të qetë pas një të qare.

Lotët shuajnë dhimbjen

Lotët kanë aftësinë të transformojnë emocionet negative në diçka të prekshme dhe të manovrueshme.

Nëpërmjet të qarës, njeriu mund të përballet më mirë me ndjenjat.

E qara është hapi i parë për të kapërcyer dhimbjen fizike dhe emocionale.

Për shembull, kur një fëmijë rrëzohet dhe lëndohet, reagimi i parë i tij është të qajë si pasojë e dhimbjes fizike.

E njëjta gjë vlen edhe për emocionet. Nëpërmjet të qarës, njeriu i jep formë të prekshme një emocioni negativ që lëndon.

E qara përmirëson humorin

Kur njeriu qan, truri prodhon endorfinë që rezulton në përmirësimin e konsiderueshëm të humorit.

Duke qenë se nëpërmjet lotëve, çlirohet tensioni, njeriu do të arrijë të shohë gjërat më qartë dhe të ngrihet përtej vështirësive.

Çështjet psikosomatike

Sipas të dhënave të AgroWeb,org, nëse truri përcepton se diçka po të lëndon, menjëherë gjeneron një kundërpërgjigje negative në organizëm.

Truri është si një thikë me dy presa.

Nëse nuk i çlironi emocionet, ndjenjat apo mendimet mund të shkaktojë çrregullime psikosomatike siç janë depresioni, ankthi dhe vetëvlerësimi i ulët.

Njërëzit e prekur nga depresioni ose ata që janë gijthë kohën të mërzitur dhe nuk e shprehin, vuajnë nga çrregullime me tretjen ose kanë oreks të dobët.

Për më tepër, ata janë të prirur të vuajnë nga sëmundjet kardiovaskulare dhe problemet me frymëmarrjen.

Përmbajtja e lotëve dhe mërzisë shkakton jo vetëm probleme me stomakun, por edhe ekzema në lëkurë dhe probleme më të thella.

E qara përmirëson shikimin

Lotët lubrifikojnë membranat e syve.

Nëse ju i mbani lotët atëherë rrezikoni të dëmtoni shikiminin, sepse një nga funksionet kryesore të lotëve është të hidratojë sytë.

Lotët janë rezultat i disa reagimeve kimike dhe nxiten nga një sërë faktorësh:

Ambienti dhe njerëzit që ju rrethojnë

Agjentë të jashtëm që tjetërsojnë mukusin e syve

Marrëdhëniet biokimike mes trurit (kujtesa, emocionet, ndjenjat) personalitetit dhe humorit.

Është e rëndësishme të mësoni se nëse ju nuk qani dot, atëherë trupi do të qajë për ju.

E qara mbron trupin nga manifestimet fizike të dhimbjes.

Mirë është të derdhni lot lumturie, por edhe ato prej dhimbjes nuk duhet t’i frenoni pasi janë pjesë e natyrës njerëzore./AgroWeb.org

Top Channel

Lifestyle

Super energji në projektin e ri, Blerta Veseli publikon projektin ”Business”

Këngëtarja Blerta Veseli ka ardhur fuqishëm me projektin e saj më të ri muzikor, duke sjellë një atmosferë krejt tjetër në skenën shqiptare. Me stilin e saj unik, energjinë “gangsta” dhe paraqitjen plot karakter, Blerta po dëshmon se di si të tërheqë vëmendjen që në sekondat e para.

Kënga e re vjen me beat të fortë, ritëm modern dhe një vibe urban që e bën projektin të duket si një super produksion ndërkombëtar. Interpretimi i Blertës është i guximshëm, i sigurt dhe plot attitude, ndërsa klipi sjell skena dinamike, luks, stil rruge dhe një estetikë që përputhet perfekt me frymën e këngës.

Pas këtij produksioni qëndron emri i njohur NURTEEL, i cili edhe kësaj radhe ka sjellë një sound modern dhe mjaft të kapshëm për publikun. Në realizimin vizual është përkujdesur XL FILMS, duke i dhënë klipit pamje kinematografike dhe atmosferë të fuqishme urbane, ndërsa producent ekzekutiv i projektit është LABINOT NURAJ.

Blerta Veseli në këtë projekt shfaqet më e guximshme se kurrë, duke kombinuar muzikën ritmike me një paraqitje që reflekton vetëbesim, stil dhe identitet artistik. Fansat kanë reaguar menjëherë në rrjete sociale, duke e cilësuar projektin si një nga publikimet më “hard” dhe më të veçanta të momentit.

Në kohën kur tregu muzikor po mbushet me projekte të ngjashme, Blerta duket se ka zgjedhur të vijë ndryshe — me personalitet, energji dhe një frymë “street vibe” që e bën projektin të dallohet menjëherë.

Kënga tashmë është publikuar në YouTube dhe po merr reagime të shumta nga publiku e fansat e muzikës urbane.

Lifestyle

Blerim Destani e puth nënën në ballë dhe i bën urimin më të bukur

Aktori shqiptar me famë ndërkombëtare, Blerim Destani, vazhdon të ndajë herë pas here momente personale me ndjekësit e tij në rrjetet sociale. Krahas angazhimeve profesionale, ai tregon shpesh edhe raportin e afërt me familjen.

Së fundmi, aktori ka publikuar në Instastory një fotografi ku shihet duke e puthur nënën e tij në ballë.

Në imazhin e ndarë, të dy shfaqen pranë njëri-tjetrit në një moment emocional dhe familjar.

Krahas fotografisë, Blerimi ka shkruar edhe urimin: “Urime oj nana jem”.

Postimi i tij është një tjetër dëshmi e raportit të ngushtë që aktori ka me familjen dhe veçanërisht me nënën e tij.

Lifestyle

“Oj Nanë” pritet të jetë një nga këngët më të komentuara të momentit

Këngëtari Aleksander Gjelaj ka publikuar projektin e tij më të ri “Oj Nanë”, një këngë me emocion të fortë dhe mesazh të thellë që prek zemrat e publikut.

Teksti dhe melodia mbajnë firmën e Petrit Sefaj, ndërsa orkestrimi është realizuar nga Florent Boshnjaku, duke i dhënë këngës një dimension të veçantë artistik.

Nga ana vizuale, projekti vjen me një videoklip të realizuar nga Power Media, nën regjinë e Zak Daoud, i cili ka sjellë një atmosferë të fuqishme dhe shumë emocionale përmes skenave të kuruara me kujdes.

Projekti është mbështetur nga sponsorët Anita Perkaj dhe Valentino Gjelaj, ndërsa një falënderim i veçantë i dedikohet “The War Memorial”, që i shton edhe më shumë peshë simbolike videoklipit.

“Oj Nanë” pritet të jetë një nga këngët më të komentuara të momentit, duke konfirmuar edhe një herë talentin dhe përkushtimin e Aleksander Gjelajt në muzikë.